Health Benefits of Peerkangai: പൊണ്ണത്തടി മുതൽ പ്രമേഹം വരെ...! പീച്ചിങ്ങ കഴിക്കുന്നതിലൂടെ ശരീരത്തിലുണ്ടാകും അമ്പരപ്പിക്കുന്ന മാറ്റങ്ങൾ

Benefits of eating peerkangai: പീച്ചിങ്ങ കഴിക്കുന്നതിലൂടെ നമ്മുടെ ശരീരത്തിന് ലഭിക്കുന്ന ​ഗുണങ്ങൾ അറിഞ്ഞാല്‌ ഞെട്ടും എന്നുള്ളതാണ് വാസ്തവം. ​​ഗോവ കുടുംബത്തിൽ പെട്ട പച്ചക്കറിയാണ്...

ഇന്ന് പലരും നേരിടുന്ന ആരോ​ഗ്യ പ്രശ്നങ്ങളാണ് അമിതഭാരം പൊണ്ണത്തടി എന്നിവ. മാറിയ ജീവിതരീതിയും അനാരോ​ഗ്യകരമായ ഭക്ഷണശീലങ്ങളുമാണ് ഇതിന് വഴിയൊരുക്കുന്നത്. ഇന്ന് എല്ലവാരും ഫാസ്റ്റ് ഫുഡിന്റെ പുറകേയാണ്. ഇവയാണെങ്കിലോ വളരെ ഫാസ്റ്റായി തന്നെ നമ്മുടെ ആരോ​ഗ്യത്തെ നശിപ്പിക്കുന്നു. നല്ല ആരോ​ഗ്യം നിലനിർത്തുന്നതിനായി ശരിയായ അളവിൽ വെള്ളം കുടിക്കണം. മാത്രമല്ല ഭക്ഷണത്തിൽ പഴങ്ങളും പച്ചക്കറികളും ധാരാളമായി ഉൾപ്പെടുത്തേണ്ടതും വളരെ പ്രധാനമാണ്. പച്ചക്കറികളിൽ തന്നെ ചിലത് കഴിക്കുന്നത് ശരീരത്തിന് കൂടുതലായി ​ഗുണം നൽകുന്നു. അതിലൊന്നാണ് പീച്ചിങ്ങ. 

പലരും അവ​ഗണിക്കുന്ന അല്ലെങ്കിൽ കഴിക്കാൻ ഇഷ്ടപ്പെടാത്ത ഒരു പച്ചക്കറിയാണ് പീച്ചിങ്ങ. എന്നാൽ അത് കഴിക്കുന്നതിലൂടെ നമ്മുടെ ശരീരത്തിന് ലഭിക്കുന്ന ​ഗുണങ്ങൾ അറിഞ്ഞാല്‌ ഞെട്ടും എന്നുള്ളതാണ് വാസ്തവം. ​ഗോവ കുടുംബത്തിൽ പെട്ട പച്ചക്കറിയാണ് പീച്ചിങ്ങ. ശരീരത്തിനാവശ്യമായ വിവിധ വിറ്റാമിനുകൾ ധാതുക്കൾ, ഉയർന്ന നാരുകൾ, ജലാംശം എന്നിവയാൽ സമ്പന്നമാണ് ഈ പച്ചക്കറി. അതിനാൽ തന്നെ ശരീരഭാരം കുറയ്ക്കുന്നത് മുതൽ രക്തത്തിലെ പഞ്ചസാര നിയന്ത്രിക്കുന്നത് വരെ പീച്ചിങ്ങയ്ക്ക് വിവിധ ആരോഗ്യ ഗുണങ്ങളുണ്ട്. പീച്ചിങ്ങയുടെ മറ്റ് ആരോ​ഗ്യ ​ഗുണങ്ങളെക്കുറിച്ച് നോക്കാം.

പോഷകങ്ങൾ: വിറ്റാമിൻ എ, വിറ്റാമിൻ സി, ഇരുമ്പ്, മഗ്നീഷ്യം, വിറ്റാമിൻ ബി6, പൊട്ടാസ്യം, സോഡിയം, സിങ്ക്, കോപ്പർ, സെലിനിയം എന്നിവ അടങ്ങിയ ഉയർന്ന ഫൈബറും ജലവും അടങ്ങിയ പച്ചക്കറിയാണ് പീച്ചിങ്ങ. 

