Healthy Heart: ഈ ഭക്ഷണങ്ങള്‍ ഹൃദയത്തിന് ഒട്ടും നല്ലതല്ല; ഇന്ന് തന്നെ ഗുഡ്‌ബൈ പറയാം

Foods To Avoid For Healthy Heart: ഫ്രഞ്ച് ഫ്രൈസും ബർഗറുകളുമെല്ലാം ഇന്ന് ആളുകൾക്ക് ഏറെ പ്രിയപ്പെട്ടവയാണ്.

തിരക്കേറിയ ജീവിതശൈലിയും അനാരോ​ഗ്യകരമായ ഭക്ഷണരീതികളും കാരണം ഇന്ന് പലരും ആരോ​ഗ്യ സംബന്ധമായ പലതരം പ്രശ്നങ്ങൾ നേരിടുന്നുണ്ട്. അതിൽ ഗുരുതരമായ പ്രശ്നങ്ങളിലൊന്നാണ് ഹൃദ്രോ​ഗം. മാറിയ ജീവിതശൈലി കാരണം ചില ഭക്ഷണ പദാർത്ഥങ്ങളുടെ ഉപഭോഗം ഹൃദയ സംബന്ധമായ പ്രശ്നങ്ങൾക്ക് കാരണമാകുന്നു. ഏതൊക്കെ ഭക്ഷണ പദാർത്ഥങ്ങളാണ് ഹൃദയ സംബന്ധമായ പ്രശ്നങ്ങൾ ഉണ്ടാക്കാൻ കൂടുതൽ സാധ്യതയുള്ളതെന്ന് നോക്കാം.

മാംസം: ആധുനിക ജീവിതശൈലിയിൽ മാംസാഹാരം ഒഴിച്ചുകൂടാനാകാത്ത ഒന്നായി മാറിയിരിക്കുന്നു. എന്നിരുന്നാലും, ഇവ അമിതമായി കഴിക്കുന്നത് ഹൃദയ സംബന്ധമായ പ്രശ്നങ്ങൾക്ക് കാരണമാകും. ഇത് ശരീരത്തിൽ കൊഴുപ്പും ചീത്ത കൊളസ്ട്രോളും വർദ്ധിപ്പിക്കുന്നു.

ജങ്ക് ഫുഡുകൾ: ഫ്രഞ്ച് ഫ്രൈസും ബർഗറുകളും ചിക്കൻ നഗറ്റുകളും ഇപ്പോൾ ആളുകൾ വളരെ ഇഷ്ടപ്പെട്ടാണ് കഴിക്കുന്നത്. ഇത് ഹൃദയത്തെ ദുർബലമാക്കുന്നു. അതുകൊണ്ട് ഈ ഭക്ഷണങ്ങൾ ചെറിയ അളവിൽ മാത്രമേ കഴിക്കാൻ പാടുള്ളൂ എന്നാണ് ആരോഗ്യ വിദഗ്ധർ പറയുന്നത്.

മധുര പലഹാരങ്ങൾ: ധാരാളം മധുര പലഹാരങ്ങൾ കഴിക്കുന്നത് ശരീരത്തിലെ പഞ്ചസാരയുടെ അളവ് വർദ്ധിപ്പിക്കും. ഇത് ഹൃദയസംബന്ധമായ പ്രശ്നങ്ങൾക്കുള്ള സാധ്യത വർദ്ധിപ്പിക്കുന്നു. ഇവ കുറച്ച് കഴിക്കുന്നതാണ് നല്ലതെന്നാണ് ആരോഗ്യ വിദഗ്ധർ പറയുന്നത്.

സ്നാക്സ്: അമിതമായി സ്നാക്സ് കഴിക്കുന്നത് ഹൃദയസംബന്ധമായ പ്രശ്നങ്ങൾക്ക് കാരണമാകും. ഈ ചേരുവകളിൽ എണ്ണ കൂടുതലുള്ളതിനാൽ അത് ഹൃദയത്തിന് ഒട്ടും നല്ലതല്ല.

(ഇവിടെ നൽകിയിരിക്കുന്ന വിവരങ്ങൾ വീട്ടുവൈദ്യങ്ങളും പൊതുവായ വിവരങ്ങളും അടിസ്ഥാനമാക്കിയുള്ളതാണ്. അത് സ്വീകരിക്കുന്നതിന് മുമ്പ് വൈദ്യോപദേശം സ്വീകരിക്കണം. Zee മലയാളം News അത് സ്ഥിരീകരിക്കുന്നില്ല.)