നമ്മുടെ വീട്ടിലെ ഒട്ടുമിക്ക കറികളിലും ഉപയോഗിക്കുന്ന പച്ചക്കറിയിനമാണ് പച്ചമുളക്. എരിവ് നൽകുന്നതിനുമപ്പുറം പച്ചമുകളകിന് ഗുണഫലങ്ങളുമുണ്ടെന്ന് നിങ്ങൾക്ക് അറിയാമോ? ശരീരഭാരം കുറയ്ക്കുന്നത് മുതൽ ജലദോഷം അകറ്റാൻ വരെ പച്ചമുളക് സഹായിക്കും. വിറ്റാമിനുകളുടെ കലവറ തന്നെ പച്ചമുകളിലുണ്ട്.
വിറ്റാമിൻ എ, വിറ്റാമിൻ ബി6, വിറ്റാമിൻ സി, ഇരുമ്പ്, ചെമ്പ്, പൊട്ടാസ്യം, പ്രോട്ടീൻ, കാർബോഹൈഡ്രേറ്റ് തുടങ്ങിയ പോഷകങ്ങൾ പച്ചമുളകിൽ ധാരാളമുണ്ട്. ഇത് മാത്രമല്ല, ബീറ്റാ കരോട്ടിൻ, ക്രിപ്റ്റോക്സാന്തിൻ, ല്യൂട്ടിൻ-സിയാക്‌സാന്തിൻ തുടങ്ങിയ ആരോഗ്യം പ്രോത്സാഹിപ്പിക്കുന്ന പദാർത്ഥങ്ങളും ഇതിൽ അടങ്ങിയിരിക്കുന്നു. നോക്കാം പച്ചമുളകിന്റെ ആരോഗ്യ ഗുണങ്ങൾ...
ALSO READ: കറുത്ത മുന്തിരി പവർഫുള്ളാണ്..! ആരോഗ്യ ഗുണങ്ങൾ നിരവധി
1. ശരീരഭാരം കുറയ്ക്കാൻ സഹായിക്കുന്നു
പൊണ്ണത്തടി പല ആരോഗ്യ പ്രശ്നങ്ങൾക്കും കാരണമാകും. നിങ്ങൾ പച്ചമുളക് കഴിക്കുകയാണെങ്കിൽ, ശരീരഭാരം വർദ്ധിപ്പിക്കുന്ന പ്രശ്നത്തിൽ നിന്ന് മുക്തി നേടാൻ ഇത് സഹായകമാകും.
2. കണ്ണുകൾക്ക് നല്ലത്
കണ്ണുകളുടെ ആരോഗ്യം നിലനിർത്താൻ പച്ചമുളകിന് സാധിക്കും. മുളകിൽ ബീറ്റാ കരോട്ടിൻ അടങ്ങിയിട്ടുണ്ട്, ഇത് കണ്ണുകളുടെ ആരോഗ്യം നിലനിർത്തുന്നതിനും കാഴ്ച മെച്ചപ്പെടുത്തുന്നതിനും സഹായിക്കുന്നു. പച്ചമുളകിൽ ല്യൂട്ടിൻ, സിയാക്‌സാന്തിൻ തുടങ്ങിയ പോഷകങ്ങളും ആന്റിഓക്സിഡന്റ് ഗുണങ്ങളും അടങ്ങിയിട്ടുണ്ടെന്ന് ഗവേഷണങ്ങൾ തെളിയിച്ചിട്ടുണ്ട്. പച്ചമുളകിൽ കാണപ്പെടുന്ന ഈ ഗുണങ്ങളും പോഷകങ്ങളും കണ്ണിന്റെ ആരോഗ്യത്തിന് ഗുണം ചെയ്യും.
3. ക്യാൻസറിനെ പ്രതിരോധിക്കും
ക്യാൻസറിനെ ഒരു പരിധി വരെ അകറ്റി നിർത്താം. ആന്തരിക ശുദ്ധീകരണത്തിനൊപ്പം ഫ്രീ റാഡിക്കലുകളിൽ നിന്ന് നിങ്ങളുടെ ശരീരത്തെ സംരക്ഷിച്ച് ക്യാൻസറിനുള്ള സാധ്യത കുറയ്ക്കാൻ കഴിയുന്ന ആന്റി ഓക്സിഡന്റുകൾ ഇതിൽ അടങ്ങിയിരിക്കുന്നു. ക്യാൻസർ ഒരു രോഗമാണെങ്കിലും അത് അകറ്റാൻ നാം ഒരു ഡോക്ടറെ സമീപിക്കേണ്ടതാണ്.
