ನೇಪಾಳದಲ್ಲಿ ಇಂದಿನಿಂದ ಭಾರತದ 200, 500, 2000 ರೂ. ನೋಟುಗಳು ನಿಷೇಧ: ಕಾರಣ ಏನ್ ಗೊತ್ತಾ?

ನೋಟ್ ಬ್ಯಾನ್ ಬಳಿಕ ಭಾರತದಲ್ಲಿ ಬಿಡುಗಡೆಯಾಗಿರುವ ನೂತನ 200, 500 ಮತ್ತು 2000 ರ ಭಾರತೀಯ ನೋಟುಗಳಿಗೆ ನೇಪಾಳ ಸರ್ಕಾರ ನಿಷೇಧ ಹೇರಿದೆ.

ನವದೆಹಲಿ: ನೋಟ್ ಬ್ಯಾನ್ ಬಳಿಕ ಭಾರತದಲ್ಲಿ ಬಿಡುಗಡೆಯಾಗಿರುವ ನೂತನ  200, 500 ಮತ್ತು 2000 ರೂ. ಮುಖಬೆಲೆಯ ನೋಟುಗಳನ್ನು ನೇಪಾಳ ಸರ್ಕಾರ ಅಕ್ರಮ ಎಂದು ಘೋಷಿಸಿದೆ. ನೇಪಾಳದಲ್ಲಿ ಇಂದಿನಿಂದ(ಶುಕ್ರವಾರ) ಭಾರತದ 200, 500, 2000 ರೂ. ನೋಟುಗಳನ್ನು ನಿಷೇಧಿಸಲಾಗಿದೆ.

ಹೀಗಾಗಿ ಇನ್ಮುಂದೆ ಭಾರತದ ಈ ನೋಟುಗಳನ್ನು ನಿಮ್ಮೊಂದಿಗೆ ಕೊಂಡೊಯ್ಯುವುದು, ನಿಮ್ಮಲ್ಲಿ ಇರಿಸಿಕೊಳ್ಳುವುದು ಮತ್ತು ಆ ನೋಟುಗಳನ್ನು ಬದಲಾಯಿಸಿಕೊಳ್ಳುವುದು ಕಾನೂನು ಬಾಹಿರವಾಗಿದೆ. ನೇಪಾಳದ ಸಂವಹನ ಮತ್ತು ಮಾಹಿತಿ ಸಚಿವ ಗೋಕುಲ್ ಪ್ರಸಾದ್ ಬಸ್ಕೋಟ ಅವರು ಈ ಗುರುವಾರ ರಾತ್ರಿ (ಡಿಸೆಂಬರ್ 13) ಈ ವಿಷಯವನ್ನು ದೃಢಪಡಿಸಿದ್ದಾರೆ. ನೇಪಾಳ್ ಕ್ಯಾಬಿನೆಟ್ ಈ ಆದೇಶವನ್ನು ತಕ್ಷಣದ ಪರಿಣಾಮದೊಂದಿಗೆ ಕಾರ್ಯಗತಗೊಳಿಸಲು ಆದೇಶಿಸಿದೆ.

ಸರ್ಕಾರದ ಈ ನಿರ್ಧಾರದ ಪರಿಣಾಮ ನೆರವಾಗಿ ನೇಪಾಳ ಪ್ರವಾಸೋದ್ಯಮದ ಮೇಲೆ ಉಂಟಾಗಲಿದೆ. ಭಾರತೀಯ ಪ್ರವಾಸಿಗರಿಗೆ ಇದರಿಂದ ತೊಂದರೆ ಉಂಟಾಗಲಿದೆ. ನೋಟ್ ಬ್ಯಾನ್ ಬಳಿಕ ಭಾರತದಲ್ಲಿ ಬಿಡುಗಡೆಯಾಗಿರುವ ನೂತನ  200, 500 ಮತ್ತು 2000 ರ ಭಾರತೀಯ ನೋಟುಗಳಿಗೆ ನೇಪಾಳ ಸರ್ಕಾರ ಮಾನ್ಯತೆ ನೀಡಿರಲಿಲ್ಲ. ಆದರೆ ಇದುವರೆಗೂ ಅದನ್ನು ಕಾನೂನು ಬಾಹಿರ ಎಂದೂ ಕೂಡ ಘೋಷಿಸಿರಲಿಲ್ಲ. ನೇಪಾಳ ಮಾರುಕಟ್ಟೆಯಲ್ಲಿ ಈ ನೋಟುಗಳು ಚಲಾವಣೆಯಲ್ಲಿವೆ. ಆದರೆ ನೇಪಾಳ ಸರ್ಕಾರ ಇದನ್ನು ಕಾನೂನು ಬಾಹಿರ ಎಂದು ಘೋಷಿಸುವ ಮೂಲಕ ಭಾರತೀಯ ನೋಟುಗಳ ಚಲಾವಣೆಯನ್ನು ಸಂಪೂರ್ಣವಾಗಿ ನಿಲ್ಲಿಸಲು ನಿರ್ಧರಿಸಿದೆ.

The government has decided to ban the use of high denomination Indian Currency notes and use only IRS 100 in Nepal from now onwards.https://t.co/hiPPTJgQQI

— The Kathmandu Post (@kathmandupost) December 13, 2018

ಈಗ ಭಾರತೀಯರು ನೇಪಾಳಕ್ಕೆ ತೆರಳುವುದಾದರೆ 100-50 ಅಥವಾ ಇತರ ನೋಟುಗಳನ್ನು ಕೊಂಡೊಯ್ಯಬೇಕಾಗುತ್ತದೆ ಅಥವಾ ನೇಪಾಳದ ಗಡಿಯಲ್ಲೇ ಹೊಸ ಭಾರತೀಯ ನೋಟುಗಳನ್ನು ನೇಪಾಳದ ಕರೆನ್ಸಿಗಳೊಂದಿಗೆ ಬದಲಿಸಬೇಕಾಗುತ್ತದೆ. ಭಾರತೀಯ ಕರೆನ್ಸಿ ನೇಪಾಳದಲ್ಲಿ ಸರಾಗವಾಗಿ ವಹಿವಾಟಗುತ್ತಿತ್ತು. ಆದರೆ ನೇಪಾಳ ಸರ್ಕಾರದ ಈ ನಿರ್ಧಾರದಿಂದ ನೇಪಾಳ ಪ್ರವಾಸೋದ್ಯಮದ ಮೇಲೆ ಪ್ರಭಾವ ಬೀರುತ್ತದೆ ಎಂಬುದನ್ನು ಸರ್ಕಾರ ನಂಬುತ್ತದೆ. ಆದರೆ ಗ್ರಾಮಾಂತರ ಭಾಗಗಳಲ್ಲಿ ಈ ನಿರ್ಧಾರ ಅಗತ್ಯವಾಗಿತ್ತು.