Navarathri: നവരാത്രി വ്രതമെടുക്കുമ്പോൾ ഭക്ഷണത്തിൽ ഉള്ളിയും വെളുത്തുള്ളിയും ചേർക്കരുത്..! കാരണമിത്

Navrathri 2023: നവരാത്രിയുടെ വ്രതാനുഷ്ഠാനങ്ങളിൽ, ഇന്ത്യൻ വിഭവങ്ങളിൽ പൊതുവെ ഒഴിച്ചുകൂടാനാകാത്ത ചേരുവകളായ ഉള്ളി, വെളുത്തുള്ളി എന്നിവയുടെ ഉപഭോഗം ഒഴിവാക്കുന്നത് പതിവാണ്.

നവരാത്രിയുടെ ഒമ്പത് ദിവസത്തെ മഹത്തായ ആഘോഷം രാജ്യത്ത് പുരോഗമിക്കുകയാണ്. ഹിന്ദുക്കളുടെ വിശുദ്ധ മാസമായ അശ്വിനി മാസത്തിലാണ് നവരാത്രി. ഇതിനെ ശാർദിയ നവരാത്രി എന്നും അറിയപ്പെടുന്നു, ദുർഗ്ഗാ ദേവിയുടെ ഒമ്പത് അവതാരങ്ങളെ ആരാധിക്കുന്ന സമയമാണിത്. 

ഈ കാലയളവിലുടനീളം, ഹിന്ദുക്കൾ പ്രത്യേക ഭക്ഷണ നിയന്ത്രണങ്ങൾ പാലിക്കുകയും പത്താം ദിവസം അനുഗ്രഹം ലഭിക്കുമെന്ന പ്രതീക്ഷയിൽ ഒമ്പത് ദിവസം ഉപവസിക്കുകയും ചെയ്യുന്നു. ഈ ഒമ്പത് ദിവസങ്ങളിൽ, ദുർഗ്ഗാ ദേവി തന്റെ ഭക്തർക്ക് ശക്തിയും ഐശ്വര്യവും നൽകി അനുഗ്രഹിക്കുെമെന്നാണ് ഭക്തരുടെ വിശ്വസം.

നവരാത്രിയുടെ വ്രതാനുഷ്ഠാനങ്ങളിൽ, ഇന്ത്യൻ വിഭവങ്ങളിൽ പൊതുവെ ഒഴിച്ചുകൂടാനാകാത്ത ചേരുവകളായ ഉള്ളി, വെളുത്തുള്ളി എന്നിവയുടെ ഉപഭോഗം ഒഴിവാക്കുന്നത് പതിവാണ്. ഉള്ളിയും വെളുത്തുള്ളിയും ഭക്ഷണത്തിന്റെ രുചി വർദ്ധിപ്പിക്കുന്നു. കൂടാതെ ഇവയ്ക്ക് പല ആരോഗ്യ ഗുണങ്ങളും ഉണ്ട്.  

ആയുർവേദം അനുസരിച്ച്, എളുപ്പത്തിൽ ദഹിക്കുന്നതിനാൽ സാത്വിക ഭക്ഷണം മാത്രമേ വ്രതകാലത്ത് കഴിക്കാവൂ. ഒരു സാത്വിക ഭക്ഷണക്രമം ഉപാപചയ പ്രവർത്തനങ്ങളെ പ്രോത്സാഹിപ്പിക്കുകയും പ്രതിരോധശേഷി വർദ്ധിപ്പിക്കുകയും ആരോഗ്യകരമായ ചർമ്മത്തിന് സംഭാവന നൽകുകയും മാനസിക ക്ഷേമത്തെ പിന്തുണയ്ക്കുകയും ചെയ്യുന്നു.  

ഉള്ളി ശരീരത്തിൽ ചൂട് ഉണ്ടാക്കുന്നതിനാൽ നവരാത്രി സമയത്ത് കഴിക്കാൻ അനുയോജ്യമല്ല. പകരം പഴങ്ങൾ, പച്ചക്കറികൾ, അരി, പാലുൽപ്പന്നങ്ങൾ, ഉപ്പ്, ഗ്ലൂറ്റൻ രഹിത മാവ് എന്നിവയാണ് നവരാത്രി വ്രതത്തിൽ കഴിക്കാവുന്ന ചില സാധാരണ ഭക്ഷണങ്ങൾ.