Trivandrum: തിരുവോണദിവസം പെരുമാതുറമുതലപ്പൊഴിയിൽ സുഹൃത്തുക്കളോടൊപ്പം കുളിക്കാനിറങ്ങി കാണാതായ യുവാവിൻറെ മൃതദേഹം കണ്ടെത്തി. നഗരൂർ കൊടുവഴന്നൂർ ഗണപതിയാംകോണം വിളയിൽവീട്ടിൽ അനിരുദ്ധൻ മഞ്ജുഷ
ദമ്പതികളുടെ മകൻ അനുരാജ് (25) ൻറെ മൃതദേഹമാണ് ഇന്ന് കണ്ടെത്തിയത്. തിരുവോണദിവസം സുഹൃത്തുക്കളുമൊത്ത് കടലിൽകുളിക്കാനിറങ്ങിയ ഇവരിൽ നാലു പേർ ശക്തമായ തിരയിൽ മുങ്ങി പോവുകയായിരുന്നു.
ഉടൻതന്നെ സുരക്ഷാ ഗാർഡുകൾ മൂന്നു പേരെ കരയ്ക്ക് എത്തുകയും തിരുവനന്തപുരത്തെ സ്വകാര്യ ആശുപത്രിയിൽ എത്തുകയും ചെയ്തു. എന്നാൽ അനുരാജിനെ മാത്രം കണ്ടെത്താൻ കഴിഞ്ഞില്ല.
തുടർന്ന് അഞ്ചുതെങ്ങ് കോസ്റ്റൽ പോലീസും മറൈൻ എൻഫോഴ്സ്മെൻറ് വിഭാഗവും സംയുക്തമായി തിരച്ചിൽ നടത്തിയെങ്കിലും മൃതദേഹംകണ്ടെത്താനായില്ല .കഴിഞ്ഞദിവസം മത്സ്യബന്ധനത്തിനായി കടലിലേക്ക് പോയ മത്സ്യത്തൊഴിലാളികളാണ് ഇന്ന് രാവിലെ അനുരാജിൻ്റെ മൃതദേഹം കണ്ടെത്തിയത്.
ഇവർ നൽകിയ വിവരത്തിൻ്റെ അടിസ്ഥാനത്തിൽ താഴം പള്ളി ലേല പുരി എത്തിച്ച മൃതദേഹം ചിറയിൻകീഴ് താലൂക്ക് ആശുപത്രിയിലേക്ക് മാറ്റി ആറ്റിങ്ങലിലുള്ള ബി കെ ഓട്ടോമൊബൈൽസിലെ ജീവനക്കാരനാണ് മരണമടഞ്ഞ അനുരാജ്
ഏറെ നാളത്തെ പ്രണയത്തിനൊടുവിൽ രണ്ടു മാസങ്ങൾക്ക് മുൻപാണ് അനുരാജ് വിവാഹിതനായത് . ഭാര്യ ഭാഗ്യ,സഹോദരൻ അനുരാഗ്
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