4. ഹൃദയാരോഗ്യത്തിന് നല്ലത്
ഹൃദയത്തിന്റെ ആരോഗ്യത്തിന് പച്ചമുളകും കഴിക്കാം. ഇതിൽ ക്യാപ്സൈസിൻ എന്ന സംയുക്തം അടങ്ങിയിട്ടുണ്ട്, ഇത് മുളകിനെ ചൂടുള്ളതും ആരോഗ്യകരവുമാക്കുന്നു. ഹൃദ്രോഗ ചികിത്സയിലും ഹൃദയത്തെ സംരക്ഷിക്കുന്നതിലും ഈ മിശ്രിതം ഗുണം ചെയ്യും.
5. ചർമ്മത്തിന് നല്ലത്
പച്ചമുളകിൽ വിറ്റാമിൻ-ഇ ധാരാളം അടങ്ങിയിട്ടുണ്ട്, ഇത് നിങ്ങളുടെ ചർമ്മത്തിനും നല്ലതാണ്. ഇത് നിങ്ങളുടെ മുഖത്തെ ഇറുകിയതും ചർമ്മത്തെ എപ്പോഴും ചെറുപ്പവും മനോഹരവുമാക്കുന്നു.
6. ദഹനത്തിന്
ഗവേഷണ പ്രകാരം, പച്ചമുളകിന് ദഹനനാളത്തിന്റെ തകരാറുകളിൽ നല്ല ഫലങ്ങൾ കാണിക്കാൻ കഴിയും. വാസ്തവത്തിൽ, ദഹനവ്യവസ്ഥയുടെ തകരാറിന്റെ ഫലമായ ദഹനക്കേട്, വയറിളക്കം, മലബന്ധം എന്നിവയുടെ ലക്ഷണങ്ങൾ ദഹനനാളത്തിന്റെ തകരാറുകളിൽ ഉൾപ്പെടുന്നു.
7. ജലദോഷത്തിലും പനിയിലും ഉപയോഗപ്രദമാണ്
മുളകിൽ അടങ്ങിയിരിക്കുന്ന കാപ്സൈസിൻ നമ്മുടെ മൂക്കിലെ മ്യൂക്കസ് മെംബറേനെ ഉത്തേജിപ്പിക്കുന്നു, ഇത് നമ്മുടെ തടഞ്ഞിരിക്കുന്ന ശ്വസനവ്യവസ്ഥയെ തുറക്കുകയും ജലദോഷം, ചുമ എന്നിവയിൽ നിന്ന് തൽക്ഷണ ആശ്വാസം നൽകുകയും ചെയ്യുന്നു.
8. രക്തസമ്മർദ്ദം
ഉയർന്ന രക്തസമ്മർദ്ദം മറ്റ് പല പ്രശ്‌നങ്ങൾക്കൊപ്പം ഹൃദയസംബന്ധമായ പ്രശ്നങ്ങൾക്കും കാരണമാകും. പച്ചമുളകിൽ അടങ്ങിയിരിക്കുന്ന കാപ്സൈസിൻ ഉയർന്ന രക്തസമ്മർദ്ദം നിയന്ത്രിക്കാൻ സഹായിക്കും. ഇതിന് ആന്റിഹൈപ്പർടെൻസിവ് ഗുണങ്ങളുണ്ട്. രക്തസമ്മർദ്ദം നിയന്ത്രിക്കുന്നതിൽ ഇത് ഗുണം ചെയ്യും.
പച്ചമുളക് കൂടുതൽ കഴിക്കുന്നതിന്റെ ദോഷങ്ങൾ
പച്ചമുളകിന്റെ ഗുണങ്ങൾ ഉള്ളിടത്ത് ദോഷങ്ങളുമുണ്ട്, ഒരു ദിവസം എത്ര പച്ചമുളക് കഴിക്കണം എന്ന് നോക്കാം.
- പ്രതിദിനം 50 ഗ്രാമിൽ കൂടുതൽ പച്ചമുളക് കഴിക്കുന്നത് ഡിമെൻഷ്യ പോലുള്ള അവസ്ഥകൾക്ക് കാരണമാകുമെന്ന് ഗവേഷണങ്ങൾ പറയുന്നു.
പച്ചമുളക് അമിതമായി കഴിക്കുന്നതും ശരീരത്തിലെ വിഷാംശം വർദ്ധിപ്പിക്കും.
- പച്ചമുളക് കൂടുതലായി കഴിക്കുന്നത് ആമാശയത്തിലെ രാസപ്രവർത്തനം മൂലം ആമാശയ വീക്കത്തിന് കാരണമാകും.
- പച്ചമുളകും അസിഡിറ്റിക്ക് കാരണമാകും, അതിനാൽ അവ പരിമിതമായ അളവിൽ കഴിക്കുക.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.
