BJP Headquarters: കൊറോണ പ്രഹരത്തില്‍ ഡൽഹി ബിജെപി ആസ്ഥാനം, 50 പേര്‍ക്ക് കോവിഡ്, കെട്ടിടം അണുവിമുക്തമാക്കി

New Delhi: കൊറോണ പ്രഹരത്തില്‍  ഡല്‍ഹിയിലെ BJP ആസ്ഥാന മന്ദിരം.   24 മണിക്കൂറില്‍ ഏകദേശം 50 പേര്‍ക്ക് കൊറോണ സ്ഥിരീകരിച്ചതോടെ നടപടികള്‍ സ്വീകരിച്ച് ദേശീയ നേതൃത്വം. 

ചൊവ്വാഴ്ച നടത്തിയ  കോവിഡ് പരിശോധനയുടെ ഫലം പുറത്തുവന്നപ്പോള്‍  BJP ആസ്ഥാനത്തെ  സ്റ്റാഫ്, ശുചീകരണത്തിലും സേവനത്തിലും ഏർപ്പെട്ടിരിക്കുന്നവർ,  സെക്യൂരിറ്റി സ്റ്റാഫ്, മീഡിയ കോ-ഹെഡ് ഇൻചാർജ് സഞ്ജയ് മയൂഖ് എന്നിവരുൾപ്പെടെ 50 ഓളം പേർ കോവിഡ് -19 പോസിറ്റീവ് ആണെന്ന് കണ്ടെത്തി. 

റിപ്പോര്‍ട്ട് അനുസരിച്ച് കോവിഡ് സ്ഥിരീകരിച്ചവര്‍ എല്ലാവരും ഐസൊലേഷനിലാണ്.  കൂടാതെ  Covid -19 പ്രോട്ടോക്കോളുകൾ പാലിക്കുന്നതായും ഔദ്യോഗിക വൃത്തങ്ങൾ അറിയിച്ചു. 

BJP ആസ്ഥാന മന്ദിരത്തില്‍ കൊറോണ സ്ഥിരീകരിച്ചതിനെതുടര്‍ന്ന് ഓഫീസ് അണുവിമുക്തമാക്കിയതായി അധികൃതര്‍ അറിയിച്ചു. കൂടാതെ, COVID-19 പരിശോധനകൾ പതിവായി നടക്കുന്നുണ്ട്. ഓഫീസുമായി ബന്ധപ്പെട്ട സുപ്രധാന പ്രവർത്തനങ്ങളിൽ ഏർപ്പെട്ടിരിക്കുന്ന ആളുകൾ മാത്രമാണ് ഇപ്പോള്‍ ആസ്ഥാനത്തേക്ക് വരുന്നതെന്നും  ഔദ്യോഗിക വൃത്തങ്ങൾ കൂട്ടിച്ചേർത്തു.

അതേസമയം, ചൊവ്വാഴ്ച (ജനുവരി 11) ഉത്തർപ്രദേശ് നിയമസഭാ തിരഞ്ഞെടുപ്പുമായി ബന്ധപ്പെട്ട ഭാരതീയ ജനതാ പാർട്ടിയുടെ കോർ കമ്മിറ്റിയുടെ യോഗം പാർട്ടി ഓഫീസിൽ ചേർന്നിരുന്നു.  

തിങ്കളാഴ്ച, ഭാരതീയ ജനതാ പാർട്ടി ദേശീയ അദ്ധ്യക്ഷന്‍ JP നദ്ദ, തനിക്ക് കോവിഡ് -19 സ്ഥിരീകരിച്ചതായി അറിയിച്ചിരുന്നു. 

കർണാടക മുഖ്യമന്ത്രി ബസവരാജ് എസ് ബൊമ്മൈ, ബിഹാർ മുഖ്യമന്ത്രി നിതീഷ് കുമാർ, പ്രതിരോധ മന്ത്രി രാജ്‌നാഥ് സിംഗ്, കേന്ദ്ര പ്രതിരോധ സഹമന്ത്രി അജയ് ഭട്ട് എന്നിവർക്കും തിങ്കളാഴ്ച കോവിഡ് 19 സ്ഥിരീകരിച്ചിരുന്നു. 

ബുധനാഴ്ച രാവിലെ എട്ടിന് അവസാനിച്ച 24 മണിക്കൂറിനുള്ളിൽ ഇന്ത്യയിൽ 1,94,720 പുതിയ കോവിഡ് -19 കേസുകളും 442 മരണങ്ങളുമാണ്  രേഖപ്പെടുത്തിയത്. സജീവ കേസുകൾ 9,55,319 ആയി ഉയർന്നു, 211 ദിവസങ്ങളിലെ ഏറ്റവും ഉയർന്ന നിരക്കാണ് ഇത്.  പ്രതിദിന പോസിറ്റിവിറ്റി നിരക്ക് 11.05 ശതമാനമായി ഉയർന്നു.

അതേസമയം, രാജ്യത്തെ ഒമിക്രോണിന്‍റെ എണ്ണം 4,868 ആയി. പുതിയ വകഭേദത്തിന്‍റെ ഏറ്റവും കൂടുതൽ കേസുകൾ  റിപ്പോര്‍ട്ട് ചെയ്യപ്പെട്ടിരിയ്ക്കുന്നത് മഹാരാഷ്ട്രയിലാണ്.  1,281 കേസുകള്‍ മഹാരാഷ്ട്രയില്‍ റിപ്പോര്‍ട്ട്  ചെയ്യപ്പെട്ടപ്പോള്‍  തൊട്ടുപിന്നിൽ 645 കേസുകളുമായി രാജസ്ഥാനാണ്. ഡൽഹി മൂന്നാം സ്ഥാനത്താണ് 546 കേസുകള്‍. 

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy