Road Accident: തൃശ്ശൂരിൽ കാറും ബൈക്കും കൂട്ടിയിടിച്ചുണ്ടായ അപകടത്തിൽ യുവാവിന് ദാരുണാന്ത്യം

Road Accident In Thrissur: റോഡിലേക്ക് തെറിച്ചു വീണ ഷാഹുലിൻ്റെ തലക്ക് ഗുരുതരമായി പരിക്കേറ്റിരുന്നു. ഹെൽമെറ്റ് പൂർണ്ണമായും പൊട്ടിചിതറിയ നിലയിലായിരുന്നുവെന്നാണ് നാട്ടുകാർ പറഞ്ഞത്.

തൃശ്ശൂർ: ചൊവ്വന്നൂർ പോസ്റ്റോഫീസിന് സമീപം കാറും ബൈക്കും കൂട്ടിയിടിച്ച് യുവാവിന് ദാരുണാന്ത്യം.  വരവൂർ കക്കാട്കുന്ന് കോളനിയിൽ രവിയുടെ മകൻ ഷാഹുലാണ് മരിച്ചത്. അപകടം നടന്നത് ഇന്നലെ രാത്രി എട്ടരയോടെ ആയിരുന്നു.

കുന്നംകുളം ഭാഗത്തേക്ക് വരികയായിരുന്ന കാർ എതിരെ വന്ന ബൈക്കിൽ ഇടിക്കുകയായിരുന്നു എന്നാണ് റിപ്പോർട്ട്. റോഡിലേക്ക് തെറിച്ചു വീണ ഷാഹുലിൻ്റെ തലക്ക് ഗുരുതരമായി പരിക്കേറ്റിരുന്നു. ഹെൽമെറ്റ് പൂർണ്ണമായും  പൊട്ടിചിതറിയ നിലയിലായിരുന്നുവെന്നാണ് നാട്ടുകാർ പറഞ്ഞത്. യുവാവിനെ ഉടൻതന്നെ കുന്നംകുളത്തെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.

അപകടമുണ്ടാക്കിയ കാർ സംഭവസ്ഥലത്ത് നിർത്താതെ ഓടിപ്പോയെങ്കിലും ഒരു 50 മീറ്റർ അകലെ റോഡരികിൽ നിർത്തിയിട്ട് അതിലെ യാത്രക്കാർ രക്ഷപ്പെട്ടു. മരിച്ച ഷാഹുൽ കുന്നംകുളം ഐസി ട്രാവൽസിലെ ജീവനക്കാരനായിരുന്നു. ജോലി കഴിഞ്ഞ് വീട്ടിലേക്ക് മടങ്ങുമ്പോഴായിരുന്നു അപകടം സംഭവിച്ചത്.