Murder: മൂവാറ്റുപുഴ ജനറൽ ആശുപത്രിയിൽ യുവതിയെ കുത്തിക്കൊന്നു; പ്രതി പിടിയിൽ

Woman stabbed to death: മൂവാറ്റുപുഴ ജനറൽ ആശുപത്രിയിൽ ചികിത്സയിൽ കഴിയുന്ന പിതാവിനെ കാണാൻ എത്തിയ സിംനയെ കുത്തിക്കൊലപ്പെടുത്തുകയായിരുന്നു.

എറണാകുളം: മൂവാറ്റുപുഴയിൽ യുവതിയെ കുത്തിക്കൊന്നു. ജനറൽ ആശുപത്രിയിൽ വച്ചാണ് യുവതിയെ കുത്തിക്കൊന്നത്. നിരപ്പ് സ്വദേശിനി സിംന സക്കീറാണ് കൊല്ലപ്പെട്ടത്. പ്രതി ഷാഹുൽ എന്നയാളെ പോലീസ് കസ്റ്റഡിയിലെടുത്തു. മൂവാറ്റുപുഴ ജനറൽ ആശുപത്രിയിൽ ചികിത്സയിൽ കഴിയുന്ന പിതാവിനെ കാണാൻ എത്തിയ സിംനയെ കുത്തിക്കൊലപ്പെടുത്തുകയായിരുന്നു.

കൃത്യം നടത്തിയതിന് ശേഷം ബൈക്കിൽ കയറി രക്ഷപ്പെടാൻ ശ്രമിച്ച പ്രതിയെ പോലീസ് പിടികൂടി. ബസ് സ്റ്റാൻഡിന് സമീപത്ത് വച്ചാണ് പ്രതിയെ പിടികൂടിയത്. ഞായറാഴ്ച ഉച്ചകഴിഞ്ഞ് മൂന്നുമണിയോടെയാണ് സംഭവം നടന്നത്.

സ്ത്രീകളുടെയും കുട്ടികളുടെയും പുതിയ വാർഡിൽ വച്ചാണ് സംഭവം നടന്നത്. പ്രതി ഷാഹുൽ കയ്യിൽ കരുതിയിരുന്ന കത്തി ഉപയോ​ഗിച്ച് സിംനയുടെ കഴുത്തിലും പുറത്തും കുത്തുകയായിരുന്നു. ആക്രമണത്തിന് പിന്നിലെ കാരണം വ്യക്തമല്ല.