ജീവിതശൈലിയിലുണ്ടായ മാറ്റങ്ങളും ഭക്ഷണക്രമീകരണവുമെല്ലാം വൃക്കകളുടെ ആരോഗ്യത്തെ സാരമായി ബാധിക്കാറുണ്ട്. ശരീരത്തിലെ മാലിന്യങ്ങൾ നീക്കം ചെയ്യുന്നതിൽ പ്രധാന പങ്കുവഹിക്കുന്ന വൃക്കകളുടെ പ്രവർത്തനം തകരാറിലായാൽ ശരീരത്തിന്റെ മൊത്തം പ്രവർത്തനവും താളംതെറ്റും. കൃത്യമായ ഡയറ്റിലൂടെ വൃക്കകളുടെ ആരോഗ്യം നിലനിർത്താൻ സാധിക്കും.
വൃക്കകളുടെ ആരോഗ്യം മികച്ചതായി നിലനിർത്താൻ മെഡിറ്ററേനിയൻ ഡയറ്റ് പിന്തുടരുന്നത് നല്ലതാണ്. ഒലിവ് എണ്ണയും മത്സ്യവും ഇലക്കറികളും ഉൾപ്പെടുന്നതാണ് മെഡിറ്ററേനിയൻ ഡയറ്റ്. ഒലിവ് ഓയിൽ വൃക്കകളുടെ ആരോഗ്യ സംരക്ഷണത്തിന് മികച്ചതാണ്. പഞ്ചസാര, ശുദ്ധീകരിച്ച ധാന്യങ്ങൾ, സംസ്കരിച്ച ഭക്ഷണങ്ങൾ എന്നിവയുടെ ഉപയോഗം കുറയ്ക്കണം. ആരോഗ്യകരമായ വിഭവങ്ങളാണ് മെഡിറ്ററേനിയൻ ഡയറ്റിലുള്ളത്.
മെഡിറ്ററേനിയൻ ഡയറ്റ് മറ്റ് ഡയറ്റുകളെ അപേക്ഷിച്ച് വൃക്കകളുടെ ആരോഗ്യത്തിന് കൂടുതൽ ഗുണം ചെയ്യുന്നുവെന്നാണ് പഠനങ്ങൾ വ്യക്തമാക്കുന്നത്. ഭക്ഷണം പാകം ചെയ്യാൻ ഒലിവ് ഓയിലിന് പകരം കനാല ഓയിൽ ഉപയോഗിക്കാവുന്നതാണ്. കനോല ഓയിൽ, ഒലിവ് ഓയിൽ എന്നിവയിൽ ആരോഗ്യകരമായ കൊഴുപ്പാണ് അടങ്ങിയിരിക്കുന്നത്.
ഇറച്ചി, മുട്ട എന്നിവ അധികമായി കഴിക്കുന്നത് വൃക്കയുടെ ആരോഗ്യത്തെ ബാധിക്കും. പഞ്ചസാരയുടെ ഉപയോഗം അമിതമായാൽ വൃക്കയിൽ കല്ലുണ്ടാകാൻ സാധ്യത കൂടുതലാണ്. വൃക്കയിൽ കല്ലുള്ളവർ ഗോതമ്പ് തവിട്, പരിപ്പ്, ചീര, ചായ എന്നിവ ഒഴിവാക്കുന്നതാണ് നല്ലത്.
ഇവയിൽ ഓക്സാലിക് ആസിഡിന്റെ സാന്നിധ്യമുള്ളതിനാലാണ് ഈ ഭക്ഷണ പദാർത്ഥങ്ങൾ ഒഴിവാക്കാൻ നിർദേശിക്കുന്നത്. ഭക്ഷണത്തിൽ ഉപ്പിന്റെ അളവ് കുറയ്ക്കുന്നതും വൃക്കകളുടെ ആരോഗ്യത്തിന് നല്ലതാണ്. ഡോക്ടറുടെ ഉപദേശം തേടിയ ശേഷം മാത്രം നിങ്ങളുടെ ഭക്ഷണ ക്രമീകരണത്തിലോ വ്യായാമത്തിലോ വ്യത്യാസം വരുത്തുക.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
