Crime News: ഭാര്യയെയും മകനെയും കുത്തി പരിക്കേൽപ്പിച്ച് യുവാവ്; സംഭവം പോങ്ങുംമൂട്ടിൽ

തിരുവനന്തപുരം: പോങ്ങുംമൂട്ടിൽ ഭാര്യയെയും പത്തുവയസുള്ള മകനെയും ഭർത്താവ് കുത്തി പരിക്കേൽപ്പിച്ചു.   ബാബുജി നഗറിൽ വാടകയ്ക്ക് താമസിക്കുന്ന അഞ്ചനയെയും മകൻ ആര്യനെയുമാണ് കുത്തി പരിക്കേൽപ്പിച്ചത്.

അഞ്ജനയുടെ ഭർത്താവ് ഉമേഷ് ഉണ്ണികൃഷ്ണൻ നമ്പീശനാണ് ഇവരെ കത്തികൊണ്ട് കുത്തിയത്.  കുടുംബ പ്രശ്നമാണ് കത്തി കുത്തിന് കാരണമെന്നാണ് പ്രാഥമിക നിഗമനം.  പരിക്കേറ്റ അഞ്ജനയെ തിരുവനന്തപുരം മെഡിക്കൽ കോളേജിലും  കുട്ടിയെ SAT യിലും പ്രവേശിപ്പിച്ചിട്ടുണ്ട്.  ഇരുവർക്കും വയറ്റിലാണ് കുത്തേറ്റത്. ഇവരെ അടിയന്തര  ശസ്ത്രക്രിയയ്ക്കായി പ്രവേശിപ്പിച്ചതായിട്ടാണ് വിവരം.  കുത്തേറ്റ ഇവരെ ആശുപതിയിൽ എത്തിച്ചതും ഉമേഷാണ്. ഉമേഷിനെ ശ്രീകാര്യം പോലീസ് കസ്റ്റഡിയിലെടുത്തിട്ടുണ്ട്.

കോഴിക്കോട് സ്വദേശികളായ  ഇവർ ഒരു വർഷം മുമ്പാണ് പോങ്ങുംമൂട് ബാബുജി നഗറിൽ വാടകയ്ക്ക് താമസമാക്കിയത്.
ഇൻഫോസിസിലെ സോഫ്റ്റ്‌വെയർ എൻജിനീയറാണ് കുത്തേറ്റ അഞ്ചന.