Three Giant Snakes Fall Through Ceiling: ಹಾವುಗಳಿಗೆ ಸಂಬಂಧಿಸಿದ ಅದೆಷ್ಟೋ ವಿಡಿಯೋಗಳನ್ನು ನಾವೆಲ್ಲರೂ ಸೋಶಿಯಲ್ ಮೀಡಿಯಾದಲ್ಲಿ ಕಂಡಿದ್ದೇವೆ. ಆದರೆ ಇಂದು ನಾವು ಹೇಳಹೊರಟಿರುವ ಸುದ್ದಿಯನ್ನು ಓದಿದರೆ ಮೈ ಜುಂ ಎನಿಸದಿರದು. ಅಷ್ಟೇ ಅಲ್ಲ, ಈ ಘಟನೆಯ ವಿಡಿಯೋ ನೋಡಬೇಕಾದರೆ ಹೃದಯ ಗಟ್ಟಿ ಮಾಡಿಕೊಳ್ಳುವುದು ಉತ್ತಮ. ಅಷ್ಟೊಂದು ಭಯಂಕರವಾಗಿದೆ.
ಈ ವಿಡಿಯೋ ಕಂಡಾಗ ಎದೆಯಲ್ಲಿ ನಮಗೆ ತಿಳಿಯದಂತೆ ಭಯ ಆವರಿಸುತ್ತದೆ. ಈ ದೃಶ್ಯಗಳು ನಂಬಲಾಗದ ಕ್ಷಣವನ್ನು ತೋರಿಸಿದೆ. ಹೌದು ಹಾವಿನ ರಾಶಿಯೇ ಮನೆಯ ಛಾವಣಿಯಿಂದ ಕೆಳಬಿದ್ದಿವೆ.
ಇದನ್ನೂ ಓದಿ: Viral Video : ಇದ್ದಕ್ಕಿದ್ದಂತೆ ವಾಹನದ ಮೇಲೆ ಆನೆ ದಾಳಿ.! ಬಡಪಾಯಿ ಚಾಲಕನ ಪಾಡು ನೋಡಿ..
ಈ ಘಟನೆ ನಡೆದಿರುವುದು ಮಲೇಷ್ಯಾದಲ್ಲಿ. ಹೌದು ಇಲ್ಲಿನ ಮನೆಯಲ್ಲಿ ವಿಚಿತ್ರ ಶಬ್ದ ಕೇಳುತ್ತಿದೆ ಎಂದು ಭಾವಿಸಿ, ತುರ್ತು ಸಿಬ್ಬಂದಿಯನ್ನು ಕರೆಸಲಾಗಿದೆ. ಈ ವೇಳೆ ಕಾರ್ಯಾಚರಣೆ ನಡೆಸುವಾಗ ಭೀಕರ ದೃಶ್ಯವೊಂದು ಕಣ್ಣಿಗೆ ಬಿದ್ದಿದೆ.
ಟ್ವಿಟ್ಟರ್‌ನಲ್ಲಿನ ವೀಡಿಯೊದ ಪೋಸ್ಟ್‌ನಲ್ಲಿ "ರಾತ್ರಿ ಮಲಗುವಾಗ ತಮ್ಮ ಮನೆಯ ಮೇಲೆ ವಿಚಿತ್ರವಾದ ಶಬ್ದಗಳು ಕೇಳುತ್ತಿದ್ದವು. ಏನೆಂದು ಪರಿಶೀಲಿಸಿದಾಗ ದೈತ್ಯ ಸರೀಸೃಪಗಳು ಕಂಡುಬಂದಿವೆ. ಅವುಗಳನ್ನು ರಕ್ಷಿಸಿ ಹೊರಬಿಡಲಾಗಿದೆ” ಎಂದು ಹೇಳಿದ್ದಾರೆ.
At that point you gotta burn the house pic.twitter.com/BGzbQ06kPv
— Lance🇱🇨 (@BornAKang) February 13, 2023
ಇನ್ನು ಈ ವಿಡಿಯೋದಲ್ಲಿ ನೋಡುವಂತೆ, ಒಂದು ಹಾವಿನ ಬಾಲದಲ್ಲಿ ಹಿಡಿದು ರಕ್ಷಿಸುವ ಎನ್ನುವಷ್ಟರಲ್ಲಿ ಸೀಲಿಂಗ್‌ನ ಭಾಗವೇ ಕೆಳಗೆ ಬಿದ್ದಿದೆ. ಈ ವೇಳೆ ಕಂಡಿದ್ದು ಒಂದಲ್ಲ, ಎರಡಲ್ಲ, ಮೂರು ದೈತ್ಯ ವಿಷಸರ್ಪಗಳು. ಒಂದಕ್ಕೊಂದು ಗಂಟು ಹಾಕಿಕೊಂಡು ಛಾವಣಿಯಲ್ಲಿ ಸಿಕ್ಕಿಹಾಕಿಕೊಂಡಿದ್ದವು.
ಇನ್ನು ಈ ಹಾವುಗಳು ಕಂಡಿದ್ದೇ ತಡ ಮನೆಮಂದಿಯೆಲ್ಲಾ ಭಯದಲ್ಲಿ ಕೂಗಾಡಲು ಪ್ರಾರಂಭಿಸಿದ್ದಾರೆ. ಆದರೆ ಒಬ್ಬ ಸಿಬ್ಬಂದಿ ಮಾತ್ರ ಧೈರ್ಯ ಮಾಡಿ, ಒಂದು ಹಾವಿನ ಬಾಲ ಹಿಡಿದು, ಅವುಗಳನ್ನು ರಕ್ಷಣೆ ಮಾಡಿದ್ದಾನೆ. ಈ ಸನ್ನಿವೇಶವನ್ನು ಮಹಾ ಅಗ್ನಿಪರೀಕ್ಷೆ ಎಂದರೆ ತಪ್ಪಾಗಲ್ಲ. ಘಟನೆಯ ವಿಡಿಯೋ ವೈರಲ್ ಆಗುತ್ತಿದ್ದಂತೆ, ಈಗಾಗಲೇ 10 ಮಿಲಿಯನ್ ಗೂ ಹೆಚ್ಚು ಜನ ವೀಕ್ಷಿಸಿದ್ದಾರೆ.
ಇದನ್ನೂ ಓದಿ: BIG BREAKING: ದೆಹಲಿಯ BBC ಕಚೇರಿ ಮೇಲೆ ಐಟಿ ದಾಳಿ.!
ಈ ವಿಡಿಯೋ ಕಂಡು ಭಯಗೊಂಡ ಸೋಶಿಯಲ್ ಮೀಡಿಯಾ ಬಳಕೆದಾರರು ಚಿತ್ರ ವಿಚಿತ್ರ ಕಮೆಂಟ್ ಗಳನ್ನು ಮಾಡಿದ್ದಾರೆ. ಒಬ್ಬ "ಇಡೀ ಮನೆಗೆ ಬೆಂಕಿ ಹಚ್ಚಿ" ಎಂದು ಬರೆದಿದ್ದಾನೆ. ಮತ್ತೊಬ್ಬ, “ಇವುಗಳ ಬಾಧೆಯಿಂದ ನಾನು ಮಂಗಳ ಗ್ರಹಕ್ಕೆ ಹೋಗಬೇಕಾಗಿತ್ತು ”ಎಂದು ಹೇಳಿದ್ದಾನೆ. ಮೂರನೇ ವ್ಯಕ್ತಿ "ಇದು ದುಃಸ್ವಪ್ನದಂತೆ ಕಾಣಿಸುತ್ತಿದೆ" ಎಂದು ಹೇಳಿದ್ದಾನೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
