Railway Technician Recruitment 2024: സ്കിൽ ഉണ്ടെങ്കിൽ സർക്കാർ ശമ്പളം കയ്യിൽ, റെയിൽവേയിൽ ടെക്നീഷ്യൻ ഒഴിവുകൾ

Railway Technician Recruitment 2024: താത്പര്യമുള്ള ഉദ്യോഗാർഥികൾക്ക് rrbapply.gov.in എന്ന ആർആർബിയുടെ റിക്രൂട്ട്മെന്റ് പോർട്ടൽ വഴി അപേക്ഷിക്കാം. ഏപ്രിൽ 8 രാത്രി 11:59 വരെ യാണ് അപേക്ഷി സമർപ്പിക്കാവുന്നത്. അപേക്ഷകർക്കായി ആപ്ലിക്കേഷൻ വിൻഡോ സജീവമാകും

ന്യൂഡൽഹി: ഇന്ത്യൻ റെയിൽവേയിൽ ജോലി നേടാൻ ആഗ്രഹിക്കുന്നവർക്ക് ഇതാ ഒരു സന്തോഷ വാർത്ത. റെയിൽവേയിൽ വിവിധ തസ്തികകളിലേക്കുള്ള ഒഴിവുകൾ പ്രഖ്യാപിച്ചു. ടെക്നീഷ്യൻ ഗ്രേഡ് 1 (സിഗ്നൽ), ടെക്നീഷ്യൻ ഗ്രേഡ് 3 (വിവിധം) എന്നിങ്ങനെയാണ് ഒഴിവുകൾ. താത്പര്യമുള്ള ഉദ്യോഗാർഥികൾക്ക്  rrbapply.gov.in എന്ന ആർആർബിയുടെ റിക്രൂട്ട്മെന്റ് പോർട്ടൽ വഴി അപേക്ഷിക്കാം. ഏപ്രിൽ 8 രാത്രി 11:59 വരെ യാണ് അപേക്ഷി സമർപ്പിക്കാവുന്നത്. അപേക്ഷകർക്കായി ആപ്ലിക്കേഷൻ വിൻഡോ ഇന്ന് മുതൽ സജീവമാകും.

ആകെ ഒഴിവുകൾ

നിലവിലെ കണക്ക് പ്രകാരം ആകെ 9144 ഒഴിവുകളാണ് റിക്രൂട്ട്മെൻറിലുള്ളത്.  1092 തസ്തികകൾ സിഗ്നൽ ഗ്രേഡ് 1-ലും  8052 തസ്തികകൾ ഗ്രേഡ്-3ലുമാണുള്ളത്. അപേക്ഷകൾ സമർപ്പിക്കേണ്ട വിധം എങ്ങനെയെന്ന് നോക്കാംം

അപേക്ഷ സമർപ്പിക്കാൻ

ഘട്ടം 1: rrbapply.gov.in എന്ന റെയിൽവേ റിക്രൂട്ട്മെന്റ് ബോർഡിന്റെ (ആർആർബി) ഔദ്യോഗിക വെബ്സൈറ്റ് സന്ദർശിക്കുക
സ്റ്റെപ്പ് 2: 'ഓൺലൈനിൽ ആപ്ലിക്കേഷനിൽ ക്ലിക്ക് ചെയ്ത് - ടെക്നീഷ്യൻ റിക്രൂട്ട്മെന്റ് 2024' എന്ന ഓപ്ഷൻ തിരഞ്ഞെടുക്കുക
ഘട്ടം 3: ആവശ്യമായ വിശദാംശങ്ങൾ നൽകി രജിസ്ട്രേഷൻ പ്രക്രിയ പൂർത്തിയാക്കാം.
ഘട്ടം 4: ഇമെയിൽ വിലാസവും പാസ് വേഡും ഉപയോഗിച്ച് ലോഗിൻ ചെയ്യുക.
ഘട്ടം 5: അടിസ്ഥാന, വിദ്യാഭ്യാസ യോഗ്യതകൾ നൽകുക, ഫോട്ടോകളും ഒപ്പുകളും ഉൾപ്പെടെ ആവശ്യമായ രേഖകൾ അപ് ലോഡ് ചെയ്യുക.
ഘട്ടം 6: അപേക്ഷാ ഫീസ് അടയ്ക്കുക.
ഘട്ടം 7: എല്ലാ വിശദാംശങ്ങളും അവലോകനം ചെയ്യുകയും ശരിയാണെന്ന് ഉറപ്പാക്കുകയും ചെയ്യുക.
ഘട്ടം 8: അപേക്ഷാ ഫോം സമർപ്പിക്കുക.

നടപടിക്രമം

കംപ്യൂട്ടർ ബേസ്ഡ് ടെസ്റ്റിൽ (സിബിടി) ഉദ്യോഗാർത്ഥികളുടെ യോഗ്യതയെ അടിസ്ഥാനമാക്കിയായിരിക്കും തിരഞ്ഞെടുപ്പ്. ഇതിന് പുറമെ  ഡോക്യുമെന്റ് വെരിഫിക്കേഷൻ , വൈദ്യ പരിശോധന എന്നിവയും ഉണ്ടായിരിക്കും. ഇതിന് ശേഷമായിരിക്കും ഉദ്യോഗാർത്ഥികളുടെ ചുരുക്കപ്പട്ടിക തയ്യറാക്കുക. തിരഞ്ഞടുക്കപ്പെട്ട ഉദ്യോഗാർത്ഥികളെ ആർആർബി ഔദ്യോഗിക വെബ്സൈറ്റുകൾ വഴിയും രജിസ്റ്റർ ചെയ്ത മൊബൈൽ നമ്പർ, ഇ-മെയിൽ, എസ്എംഎസ് എന്നിവ വഴി അറിയിക്കും. കമ്പ്യൂട്ടർ ബേസ് ടെസ്റ്റിൽ നെഗറ്റീവ് മാർക്കുണ്ടെന്നത് ഏറ്റവും അധികം ശ്രദ്ധിക്കേണ്ട കാര്യമാണ്. ഓരോ തെറ്റായ ഉത്തരത്തിനും മാർക്കിന്റെ മൂന്നിലൊന്ന് കുറയ്ക്കും.