PAN Card Application: ഇന്ന് രാജ്യത്ത് ഊ വ്യക്തിക്കും ആവശ്യമായ വളരെ പ്രധാനപ്പെട്ട ഒരു രേഖയാണ് പാന്‍ കാര്‍ഡ്. ആദായനികുതി വകുപ്പ് നൽകുന്ന പാൻ കാർഡുകൾ വ്യക്തികള്‍ നടത്തുന്ന എല്ലാ സാമ്പത്തിക ഇടപാടുകൾക്കും വളരെ അനിവാര്യമാണ്. അതായത് സാമ്പത്തിക ഇടപാടുകൾ നടത്തുന്നതിന് വേണ്ട അടിസ്ഥാന രേഖയാണ് പാൻ കാർഡുകൾ.
Also Read: Rupee Note Update: പുതിയ നോട്ടിൽ എന്തെങ്കിലും എഴുതിയാൽ അത് അസാധുവാകുമോ? എന്താണ് വസ്തുത
ബാങ്ക് അക്കൗണ്ട് എടുക്കുന്നതിനും സാമ്പത്തിക ഇടപാടുകള്‍ക്കും പാന്‍ കാര്‍ഡ് അനിവാര്യമാണ്. കൂടാതെ,
ഏതുതരത്തിലുള്ള വാഹനങ്ങൾ വിൽക്കുന്നതിനും വാങ്ങുന്നതിനും പാൻ കാർഡ് ഇല്ലാതെ സാധിക്കില്ല. അതുകൂടാതെ, 50,000 രൂപയ്ക്ക് മുകളിലുള്ള ബില്ലുകൾക്കും പാൻ കാർഡ് നിർബന്ധമാണ്. അതുകൊണ്ടുതന്നെ ഇന്ന് 18 തികഞ്ഞ ഏതൊരു വ്യക്തിയും പാൻകാർഡ് എടുക്കേണ്ടത് വളരെ അത്യാവശ്യമാണ്.
പെർമനന്‍റ് അക്കൗണ്ട് നമ്പർ (Permanent Account Numbr - PAN) എന്നത് ആദായനികുതി വകുപ്പ് നൽകുന്ന പത്തക്ക ആൽഫാന്യൂമെറിക് നമ്പറാണ്. ഇത് വളരെ പ്രധാനപ്പെട്ട ഒരു സാമ്പത്തിക രേഖയാണ്. IT വകുപ്പ് നൽകുന്ന ഈ ലാമിനേറ്റഡ് പ്ലാസ്റ്റിക് കാർഡ് പാൻ കാർഡ് എന്നാണ് അറിയപ്പെടുന്നത്.
പെർമനന്‍റ് അക്കൗണ്ട് നമ്പർ അനുവദിക്കുന്നതിനുള്ള അപേക്ഷ പൂരിപ്പിച്ച് നല്‍കി നിങ്ങൾക്ക് പാൻ കാര്‍ഡിന് അപേക്ഷിക്കാം. രണ്ട് വെബ്‌സൈറ്റുകളിലൂടെ ഓൺലൈനായും പാൻ അപേക്ഷ സമർപ്പിക്കാം --പ്രോട്ടീൻ ഇഗോവ് ടെക്നോളജീസ് ലിമിറ്റഡ് (Protean eGov Technologies Limited (formerly NSDL) ഐഐടിഎസ്എൽ (UTIITSL).
അപേക്ഷാ ഫോമിനൊപ്പം നിങ്ങൾ ഇനിപ്പറയുന്ന രേഖകൾ സമർപ്പിക്കണം:-
1. തിരിച്ചറിയൽ രേഖ (Proof of identity (POI)
2. വിലാസത്തിന്‍റെ തെളിവ് (Proof of address (POA)
3. ജനനത്തീയതിയുടെ തെളിവ് (Proof of date of birth (PODB) അപേക്ഷകന്‍റെ വ്യക്തിഗത & HUF സ്റ്റാറ്റസിന് മാത്രമേ ബാധകമാകൂ.
