CBSE CTET 2023: സെൻട്രൽ ബോർഡ് ഓഫ് സെക്കൻഡറി എജ്യുക്കേഷൻ കേന്ദ്ര അധ്യാപക യോഗ്യതാ പരീക്ഷയുടെ (CBSE CTET 2023) തീയതി പ്രഖ്യാപിച്ചു. ഇതോടൊപ്പം, പരീക്ഷയുടെ രീതിയിലും വലിയ മാറ്റം വരുത്തിയിട്ടുണ്ട്, ഇത് സംബന്ധിച്ച് സിബിഎസ്ഇ ഔദ്യോഗിക അറിയിപ്പ് പുറപ്പെടുവിച്ചു കഴിഞ്ഞു. ഓഫ്‌ലൈനിൽ പേന-പേപ്പർ എന്നിവ ഉപയോഗിച്ചാണ് ഇത്തവണ പരീക്ഷ. 2023 ഓഗസ്റ്റ് 28-ന് ഇന്ത്യയിലെ വിവിധ നഗരങ്ങളിൽ വെച്ച് പരീക്ഷ നടക്കും.
താൽപ്പര്യമുള്ള ഉദ്യോഗാർത്ഥികൾക്ക് ഔദ്യോഗിക വെബ്സൈറ്റ് ctet.nic.in സന്ദർശിച്ച് ഔദ്യോഗിക അറിയിപ്പ് പരിശോധിക്കാവുന്നതാണ്. പുതിയതായി വന്നിരിക്കുന്ന മാറ്റങ്ങൾ ചുവടെ ചേർക്കുന്നു. ഇതനുസരിച്ചായിരിക്കും പരീക്ഷക്ക് എത്തേണ്ടത്.
CBSE CTET പരീക്ഷ 2 ഷിഫ്റ്റുകളിലായി നടത്തും. ആദ്യ ഷിഫ്റ്റ് രാവിലെ 9.30 മുതൽ 12 വരെയായിരിക്കും. അതേ സമയം, രണ്ടാം ഷിഫ്റ്റിന്റെ സമയം ഉച്ചയ്ക്ക് 2:30 മുതൽ 5 വരെ മാത്രമായിരിക്കും. ഈ പരീക്ഷയുടെ അടിസ്ഥാനത്തിലാണ് വിവിധ പ്രൈമറി, സെക്കൻഡറി സ്കൂളുകളിൽ അധ്യാപകരെ നിയമിക്കുന്നത്. രണ്ട് പേപ്പർ (വിഷയം) പരീക്ഷയാണുള്ളത്, 1-5 ക്ലാസുകൾ പഠിപ്പിക്കാൻ ആഗ്രഹിക്കുന്ന ഉദ്യോഗാർത്ഥികൾക്കുള്ളതാണ് പേപ്പർ 1. അതേസമയം പേപ്പർ 2 6-8 ക്ലാസുകളിലെ അധ്യാപകർക്കുള്ളതാണ്.
CTET 2023-ന്റെ അഡ്മിറ്റ് കാർഡ് CBSE ഉടൻ നൽകും. ഹാൾ ടിക്കറ്റില്ലാതെ പരീക്ഷാ ഹാളിൽ പ്രവേശനം അനുവദിക്കില്ല. ഇതുകൂടാതെ, സിലബസ്, യോഗ്യത, ഭാഷ, പരീക്ഷ എന്നിവയുമായി ബന്ധപ്പെട്ട വിവരങ്ങൾ ഔദ്യോഗിക വെബ്സൈറ്റിൽ ലഭ്യമാണ്. CTET 2023-നുള്ള അപേക്ഷാ പ്രക്രിയ ഏപ്രിൽ 27 മുതൽ ആരംഭിച്ച് മെയ് 26 നാണ് അവസാനിച്ചത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
