GST waiver on Corona Drugs: ഏഴു മാസത്തെ നീണ്ട കാത്തിരിപ്പിന് ശേഷം കേന്ദ്ര, സംസ്ഥാന ധനമന്ത്രിമാര്‍ ഉള്‍പ്പെട്ട GST കൗണ്‍സിൽ യോഗം വീഡിയോ കോണ്‍ഫറന്‍സിലൂടെ ഇന്ന് നടക്കും. ജിഎസ്ടി കൗൺസിലിന്റെ 43-ാമത് യോഗമാണ് ഇന്ന് നടക്കുന്നത്.
Finance Minister Nirmala Sitharaman will chair 43rd GST Council meeting via video conferencing today pic.twitter.com/MpPMqGncCg
— ANI (@ANI) May 28, 2021
നിലവിലെ സാഹചര്യങ്ങള്‍ മുന്‍നിര്‍ത്തി കേന്ദ്രം നഷ്ടപരിഹാരം നല്‍കുന്ന കാലാവധി നേരത്തേ നിശ്ചയിച്ചിരുന്ന 2022നും അപ്പുറത്തേക്ക് നീട്ടണമെന്ന് കൂട്ടായി ആവശ്യപ്പെടാന്‍ കേരളം അടക്കമുള്ള ബി.ജെ.പി ഇതര പാര്‍ട്ടികള്‍ ഭരിക്കുന്ന ഏഴു സംസ്ഥാനങ്ങള്‍ തീരുമാനിച്ചിട്ടുണ്ട് എന്നാണ് റിപ്പോർട്ട്.
Also Read: ജി.എസ്.ടി നടപ്പാTrolling Ban: സംസ്ഥാനത്ത് ട്രോളിംഗ് നിരോധനം ജൂൺ 9 അർദ്ധരാത്രി മുതൽ ജൂലൈ 31 വരെ
ജി.എസ്.ടി (GST) നടപ്പാക്കുന്നതു വഴി സംസ്ഥാനങ്ങള്‍ക്ക് ഉണ്ടാകുന്ന നികുതി വരുമാന നഷ്ടം ആദ്യത്തെ അഞ്ചു കൊല്ലം കേന്ദ്രം നികത്തിക്കൊടുക്കണമെന്നാണ് വ്യവസ്ഥ. ഇതിന് പ്രത്യേക സെസ് പിരിക്കുന്നുണ്ടെങ്കിലും സാമ്പത്തിക പ്രതിസന്ധികള്‍ക്കിടയില്‍ വ്യവസ്ഥ പൂര്‍ണമായും കേന്ദ്രം നടപ്പാക്കുന്നില്ല. പക്ഷേ ഇന്നത്തെ കൊവിഡ് സാഹചര്യങ്ങള്‍ സംസ്ഥാനങ്ങള്‍ക്ക് ഉണ്ടാക്കിയ സാമ്പത്തിക ബുദ്ധിമുട്ട് കൂടി കണക്കിലെടുത്ത് അഞ്ചു വര്‍ഷ കാലാവധി ദീര്‍ഘിപ്പിക്കണമെന്നാണ് വിവിധ സംസ്ഥാനങ്ങള്‍ ഇന്ന് ആവശ്യപ്പെടാൻ പോകുന്നത്.
രാജസ്ഥാൻ മുഖ്യമന്ത്രി അശോക് ഗെഹ്ലോട്ട് കേന്ദ്ര സർക്കാരിന് അയച്ച കത്തിൽ സംസ്ഥാനങ്ങള്‍ക്ക് നഷ്ടപരിഹാരം നല്‍കുന്ന രീതി 2022ല്‍ നിന്ന് 2027 വരെ നീട്ടണമെന്ന് ആവശ്യപ്പെട്ടിട്ടുണ്ട്. അതുപോലെതന്നെ ഛത്തിസ്ഗഢ് ധനമന്ത്രി ടി.എസ് സിങ്ദേവും ഈ ആവശ്യമുന്നയിച്ചിരുന്നു.
Also Read: Aadhaar Card ന്റെ ഈ സേവനം ഇനി ലഭ്യമല്ല; UIDAI തീരുമാനത്തിന് പിന്നിലെ കാരണം?
എല്ലാത്തിനുമുപരി കൊറോണാ മഹാമാരിക്കിടയിൽ കൂടുന്ന ഈ യോഗത്തിൽ കൊറോണ വാക്സിനെ സംബന്ധിച്ച് എന്തെങ്കിലും ആശ്വാസം കേന്ദ്ര സർക്കാരിന് നൽകാൻ കഴിയുമെന്ന പ്രതീക്ഷയിലാണ് സംസ്ഥാനങ്ങൾ.
നിലവിൽ, വാക്സിനിൽ 5% ജിഎസ്ടി ചുമത്തുന്നുണ്ട് അതുപോലെ കൊറോണയുമായി ബന്ധപ്പെട്ട മരുന്നുകളിലും ഓക്സിജൻ കോൺസെൻട്രേറ്ററുകളിലും 12% ജിഎസ്ടി ചുമത്തുന്നുണ്ട്. കൊറോണയുടെ ഈ ഉൽപ്പന്നങ്ങളിലെല്ലാം ജിഎസ്ടി നിർത്തലാക്കാനോ കുറയ്ക്കാനോ ചില സംസ്ഥാനങ്ങൾ ആവശ്യപ്പെട്ടിട്ടുണ്ട്.
