തൃശ്ശൂർ: വാഹന പുക പരിശോധന കേന്ദ്രം തുടങ്ങാൻ 5000 രൂപ കൈക്കൂലി വാങ്ങിയ മോട്ടോർ വെഹിക്കിൾ ഇൻസ്പെക്ടറിനെ വിജിലൻസ് അറസ്റ്റ് ചെയ്തു. തൃശ്ശൂർ തൃപ്രയാർ സബ് ആർ ടി ഓഫീസ് എംവിഐ സിഎസ് ജോർജ്,
ഇയാളുടെ ഏജൻറുമാണ് വിജിലൻസ് പിടിയിലായത്. കേസിൽ പരാതിക്കാരൻ പുക പരിശോധന കേന്ദ്രം തുടങ്ങുന്നതിനായി അപേക്ഷ സമർപ്പിച്ചിരുന്നു. എന്നാൽ ഇത് പാസ്സാക്കാതെ കൈക്കൂലിയായി 5000 രൂപ എംവിഐ ആവശ്യപ്പെടുകയായിരുന്നു.
ചോദിച്ച പൈസ കൈക്കൂലിയായി ആണെന്ന് മനസ്സിലാക്കിയ പരാതിക്കാരൻ വിജിലൻസിൽ പരാതി നൽകി. തുടർന്ന് ഫിനോൾഫ് തലിൻ പുരട്ടി നൽകിയ നോട്ട് പരാതിക്കാരനിൽ നിന്നും ഏജന്റായ അഷ്‌റഫ്‌ സ്വീകരിക്കുന്ന സമയം പിടികൂടുകയുമായിരുന്നു. ഡിവൈഎസ്പി ജിം പോൾ സിജി,ഇൻസ്പെക്ർ പ്രദീപ്കുമാർ, ഗ്രേഡ് എസ് ഐമാരായ ജയകുമാർ, പീറ്റർ, എഎസ്ഐ മാർ ബൈജു സിപിഒമാർ എന്നിവരാണ് സംഘത്തിലുണ്ടായിരുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