കരളിൻ്റെ സംരക്ഷണം: ശരീരത്തിലെ പ്രധാനപ്പെട്ട അവയവങ്ങളിൽ ഒന്നാണ് കരൾ. അതിനാൽ കരളിൽ അടിഞ്ഞു കൂടുന്ന മാലിന്യങ്ങൾ നീക്കം ചെയ്യാൻ പീച്ചിങ്ങ കഴിക്കുന്നത് വളരെ നല്ലതാണ്. കരളിൽ കൊഴുപ്പ് അടിഞ്ഞുകൂടുന്നത് തടയുന്നതിനാൽ കരൾ ആരോഗ്യം മെച്ചപ്പെടുത്തുന്നതിനുള്ള ഒരു അത്ഭുതകരമായ പച്ചക്കറിയായി പീച്ചിങ്ങയെ കണക്കാക്കുന്നു. 

പൊണ്ണത്തടി: ശരീരഭാരം കുറയ്ക്കാൻ പീച്ചിങ്ങ കഴിക്കുന്നത് പല വിധത്തിൽ ഗുണം ചെയ്യും. ഇത് ആമാശയത്തിലെ ഉപാപചയ നിരക്ക് വർദ്ധിപ്പിക്കുകയും തടി കുറയ്ക്കാൻ സഹായിക്കുകയും ചെയ്യുന്നു. ഇതുകൂടാതെ ശരീരഭാരം കുറയ്ക്കാൻ ആവശ്യമായ ജലത്താൽ സമ്പന്നമാണ്ഈ പച്ചക്കറി. 

ദഹനം: ദഹനസംഹന്ധമായ പ്രശ്നങ്ങൾ അലട്ടുന്നവർക്ക് പീച്ചിങ്ങ ഒരു മികച്ച തിരഞ്ഞെടുപ്പാണ്. കാരണം ഇതിൽ ധാരാളമായി നാരുകൾ അടങ്ങിയിരിക്കുന്നതിനാൽ ഇത് ദഹനവ്യവസ്ഥയെ മെച്ചപ്പെടുത്തുന്നു. ഇത് കഫം, പിത്തം എന്നിവ ശമിപ്പിക്കുകയും വാതത്തെ മെച്ചപ്പെടുത്തുകയും ചെയ്യുന്നു. 

പ്രമേഹം: പഞ്ചസാരയുടെ അളവ് കുറയ്ക്കുന്നതിനാൽ പ്രമേഹരോഗികൾക്ക് ഒരു അനുഗ്രഹമാണ് പീച്ചിങ്ങ. ഇത് ശരീരത്തിലെ മെറ്റബോളിസത്തെ ത്വരിതപ്പെടുത്തുന്നു. അതിലൂടെ ഇത് പ്രമേഹത്തെ നിയന്ത്രിക്കാൻ സഹായിക്കുന്നു. 

ചർമ്മത്തിൻ്റെ ആരോഗ്യം: പീച്ചിങ്ങയ്ക്ക് ആൻറി ബാക്ടീരിയൽ ഗുണങ്ങളുണ്ട്, ഇത് ചർമ്മത്തിലെ മുഖക്കുരു പ്രശ്നം കുറയ്ക്കാൻ സഹായിക്കുന്നു. ഇതുകൂടാതെ, ഇതിലെ ജലാംശം ചർമ്മത്തെ ഉള്ളിൽ നിന്ന് മോയ്സ്ചറൈസ് ചെയ്യുകയും ചർമ്മത്തെ ഉള്ളിൽ നിന്ന് വിഷവിമുക്തമാക്കുകയും തിളങ്ങുന്ന ചർമ്മം ലഭിക്കാൻ സഹായിക്കുകയും ചെയ്യുന്നു. 

നിരാകരണം: ഇവിടെ നൽകിയിരിക്കുന്ന വിവരങ്ങൾ വീട്ടുവൈദ്യങ്ങളും പൊതുവായ വിവരങ്ങളും അടിസ്ഥാനമാക്കിയുള്ളതാണ്. ഇവ പിന്തുടരുന്നതിന് മുമ്പ് വൈദ്യോപദേശം തേടേണ്ടതാണ്. ഈ വിവരങ്ങൾ ZEE മലയാളം ന്യൂസ് സ്ഥിരീകരിക്കുന്നില്ല.