കൊറോണ ചികിത്സയ്ക്ക് ആവശ്യമായ മരുന്നുകൾ, ഉൽപ്പന്നങ്ങൾ, ഉപകരണങ്ങൾ, വാക്സിനുകൾ എന്നിവയ്ക്കുള്ള ജിഎസ്ടി നീക്കംചെയ്യാൻ കേന്ദ്ര സർക്കാരിന് കഴിയുമെന്നാണ് റിപ്പോർട്ട്. അതുകൊണ്ടുതന്നെ ധനമന്ത്രി നിർമ്മല സീതാരാമൻ (Union Finance Minister Nirmala Sitharaman) അധ്യക്ഷത വഹിക്കുന്ന യോഗത്തിന്റെ തീരുമാനമറിയാൻ കാത്തിരിക്കുകയാണ് സംസ്ഥാന സർക്കാരുകൾ.
Also Read: LPG Booking: മറ്റ് ഏജൻസികളിൽ നിന്നും സിലിണ്ടർ നിറയ്ക്കാം! പുതിയ നിയമം വരുന്നു
ജിഎസ്ടി കുറയ്ക്കുന്നതിന്റെ ഗുണങ്ങളും ദോഷങ്ങളും?
കുറച്ച് ദിവസങ്ങൾക്ക് മുമ്പ് ഫിറ്റ്മെന്റ് പാനലിന്റെ ഒരു മീറ്റിംഗ് ഉണ്ടായിരുന്നു, അതിൽ കൊറോണ വാക്സിനെയും അതുമായി ബന്ധപ്പെട്ട ഉൽപ്പന്നങ്ങളിൽ ജിഎസ്ടി കുറയ്ക്കുന്നതിനെക്കുറിച്ചും, മറ്റുന്നതിനെക്കുറിച്ചും ചർച്ച നടന്നിരുന്നു.
കേന്ദ്ര-സംസ്ഥാന ജിഎസ്ടി കൗൺസിൽ സെക്രട്ടേറിയറ്റിലെ ഉദ്യോഗസ്ഥരടങ്ങുന്നതായിരുന്നു പാനൽ. ഇന്ന് നടക്കാനിരിക്കുന്ന ജിഎസ്ടി കൗൺസിൽ യോഗത്തിൽ ചർച്ച ചെയ്യാവുന്ന ജിഎസ്ടിയിലെ മാറ്റത്തിന്റെ ഗുണങ്ങളും ദോഷങ്ങളും വാക്സിൻ വിലയെ ബാധിക്കുന്ന കാര്യങ്ങളും പാനൽ തയ്യാറാക്കിയിട്ടുണ്ട്. ഇതിൽ ഇന്ന് ചർച്ചയുണ്ടാകാൻ സാധ്യതയുണ്ട്.
ജിഎസ്ടി നിർത്തലാക്കുന്നതോടെ വില വർദ്ധിക്കുമോ?
കൊറോണ ചികിത്സയ്ക്ക് ഉപയോഗിക്കുന്ന മരുന്നുകളുടെയും വാക്സിനുകളുടെയും ജിഎസ്ടി നിർത്തലാക്കണമെന്ന് സംസ്ഥാനങ്ങൾ സർക്കാരിനോട് ആവശ്യപ്പെട്ടപ്പോൾ, ഇത് വിപരീത ഫലമുണ്ടാക്കുമെന്നാണ് ധനമന്ത്രി നിർമ്മല സീതാരാമൻ വ്യക്തമാക്കിയത്. ഇതിന്റെ അഭാവത്തിൽ മരുന്നുകൾ വില കൂടുമെന്നും ധനമന്ത്രി പറഞ്ഞു.
Also Read: viral video: ലോക്ക്ഡൗൺ കൃഷി വിശേഷവുമായി നടി സുഹാസിനി
വാക്സിനിൽ അഞ്ച് ശതമാനം കിഴിവ് നൽകിയാൽ വാക്സിനേഷൻ നിർമ്മാതാക്കൾക്ക് അസംസ്കൃത വസ്തുക്കൾക്ക് നികുതിയിളവിന്റെ ആനുകൂല്യം ലഭിക്കില്ലെന്നും ഈ സാഹചര്യത്തിൽ ഉപഭോക്താക്കളിൽ നിന്ന് ചെലവ് വീണ്ടെടുക്കുമെന്നും അതുകൊണ്ട് വില കൂടുമെന്നും ധനമന്ത്രി അറിയിച്ചു.
ജിഎസ്ടി ചുമത്തുമ്പോൾ നിർമ്മാതാക്കൾ ആ ഉൽപ്പന്നത്തിൽ സർക്കാരിൽ നിന്ന് ഇൻപുട്ട് ടാക്സ് ക്രെഡിറ്റ് എടുക്കുന്നു, പക്ഷേ ജിഎസ്ടി പൂജ്യമാകുമ്പോൾ, നിർമ്മാതാക്കൾക്ക് ഇൻപുട്ട് ടാക്സ് ക്രെഡിറ്റ് ക്ലെയിം ചെയ്യാൻ കഴിയില്ല, അപ്പോൾ അവർ ഉപഭോക്താക്കളിൽ നിന്നും അത് വസൂലാക്കും എന്നാണ് റിപ്പോർട്ട്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
