പഴനിയിൽ പോകുന്നവരുടെ ശ്രദ്ധയ്ക്ക്.. ഇന്നു മുതൽ ക്ഷേത്രത്തിലേക്ക് മൊബൈൽ ഫോൺ കൊണ്ടുവരുന്നത് കർശനമായി നിരോധിച്ചിരിക്കുന്നു. ഇതുമായി ബന്ധപ്പെട്ട് ഏതാനും ദിവസങ്ങൾക്ക് മുമ്പ് കോടതി ഉത്തരവിട്ടിരുന്നു. ഇതേത്തുടർന്നാണ് ക്ഷേത്ര ഭരണസമിതിയുടെ പേരിൽ ഒക്ടോബർ ഒന്ന് മുതൽ മൊബൈൽ ഫോൺ കൊണ്ടുപോകുന്നതിനുള്ള നിരോധനം നിലവിൽ വന്നത്. ഈ സാഹചര്യത്തിൽ, ക്ഷേത്രത്തിലെ മല കയറുന്നതിന് മുന്നോടിയായി ഭക്തർക്ക് അവരുടെ സെൽ ഫോണുകളും ക്യാമറ ഉപകരണങ്ങളും പാദവിനായഗർ ക്ഷേത്രം, ഇലക്ട്രിക് ട്രാക്ഷൻ റെയിൽവേ സ്റ്റേഷൻ, റോപ്പക്കാർ സ്റ്റേഷൻ എന്നിവിടങ്ങളിൽ പ്രത്യേകം സജ്ജീകരിച്ച സുരക്ഷാ മുറിയിൽ 5 രൂപ ഫീസ് അടച്ച് സൂക്ഷിക്കാൻ ക്ഷേത്ര ഭരണസമിതി നിർദ്ദേശം നൽകിയിട്ടുണ്ട്. ഈ സാഹചര്യത്തില് സെല് ഫോണുകള് സൂക്ഷിക്കുന്നതിനുള്ള മുറികളും അതിനായി പ്രത്യേകം സജ്ജീകരണങ്ങളും ഏർപ്പെടുത്തിയിട്ടുണ്ട്. ഇതിനായി പ്രത്യേകം ജീവനക്കാരെ നിയമിച്ചിട്ടുണ്ട്.
അതേസമയം ഈ നിയമം ഭക്തരെ ബുദ്ധിമുട്ടിലാക്കിയിട്ടുണ്ട്. കഴിഞ്ഞ വർഷം ഡിസംബറിലാണ് മദ്രാസ് ഹൈക്കോടതി തമിഴ്‌നാട്ടിലെ ക്ഷേത്രങ്ങളിൽ മൊബൈൽ ഫോൺ ഉപയോഗിക്കുന്നത് നിരോധിച്ചത് . ആരാധനാലയങ്ങളുടെ പരിശുദ്ധിയും പവിത്രതയും കാത്തുസൂക്ഷിക്കുന്നതിന് വേണ്ടിയാണ് ക്ഷേത്രങ്ങളിൽ മൊബൈൽ ഫോൺ ഉപയോഗിക്കുന്നത് നിരോധിച്ചതെന്ന് കോടതി പറഞ്ഞു. ജനങ്ങൾക്ക് ബുദ്ധിമുട്ട് ഉണ്ടാകാതിരിക്കാൻ ക്ഷേത്രങ്ങളിൽ ഫോൺ നിക്ഷേപ ലോക്കറുകൾ സ്ഥാപിക്കണമെന്ന് കോടതി പറഞ്ഞു. ഉത്തരവ് പാലിക്കുന്നുണ്ടെന്ന് ഉറപ്പാക്കാൻ സുരക്ഷാ ഉദ്യോഗസ്ഥരെ നിയമിക്കുമെന്നും അറിയിച്ചു.
സുബ്രഹ്മണ്യ സ്വാമി ക്ഷേത്രത്തിൽ മൊബൈൽ ഫോൺ ഉപയോഗം നിരോധിക്കണമെന്ന ഹർജി പരിഗണിച്ചാണ് ഹൈക്കോടതി ഉത്തരവ്. മൊബൈൽ ഫോണുകൾ ആളുകളുടെ ശ്രദ്ധ തിരിക്കുകയാണെന്നും സ്വാമി ചിത്രങ്ങളുടെ ഫോട്ടോ എടുക്കുന്നത് ആഗമ നിയമങ്ങളുടെ ലംഘനമാണെന്നും ഹർജിക്കാരൻ വാദിച്ചു. ഫോട്ടോഗ്രാഫുകൾ എടുക്കുന്നത് ക്ഷേത്രങ്ങളുടെ സുരക്ഷയെ അപകടപ്പെടുത്തുമെന്നും മാത്രമല്ല ഇത്തരത്തിൽ ഫോട്ടോ എടുക്കുമ്പോൾ ക്ഷേത്രദർശനത്തിന് എത്തുന്ന സ്ത്രീകൾക്ക് അത് ബുദ്ധിമുട്ട് ഉണ്ടാക്കുമെന്നും അദ്ദേഹം പറഞ്ഞു. മധുര മീനാക്ഷി അമ്മൻ ക്ഷേത്രം, ഗുരുവായൂർ ശ്രീകൃഷ്ണ ക്ഷേത്രം, തിരുപ്പതി ശ്രീ വെങ്കിടേശ്വര ക്ഷേത്രം, തിരുച്ചെന്തൂർ ക്ഷേത്രം എന്നിവിടങ്ങളിലും മൊബൈൽ ഫോൺ നിരോധിച്ചിട്ടുണ്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
