Allu Arjun: അല്ലു അർജുൻ പറയുന്നത് കളവുകളോ? 'യുവതി മരിച്ചത് അറിഞ്ഞിട്ടും സിനിമ കാണുന്നത് തുടർന്നു, തിയേറ്റർ വിട്ടില്ല'; തെളിവുകൾ പുറത്ത് വിട്ട് തെലങ്കാന പോലീസ്

Allu Arjun CCTV Video: പുഷ്പ 2 പ്രീമിയർ ഷോയ്ക്കിടെയുണ്ടായ തിക്കിലും തിരക്കിലും പെട്ട് സ്ത്രീ മരിച്ചതിനെ തുടർന്ന് പോലീസ് അല്ലു അർജുനെ അറസ്റ്റ് ചെയ്തിരുന്നു.

പുഷ്പ 2 പ്രീമയർ ഷോയുടെ പ്രദർശനത്തിനിടെയുണ്ടായ തിക്കിലും തിരക്കിലുംപെട്ട് സ്ത്രീ മരിച്ച വിവരം പോലീസ് അറിയിച്ചില്ലെന്ന നടൻ അല്ലു അർജുന്റെ വാദം പൊളിച്ച് തെലങ്കാന പോലീസ്. അല്ലു അർജുൻ എത്തിയ സന്ധ്യ തിയേറ്ററിലെ സിസിടിവി ദൃശ്യങ്ങൾ തെലങ്കാന പോലീസ് വാർത്താസമ്മേളനത്തിൽ പുറത്തുവിട്ടു.

ഷോ പൂർത്തിയാകുന്നതിന് മുൻപ് തന്നെ അല്ലു അർജുൻ ഡിസിപിക്കൊപ്പം പുറത്തേക്ക് വരുന്നത് ദൃശ്യങ്ങളിൽ കാണാൻ സാധിക്കും. യുവതിയുടെ മരണത്തിന് പിന്നാലെ അല്ലുവിന്റെ മാനേജരോട് എസിപി വിവരം അറിയിച്ചു. തിയേറ്ററിൽ നിന്ന് ഉടൻ മടങ്ങണമെന്നും ആവശ്യപ്പെട്ടു. എന്നാൽ അനുകൂല പ്രതികരണം അല്ലാത്തതിനാൽ എസിപി നേരിട്ട് നടനോട് പുറത്ത് പോകാൻ ആവശ്യപ്പെട്ടു.

Action - Reaction
1. #CCfootage #police entering the #theater & bringing #Allu #Arjun out,
2. No police came to me #AA
3. Police revealing facts
4. Warning
#AlluArjunArrest #alluarjunarrested #pushp2 #Attack #SandhyaTheatre #SandhyaTheatreTragedy pic.twitter.com/ZTx0cNz1iv

— Dandhavolu S Giri (@girizoom) December 22, 2024

എന്നാൽ, ഷോ പൂർത്തിയാകും വരെ തിയേറ്ററിൽ തുടരുമെന്നായിരുന്നു അല്ലു അർജുന്റെ മറുപടി. തുടർന്ന് എസിപി ഡിസിപിയെ ബാൽക്കണയിലേക്ക് വിളിച്ചുകൊണ്ടുവന്ന് നടനെ പുറത്തിറക്കിയെന്നാണ് പോലീസ് വ്യക്തമാക്കുന്നത്. തിയേറ്ററിലുണ്ടായ തിക്കിലും തിരക്കിലും പെട്ട് രേവതി എന്ന സ്ത്രീ മരിച്ചിരുന്നു. ഇവരുടെ മകൻ ശ്രീതേജ് കോമ സ്റ്റേജിൽ ചികിത്സയിൽ തുടരുകയാണ്.