Omchery NN Pillai Passed Away: എഴുത്തുകാരൻ ഓംചേരി എൻ എൻ പിള്ള അന്തരിച്ചു; അന്ത്യം 100ാം വയസിൽ

ആകസ്മികം എന്ന അദ്ദേഹത്തിന്റെ ഓർമ്മക്കുറിപ്പിന് 2020ൽ കേന്ദ്ര സാ​ഹിത്യ അക്കാദമി അവാർഡ് ലഭിച്ചു.

ന്യൂഡൽഹി: പ്രശസ്ത എഴുത്തുകാരൻ ഓംചേരി എൻ.എൻ. പിള്ള അന്തരിച്ചു. 100 വയസായിരുന്നു. ഡൽഹിയിലെ സെന്റ് സ്റ്റീഫൻസ് ആശുപത്രിയിലായിരുന്നു അന്ത്യം. 1951ൽ ആകാശവാണിയിൽ ഉദ്യോ​ഗസ്ഥനായാണ് അദ്ദേഹം ഡൽഹിയിലെത്തിയത്. കേരള പ്രഭ, കേരള സാഹിത്യ അക്കാദമി പുരസ്കാരങ്ങൾ അദ്ദേഹത്തിന് ലഭിച്ചിട്ടുണ്ട്. ആകസ്മികം എന്ന ഓർമ്മക്കുറിപ്പിന് കേന്ദ്ര സാ​ഹിത്യ അക്കാദമി അവാർഡും അദ്ദേഹം നേടിയിട്ടുണ്ട്. 

ഡൽഹിയിലെ മലയാളികൾക്കിടയിൽ സജീവ സാന്നിധ്യമായിരുന്നു അദ്ദേഹം. വൈക്കം ടിവി പുരത്തിനടുത്ത മൂത്തേടത്തുകാവിൽ പി. നാരായണപിള്ളയുടെയും പാപ്പിക്കുട്ടിയമ്മയുടെയും ഇളയമകനായി 1924 ഫെബ്രുവരി ഒന്നിനാണ് ഓംചേരി എൻ.എൻ. പിള്ള ജനിച്ചത്.