Rahul Gandhi: രാഹുൽ ഗാന്ധിയെ അയോഗ്യനാക്കിയതിൽ പ്രതിഷേധം ശക്തമാക്കി കോൺ​ഗ്രസ്; രാജ്ഘട്ടിൽ സത്യഗ്രഹം, സംസ്ഥാനങ്ങളിലും പ്രതിഷേധം

Rahul Gandhi disqualification: വൈകിട്ട് അഞ്ച് മണിവരെയാണ് സത്യ​ഗ്രഹം. കോണ്‍ഗ്രസ് അധ്യക്ഷന്‍ മല്ലികാര്‍ജ്ജുന്‍ ഖര്‍ഗെ, എഐസിസി ജനറല്‍ സെക്രട്ടറി കെസി വേണുഗോപാല്‍, പ്രിയങ്ക ഗാന്ധി തുടങ്ങിയ നേതാക്കൾ രാജ്ഘട്ടിൽ നടത്തുന്ന സത്യഗ്രഹത്തില്‍ പങ്കെടുക്കും.

ന്യൂഡൽഹി: രാഹുല്‍ ഗാന്ധിയെ അയോഗ്യനാക്കിയ നടപടിയില്‍ പ്രതിഷേധം ശക്തമാക്കി കോൺ​ഗ്രസ്. ഇന്ന് രാജ് ഘട്ടില്‍ സത്യഗ്രഹം നടത്തും. കോണ്‍ഗ്രസ് അധ്യക്ഷന്‍ മല്ലികാര്‍ജ്ജുന്‍ ഖര്‍ഗെ, എഐസിസി ജനറല്‍ സെക്രട്ടറി കെസി വേണുഗോപാല്‍, പ്രിയങ്ക ഗാന്ധി തുടങ്ങിയ നേതാക്കളും സത്യഗ്രഹത്തില്‍ പങ്കെടുക്കും. വൈകിട്ട് അഞ്ച് മണിവരെയാണ് സത്യ​ഗ്രഹം.

സംസ്ഥാനങ്ങളിലും പ്രതിഷേധം ശക്തമാക്കാനാണ് കോൺ​ഗ്രസ് തീരുമാനം. കോണ്‍ഗ്രസ് നേതാക്കളും പ്രവര്‍ത്തകരും ജില്ലാ ആസ്ഥാനങ്ങളില്‍ ഗാന്ധി പ്രതിമക്ക് മുന്‍പില്‍ രാഹുലിന് ഐക്യദാര്‍ഢ്യം പ്രഖ്യാപിച്ച് പ്രതിഷേധിക്കും. തിങ്കളാഴ്ചയോടെ പ്രതിഷേധം രാജ്യവ്യാപകമായി ശക്തമാക്കാനാണ് കോൺ​ഗ്രസിന്റെ തീരുമാനം.

സംസ്ഥാനത്ത് ജില്ലാ കേന്ദ്രങ്ങളിൽ ഇന്ന് സത്യ​ഗ്രഹം നടത്തും. ഡിസിസികളുടെ ആഹ്വാനപ്രകാരമാണ് സത്യ​ഗ്രഹം നടത്തുന്നത്. രാവിലെ 10 മുതല്‍ വൈകിട്ട് അഞ്ചുവരെയാണ് ഡിസിസികളുടെ നേതൃത്വത്തിൽ സത്യ​ഗ്രഹം നടത്തുന്നത്. കെപിസിസി അധ്യക്ഷന്‍ കെ.സുധാകരന്‍ തിരുവനന്തപുരം കിഴക്കേകോട്ടയിലെ ഗാന്ധിപാര്‍ക്കിൽ സത്യഗ്രഹം ഉദ്ഘാടനം ചെയ്യും. പ്രതിപക്ഷ നേതാവ് വിഡി സതീശൻ എറണാകുളം കച്ചേരിപ്പടി ഗാന്ധി പ്രതിമയ്ക്ക് മുന്നിലെ പ്രതിഷേധം ഉദ്ഘാടനം ചെയ്യും.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy