 "ADM Naveen Babu Death Case: 'സിബിഐ കൂട്ടിലടച്ച തത്ത'; എഡിഎമ്മിന്റെ മരണത്തിൽ സിബിഐ അന്വേഷണം ആവശ്യമില്ലെന്ന് എംവി ഗോവിന്ദൻ")
പത്തനംതിട്ട: നവീന് ബാബുവിന്റെ മരണത്തില് സിബിഐ അന്വേഷണത്തിന്റെ ആവശ്യമില്ലെന്ന് സിപിഎം സംസ്ഥാന സെക്രട്ടറി എംവി ഗോവിന്ദന്. എഡിഎം നവീൻ ബാബുവിന്റെ മരണത്തില് സിബിഐ അന്വേഷണം ആവശ്യപ്പെട്ട് നവീന് ബാബുവിന്റെ കുടുംബം ഹൈക്കോടതിയെ സമീപിച്ചതിന് പിന്നാലെയാണ് സിപിഎം സംസ്ഥാന സെക്രട്ടറിയുടെ പ്രതികരണം. സിബിഐ എന്നത് അന്വേഷണത്തിന്റെ അവസാനവാക്കല്ലെന്നും എംവി ഗോവിന്ദൻ പറഞ്ഞു.
സിബിഐ ആണ് എല്ലാത്തിന്റെയും അവസാനവാക്ക് എന്നത് തങ്ങള് ഒരിക്കലും അംഗീകരിച്ചിട്ടില്ലെന്നും ഇന്നലെയും അത് അംഗീകരിച്ചിട്ടില്ല, ഇന്നും അത് അംഗീകരിക്കുന്നില്ല, നാളെയും അംഗീകരിക്കില്ലെന്നും എംവി ഗോവിന്ദൻ പറഞ്ഞു. കേന്ദ്രസര്ക്കാര് എന്താണ് പറയുന്നത്, അത് ചെയ്യുന്നതാണ് സിബിഐ. സുപ്രീംകോടതി പറയുന്ന പോലെ കൂട്ടിലടച്ച തത്തയാണ് സിബിഐയെന്നും എംവി ഗോവിന്ദൻ മാധ്യമങ്ങളോട് പറഞ്ഞു.
നവീന്ബാബുവിന്റെ മരണത്തില് സിബിഐ അന്വേഷണം ആവശ്യപ്പെട്ട് ഭാര്യ മഞ്ജുഷ കഴിഞ്ഞദിവസം ഹൈക്കോടതിയില് ഹര്ജി സമര്പ്പിച്ചിരുന്നു. സിപിഎം നേതാവ് പ്രതിയായ കേസില് കൃത്യമായ അന്വേഷണം നടക്കുമെന്ന് പ്രതീക്ഷയില്ലെന്നും അതിനാല് സിബിഐ അന്വേഷണം നടത്തണമെന്നും ഹര്ജിയിൽ ആവശ്യപ്പെട്ടു. നവീന് ബാബുവിനെ കൊന്ന് കെട്ടിത്തൂക്കിയതാണെന്ന സംശയമുണ്ടെന്നും സംഭവത്തില് പിപി ദിവ്യയുടെ പങ്കിനെക്കുറിച്ച് സമഗ്രമായ അന്വേഷണം നടത്തിയിട്ടില്ലെന്നും ഹൈക്കോടതിയിൽ സമർപ്പിച്ച ഹര്ജിയില് ആരോപിച്ചിരുന്നു.
ഹര്ജി പരിഗണിച്ച ഹൈക്കോടതി എഡിഎം നവീൻ ബാബുവിന്റെ മരണവുമായി ബന്ധപ്പെട്ട കേസ് ഡയറി ഹാജരാക്കാന് പോലീസിന് നിര്ദേശം നല്കി. ഡിസംബര് ആറാം തീയതി കേസ് ഡയറി ഹാജരാക്കാനാണ് കോടതി നിര്ദേശം നൽകിയിരിക്കുന്നത്. ഇതിന് ശേഷം കോടതി ഡിസംബര് ഒന്പതാം തീയതി ഹര്ജിയില് വിശദമായ വാദം കേള്ക്കും.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില് വാര്ത്തകള് ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്സ്ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല് സബ്സ്ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്സ്ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
)