തൃശൂര്‍: ഗുരുവായൂര്‍ ക്ഷേത്രത്തിന്‍റെ നാലമ്പത്തിലെ ഭണ്ഡാരത്തില്‍ വെടിയുണ്ട കണ്ടെത്തി!
അമ്പലത്തിലെ അതീവ സുരക്ഷാ മേഖലയായി കണക്കാക്കപ്പെടുന്ന ഇടമാണ് ഗുരുവായൂര്‍ ക്ഷേത്രത്തിന്‍റെ നാലമ്പലം. കാണിക്ക എണ്ണുന്നതിനായി തുറന്നപ്പോഴാണ് വെടിയുണ്ട കണ്ടെടുത്തത്.
ഒന്‍പത് എംഎം പിസ്റ്റളില്‍ ഉപയോഗിക്കുന്ന വെടിയുണ്ടയാണ് കണ്ടെടുത്തതെന്ന് പോലീസ് വൃത്തങ്ങള്‍ അറിയിച്ചു. നാലമ്പത്തിനുള്ളിലെ ഭണ്ഡാര൦ മാസത്തിലൊരിക്കലാണ് തുറക്കുന്നത്.
അതിനാല്‍ തന്നെ കൂടുതല്‍ പരിശോധനകള്‍ക്ക് ഒരു മാസത്തെ സിസിടിവി ദൃശ്യങ്ങള്‍ പരിശോധിക്കേണ്ടി വരുമെന്നും പോലീസ് വൃത്തങ്ങള്‍ അറിയിച്ചു.
