Bihar: ഓടുന്ന ട്രെയിനിനു നേരെ കല്ലേറ്, യാത്രക്കാരന് പരിക്ക്!

Viral Video: സോഷ്യല്‍ മീഡിയയില്‍ പങ്കുവെയ്ക്കപ്പെട്ട ചിത്രങ്ങളിലൊന്നില്‍ ഒരു യുവാവ് ട്രെയിനിന് നേരെ തൊട്ടടുത്ത് നിന്ന് കല്ലെറിയുന്നതും മറ്റൊരു ചിത്രത്തില്‍ ഒരു യാത്രക്കാരന്‍ മൂക്കിന് പരിക്കേറ്റ നിലയില്‍ ട്രെയിനിനകത്ത് സീറ്റില്‍ ഇരിക്കുന്നതും കാണാം.

ഭഗല്‍പൂര്‍–ജയ്‌നഗര്‍ എക്‌സ്പ്രസ് ട്രെയിനിന് നേരെ ബീഹാറില്‍ വെച്ചാണ് കല്ലേറുണ്ടായതെന്നാണ് റിപ്പോർട്ട്. കല്ല്  എറിഞ്ഞയാളുടെ ചിത്രങ്ങളും വീഡിയോയും ട്രെയിനില്‍ നിന്നുതന്നെ ഒരാള്‍ പകര്‍ത്തുകയും ഇത് സാമൂഹിക മാധ്യമങ്ങളിലൂടെ പുറത്തുവരികയും ചെയ്തിട്ടുണ്ട്. 

സോഷ്യല്‍ മീഡിയയില്‍ പങ്കുവെയ്ക്കപ്പെട്ട ചിത്രങ്ങളിലൊന്നില്‍ ഒരു യുവാവ് ട്രെയിനിന് നേരെ തൊട്ടടുത്ത് നിന്ന് കല്ലെറിയുന്നതും  മറ്റൊരു ചിത്രത്തില്‍ ഒരു യാത്രക്കാരന്‍ മൂക്കിന് പരിക്കേറ്റ നിലയില്‍ ട്രെയിനിനകത്ത് സീറ്റില്‍ ഇരിക്കുന്നതും കാണാം. ദര്‍ബംഗയ്ക്കും കാകര്‍ഘാതിയ്ക്കും ഇടയ്ക്കുവെച്ചാണ് കല്ലേറുണ്ടായതെന്നും എറിഞ്ഞയാളെ പൊലീസ് അറസ്റ്റ് ചെയ്തുവെന്നും വീഡിയോ ക്ലിപ്പിനൊപ്പമുള്ള കുറിപ്പില്‍ പറയുന്നുണ്ട്.

भागलपुर जयनगर इंटरसिटी एक्स. पर दरभंगा से काकरघाटी के बीच पथराव किया गया, जिस पर @spjdivn महोदय द्वारा त्वरित कार्यवाही करते हुए पत्थरबाज की गिरफ्तारी की गई। रेल प्रशासन से आग्रह है कि दोषी के खिलाफ कठोरतम कार्यवाही की जाय ताकि ऐसी घटना की पुनरावृत्ति न हो।@ECRlyHJP @GM_ECRly pic.twitter.com/1ODdRkUK9n

— Supaul Voice | सुपौल वॉइस (@SupaulVoice) August 3, 2024

ഇത്തരക്കാര്‍ക്ക് കടുത്ത ശിക്ഷ നല്‍കണമെന്ന് സോഷ്യല്‍ മീഡിയയിലൂടെ നിരവധിപ്പേര്‍ ആവശ്യപ്പെട്ടിട്ടുണ്ട്. ഈ പോസ്റ്റില്‍ പ്രതികരണവുമായി റെയില്‍വെ മന്ത്രാലയവും രംഗത്തെത്തിയിരുന്നു. സംഭവത്തില്‍ കുറ്റക്കാരനായ വ്യക്തിയെ തിരിച്ചറിഞ്ഞിട്ടുണ്ടെന്നും ഇയാള്‍ക്കെതിരെ വിവിധ വകുപ്പുകള്‍ പ്രകാരം കേസ് രജിസ്റ്റര്‍ ചെയ്തതായും റെയില്‍വെ അറിയിച്ചിട്ടുണ്ട്.