Atal Pension Yojana: എല്ലാ മാസവും 210 രൂപ അടച്ചാൽ പ്രതിമാസം 5,000 രൂപ ഉറപ്പുള്ള പെൻഷൻ; അടൽ പെൻഷൻ നിങ്ങളെ രക്ഷിക്കും

കുറഞ്ഞ നിക്ഷേപത്തിൽ എല്ലാ മാസവും 5,000 രൂപ വരെ നിങ്ങൾക്ക് ഉറപ്പുള്ള പെൻഷൻ എങ്ങനെ ലഭിക്കും. ബെസ്റ്റ് നിക്ഷേപ ഓപ്ഷനുകളിൽ ഒന്നാണിത്. ചെറിയ തുകയിൽ വലിയ വരുമാനം നേടാം എന്നതാണ് അടൽ പെൻഷൻ യോജനയുടെ എറ്റവും പ്രധാന പ്രത്യേകത.

എന്താണ് അടൽ പെൻഷൻ യോജന?

വാർദ്ധക്യത്തിൽ വരുമാന സുരക്ഷ ഉറപ്പാക്കുന്നതിനുള്ള കേന്ദ്ര സർക്കാരിന്റെ പദ്ധതിയാണിത്. 2015-16 ബജറ്റിലാണ് അടൽ പെൻഷൻ യോജന നടപ്പാക്കുന്നത്.  റിട്ടയർമെന്റിനായി പണം സമ്പാദിക്കാൻ ആളുകളെ പ്രോത്സാഹിപ്പിക്കാനാണ് സർക്കാർ ഇതിലൂടെ ശ്രമിക്കുന്നത്. അസംഘടിത മേഖലയിലെ തൊഴിലാളികളുടെ വിരമിച്ച ശേഷമുള്ള വരുമാന പ്രശ്‌നങ്ങൾ പരിഹരിക്കുന്നതിനാണ് ഈ പദ്ധതി ആവിഷ്‌കരിച്ചിരിക്കുന്നത്. പെൻഷൻ ഫണ്ട് റെഗുലേറ്ററി ആൻഡ് ഡെവലപ്‌മെന്റ് അതോറിറ്റി (പിഎഫ്ആർഡിഎ) ആണ് അടൽ പെൻഷൻ യോജന നടത്തുന്നത് .

എല്ലാ മാസവും 210 രൂപ

നിലവിലെ ചട്ടങ്ങൾ അനുസരിച്ച്, 18 വയസ്സിൽ പദ്ധതിയിൽ  5,000 രൂപയിൽ ആറുമാസം കൂടുമ്പോൾ 1239 രൂപയും അടയ്‌ക്കേണ്ടിവരും. പ്രതിമാസം 1,000 രൂപ പെൻഷൻ ലഭിക്കാൻ, നിങ്ങൾ 18 വയസ്സിൽ നിക്ഷേപിച്ചാൽ, നിങ്ങൾ പ്രതിമാസം 42 രൂപ നൽകണം. 

60 കഴിഞ്ഞാൽ എല്ലാ മാസവും 5000 രൂപ പെൻഷൻ

അടൽ പെൻഷൻ യോജനയുടെ ലക്ഷ്യം സമൂഹത്തിലെ എല്ലാ വിഭാഗങ്ങളെയും പെൻഷന്റെ പരിധിയിൽ കൊണ്ടുവരിക എന്നതാണ്. സ്‌കീമിന് കീഴിൽ, എല്ലാ മാസവും അക്കൗണ്ടിൽ നിശ്ചിത സംഭാവന നൽകിയാൽ, നിങ്ങൾക്ക് 1,000 രൂപ മുതൽ 5,000 രൂപ വരെ പ്രതിമാസ പെൻഷൻ ലഭിക്കും. ഓരോ 6 മാസത്തിലും 1239 രൂപ മാത്രം നിക്ഷേപിച്ച് 60 വയസ്സിനു ശേഷം പ്രതിമാസം 5000 രൂപ അതായത് പ്രതിവർഷം 60,000 രൂപ ആജീവനാന്ത പെൻഷൻ സർക്കാർ ഉറപ്പ്യ

ചെറുപ്പത്തിൽ ചേർന്നാൽ കൂടുതൽ ആനുകൂല്യങ്ങൾ ലഭിക്കും.

നിങ്ങളുടെ 35-ാം വയസ്സിൽ 5,000 രൂപയുടെ പെൻഷൻ പദ്ധതിയിൽ ചേർന്നാൽ 25 വർഷത്തേക്ക് ഓരോ 6 മാസത്തിലും 5,323 രൂപ നിക്ഷേപിക്കണം. ഇത്തരത്തിൽ നിങ്ങളുടെ ആകെ നിക്ഷേപം 2.66 ലക്ഷം രൂപയാകും, ഇതിൽ നിങ്ങൾക്ക് പ്രതിമാസം 5000 രൂപ പെൻഷൻ ലഭിക്കും. 18-ാംവയസ്സിൽ ചേരുകയാണെങ്കിൽ, മൊത്തം നിക്ഷേപം 1.04 ലക്ഷം രൂപ മാത്രമായിരിക്കും.പെൻഷനു വേണ്ടി ഏകദേശം 1.60 ലക്ഷം രൂപ കൂടി നിക്ഷേപിക്കേണ്ടിവരും.