ദീർഘകാലാടിസ്ഥാനത്തിൽ നിക്ഷേപത്തിന് നല്ല വരുമാനം നൽകാൻ കഴിയുന്ന വിവിധ ഓപ്ഷനുകൾ പോസ്റ്റ് ഓഫീസ് സ്കീമുകൾ വാഗ്ദാനം ചെയ്യുന്നു. പബ്ലിക് പ്രൊവിഡന്റ് ഫണ്ട് (പിപിഎഫ്) മുതൽ ടൈം ഡെപ്പോസിറ്റ് വരെ, നികുതി ലാഭിക്കാൻ സഹായിക്കുന്ന നിരവധി സ്കീമുകൾ ഉണ്ട്. ആദായനികുതി സെക്ഷൻ 80 സി പ്രകാരം ഇളവ് നൽകുന്ന അത്തരം അഞ്ച് സ്കീമുകൾ ഏതൊക്കെയാണെന്ന് നോക്കാം.
പബ്ലിക് പ്രൊവിഡന്റ് ഫണ്ട് (പിപിഎഫ്) ഒരു ദീർഘകാല സേവിംഗ്സ് സ്കീമാണ്. അത് 7.1 ശതമാനം കൂട്ടുപലിശയും സെക്ഷൻ 80 സി പ്രകാരം നികുതി ഇളവും വാഗ്ദാനം ചെയ്യുന്നു. ഈ സ്കീം ലഭിക്കുന്നതിന്, ഒരാൾ കുറഞ്ഞത് 15 വർഷത്തേക്ക് നിക്ഷേപം നടത്തണം. 1.5 ലക്ഷം വരെ ലാഭം നേടാം.
സുകന്യ സമൃദ്ധി യോജന (എസ് എസ് വൈ) 10 വയസ്സിന് താഴെയുള്ള പെൺകുട്ടികൾക്ക് മാത്രമുള്ള ഒരു പദ്ധതിയാണ്. നിക്ഷേപിച്ച പണം 18 വയസ്സിൽ പിൻവലിക്കാം. കൂടാതെ 21 വർഷത്തിന് ശേഷം മുഴുവൻ തുകയും ലഭിക്കും. 7.6 ശതമാനം പലിശ നിരക്കിൽ ഒരാൾക്ക് ഈ സ്കീമിൽ 1.5 ലക്ഷം വരെ ലാഭം നേടിത്തരും.
സീനിയർ സിറ്റിസൺ സേവിംഗ് സ്കീം എട്ട് ശതമാനം വാർഷിക പലിശ നിരക്കും 1.5 ലക്ഷം വരെ നികുതി ഇളവും വാഗ്ദാനം ചെയ്യുന്നു. ഈ സ്കീമിലെ നിക്ഷേപ പരിധി അടുത്തിടെ 30 ലക്ഷമായി ഉയർത്തിയിട്ടുണ്ട്.
പോസ്റ്റ് ഓഫീസിന്റെ ടൈം ഡെപ്പോസിറ്റ് സ്കീം അഞ്ച് വർഷത്തെ നിക്ഷേപത്തിന് 1.5 ലക്ഷം വരെ നികുതി ഇളവ് വാഗ്ദാനം ചെയ്യുന്നു. ഏഴ് ശതമാനം പലിശ നിരക്കിലാണ് നിക്ഷേപം സ്വീകരിക്കുന്നത്. നികുതി ലാഭിക്കാൻ ആഗ്രഹിക്കുന്നവർക്ക് ഈ സ്കീം മികച്ച ഓപ്ഷനാണ്.
ALSO READ: Small Finance Banks: 9.5% വരെ പലിശ കിട്ടും; പക്ഷേ ഈ ബാങ്കുകൾ സുരക്ഷിതമാണോ?
നാഷണൽ സേവിംഗ്സ് സർട്ടിഫിക്കറ്റ് (എൻഎസ്‌സി) സ്കീം 1000 രൂപ മുതൽ ആരംഭിക്കാം. ഏഴ് ശതമാനം പലിശ നിരക്കിലാണ് എൻഎസ്‌സി നിക്ഷേപം സ്വീകരിക്കുന്നത്. സെക്ഷൻ 80 സി പ്രകാരം ഒരാൾക്ക് 1.5 ലക്ഷം വരെ നികുതി ലാഭിക്കാം.
നിക്ഷേപത്തിനും നികുതി ലാഭിക്കുന്നതിനും പോസ്റ്റ് ഓഫീസ് സ്കീമുകൾ വിവിധ ഓപ്ഷനുകൾ വാഗ്ദാനം ചെയ്യുന്നുണ്ട്. പലിശ നിരക്കുകളും നിക്ഷേപ കാലയളവുകളും കണക്കാക്കി, വ്യക്തികൾക്ക് അവരുടെ സാമ്പത്തിക ആവശ്യങ്ങൾക്ക് ഏറ്റവും അനുയോജ്യമായ സ്കീം തിരഞ്ഞെടുക്കാൻ സാധിക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