POI, POA എന്നിവയ്ക്കുള്ള രേഖകൾ പൗരത്വത്തെയും അപേക്ഷകന്‍റെ നിലയെയും ആശ്രയിച്ചിരിക്കുന്നു.
എന്നാല്‍, പാന്‍ കാർഡിന് അപേക്ഷിക്കുമ്പോള്‍ ഏറ്റവും അത്യാവശ്യമായി വേണ്ട ഒന്നാണ് മേല്‍വിലാസത്തിനുള്ള തെളിവ്. നിരവധി രേഖകള്‍ വിലാസത്തിന്‍റെ തെളിവായി ഉപയോഗിക്കാവുന്നതാണ്.
പാൻ കാർഡ് അപേക്ഷ നല്‍കുമ്പോള്‍ വിലാസത്തിന്‍റെ തെളിവായി ഉപയോഗിക്കാവുന്ന 19 രേഖകളുടെ ലിസ്റ്റ് ചുവടെ:-
1. യുണീക്ക് ഐഡന്‍റിഫിക്കേഷൻ അതോറിറ്റി ഓഫ് ഇന്ത്യ നൽകുന്ന ആധാർ കാർഡ്
2. ഇലക്‌ടറുടെ ഫോട്ടോ തിരിച്ചറിയൽ കാർഡ്
3. ഡ്രൈവിംഗ് ലൈസൻസ്
4. പാസ്പോർട്ട്
5. പങ്കാളിയുടെ പാസ്പോർട്ട്
6. അപേക്ഷകന്‍റെ വിലാസമുള്ള പോസ്റ്റ് ഓഫീസ് പാസ്ബുക്ക്
7. ഏറ്റവും പുതിയ പ്രോപ്പർട്ടി ടാക്സ് അസസ്മെന്‍റ് ഓർഡർ
8. സർക്കാർ നൽകുന്ന ഡൊമിസൈൽ സർട്ടിഫിക്കറ്റ്
9. കേന്ദ്ര സർക്കാരോ സംസ്ഥാന സർക്കാരോ നൽകുന്ന താമസ സൗകര്യത്തിന്‍റെ അലോട്ട്‌മെന്‍റ് കത്ത് മൂന്ന് വർഷത്തിൽ കൂടാത്തതാണ്
10. പ്രോപ്പർട്ടി രജിസ്ട്രേഷൻ ഡോക്യുമെന്‍റ്
മൂന്ന് മാസത്തിൽ കൂടുതൽ പഴക്കമില്ലാത്ത ഇനിപ്പറയുന്ന രേഖകളുടെ പകർപ്പ്:
11. വൈദ്യുതി ബിൽ
12. ലാൻഡ്‌ലൈൻ ടെലിഫോൺ അല്ലെങ്കിൽ ബ്രോഡ്‌ബാൻഡ് കണക്ഷൻ ബിൽ
13. വാട്ടർ ബിൽ
14. ഉപഭോക്തൃ ഗ്യാസ് കണക്ഷൻ കാർഡ് അല്ലെങ്കിൽ പുസ്തകം അല്ലെങ്കിൽ പൈപ്പ് ഗ്യാസ് ബിൽ
15. ബാങ്ക് അക്കൗണ്ട് സ്റ്റേറ്റ്മെന്‍റ്
16. ഡെപ്പോസിറ്ററി അക്കൗണ്ട് സ്റ്റേറ്റ്മെന്‍റ്
17. ക്രെഡിറ്റ് കാർഡ് സ്റ്റേറ്റ്മെന്‍റ്
18. പാർലമെന്‍റ് അംഗമോ നിയമസഭാംഗമോ മുനിസിപ്പൽ കൗൺസിലറോ ഗസറ്റഡ് ഓഫീസറോ ഒപ്പിട്ട വിലാസ സർട്ടിഫിക്കറ്റ്
19. തൊഴിലുടമയുടെ സർട്ടിഫിക്കറ്റ് ഒറിജിനലിൽ
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
