close

News WrapGet Handpicked Stories from our editors directly to your mailbox

യു.പിയും ബിഹാറും എൻ.ഡി.എ​ തൂത്തുവാരും: രാം വിലാസ്​ പസ്വാൻ

ലോക്സഭാ തിരഞ്ഞെടുപ്പില്‍ യു.പിയും ബിഹാറും എൻ.ഡി.എ​ തൂത്തുവാരുമെന്ന് ലോക്​ ജനശക്തി പാർട്ടി അദ്ധ്യക്ഷന്‍ രാം വിലാസ്​ പസ്വാൻ. മുന്നോക്ക വിഭാഗത്തിൽ സാമ്പത്തികമായി പിന്നാക്കം നിൽക്കുന്നവർക്ക്​ 10% സംവരണം നൽകാനുള്ള നീക്കം ലോക്​സഭാ തിരഞ്ഞെടുപ്പിൽ എൻ.ഡി.എക്ക്​ ഗുണകരമാകുമെന്ന്​ രാം വിലാസ്​ പസ്വാൻ അഭിപ്രായപ്പെട്ടു. 

Updated: Jan 11, 2019, 06:36 PM IST
യു.പിയും ബിഹാറും എൻ.ഡി.എ​ തൂത്തുവാരും: രാം വിലാസ്​ പസ്വാൻ

ന്യൂഡൽഹി: ലോക്സഭാ തിരഞ്ഞെടുപ്പില്‍ യു.പിയും ബിഹാറും എൻ.ഡി.എ​ തൂത്തുവാരുമെന്ന് ലോക്​ ജനശക്തി പാർട്ടി അദ്ധ്യക്ഷന്‍ രാം വിലാസ്​ പസ്വാൻ. മുന്നോക്ക വിഭാഗത്തിൽ സാമ്പത്തികമായി പിന്നാക്കം നിൽക്കുന്നവർക്ക്​ 10% സംവരണം നൽകാനുള്ള നീക്കം ലോക്​സഭാ തിരഞ്ഞെടുപ്പിൽ എൻ.ഡി.എക്ക്​ ഗുണകരമാകുമെന്ന്​ രാം വിലാസ്​ പസ്വാൻ അഭിപ്രായപ്പെട്ടു. 

മുന്നോക്ക വിഭാഗത്തിൽ സാമ്പത്തികമായി പിന്നാക്കം നിൽക്കുന്നവർക്കുള്ള സംവരണം ഉത്തർപ്രദേശിലും ബിഹാറിലും വിജയം നേടാന്‍ എൻ.ഡി.എയെ സഹായിക്കും. സാമ്പത്തിക സംവരണത്തെ എതിർത്ത ആർ.ജെ.ഡിക്ക്​ ബിഹാറിൽ അക്കൗണ്ട്​ തുറക്കാനാവില്ല എന്നും അദ്ദേഹം പറഞ്ഞു.

രഘുവംശ്​ പ്രസാദ്​ സിംഗ്, ജഗ്​ദാനന്ദ് സിംഗ് തുടങ്ങിയ ആർ.ജെ.ഡി നേതാക്കൾ മുന്നാക്ക വിഭാഗത്തിൽപ്പെടുന്നവരാണ്​. സംവരണത്തെ എതിർത്ത ഇവർ എങ്ങനെയാണ്​ അവരുടെ സമുദായത്തിലെ ജനങ്ങൾക്കു മുന്നിൽ വോട്ടുചോദിച്ച്​ ചെല്ലുകയെന്നും പസ്വാൻ ചോദിച്ചു.

മൻമോഹൻ സിംഗിന്‍റെ ജാതി തനിക്കറിയില്ല. മൻമോഹൻ സിംഗ് ഒഴികെ കോൺഗ്രസ്​ പ്രധാനമന്ത്രിമാർ സവർണ സമുദായത്തിൽ നിന്നുള്ളവരാണെന്ന്​ കരുതുന്നു. അവർ എന്തുകൊണ്ട്​​ സവർണ​രിലെ പാവങ്ങൾക്ക്​ വേണ്ടി സംവരണം നടപ്പാക്കിയില്ലെന്നും പസ്വാൻ മാധ്യമങ്ങൾ നൽകിയ അഭിമുഖത്തിൽ ചോദിച്ചു.

മുന്നോക്ക വിഭാഗത്തിൽ സാമ്പത്തിക സംവരണമെന്ന നിയമഭേദഗതി നിലവിൽ വന്നിരിക്കുകയാണ്​. അതിനെ​  
സുപ്രീംകോടതിയും എതിർക്കുമെന്ന്​ കരുതുന്നില്ല. എൻ.ഡി.എ വീണ്ടും ഭരണത്തിലെത്തിയാൽ സാമ്പത്തിക സംവരണം ഒമ്പതാം ഷെഡ്യൂളിൽ ഉൾപ്പെടുത്തുമെന്നും രാം വിലാസ്​ പസ്വാൻ കൂട്ടിച്ചേർത്തു.