ഇടുക്കി: ആനച്ചാലില്‍ ആറുവയസുകാരനെ ചുറ്റിക കൊണ്ട് തലയ്ക്കടിച്ച് കൊലപ്പെടുത്തിയ സംഭവത്തില്‍ പ്രതി പിടിയില്‍. മുഹമ്മദ് ഷാന്‍ ആണ് പിടിയിലായത്. കുടുംബവഴക്കിന്റെ പേരില്‍ ഭാര്യയുടെ അമ്മയെയും സഹോദരിയെയും മക്കളെയും ഇയാള്‍ ആക്രമിക്കുകയായിരുന്നു.
തമിഴ്‌നാട്ടിലേക്ക് കടക്കാനുള്ള ശ്രമത്തിനിടെ മുതുവാന്‍കുടിയില്‍ നിന്നാണ് പ്രതിയെ പിടികൂടിയതെന്ന് പൊലീസ് വ്യക്തമാക്കി. ആറുവയസുകാരന്‍ അല്‍താഫ് ആണ് ചുറ്റിക കൊണ്ട് തലയ്ക്കടിയേറ്റ് കൊല്ലപ്പെട്ടത്. ആക്രമണത്തില്‍ ഗുരുതരമായി പരുക്കേറ്റ അല്‍താഫിന്റെ മാതാവ് സഫിയ, മുത്തശ്ശി സൈനബ എന്നിവര്‍ കോട്ടയം മെഡിക്കല്‍ കോളജ് ആശുപത്രിയിൽ ചികിത്സയിലാണ്.
കുടുംബപ്രശ്നം സംബന്ധിച്ച് വെള്ളത്തൂവൽ പൊലീസ് സ്റ്റേഷനിൽ കേസ് നിലവിലുണ്ട്. മുഹമ്മദ് ഷാൻ ചുറ്റികയുമായി വീട്ടിലെത്തി അൽത്താഫിനെയും അമ്മയെയും മുത്തശ്ശിയെയും ആക്രമിക്കുകയായിരുന്നു. അൽത്താഫിന്റെ സഹോദരിയെ ആക്രമിക്കാൻ എത്തിയപ്പോൾ കുട്ടി ഓടി അടുത്ത വീട്ടിലേക്ക് പോയി. തുടർന്ന് അയൽക്കാരോട് കുട്ടി വിവരം പറഞ്ഞു. അയൽവാസികൾ സംഭവം നടന്ന വീട്ടിലേക്ക് എത്തിയപ്പോൾ എല്ലാവരും അടിയേറ്റ് വീണ നിലയിലായിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
