Bharath Rice: റേഷൻ കാർഡ് വേണ്ട.. ഒറ്റ തവണ 10 കിലോ വരെ ലഭ്യം; 'ഭാരത് റൈസ്'ന്റെ സവിശേഷതകൾ ഇങ്ങനെ

Bharath Rice: 5 ലക്ഷം ടൺ അരിയാണ് ചില്ലറ വിപണി വില്പനയ്ക്കായി കേന്ദ്രം അനുവദിച്ചിരിക്കുന്നത്. തൃശ്ശൂരിൽ 29 രൂപ നിരക്കിൽ 150 പായ്ക്കറ്റ് പൊന്നി അരിയുടെ വിൽപ്പനയാണ് നടത്തിയത്. അതേസമയം വരും ദിവസങ്ങളിൽ മറ്റു ജില്ലകളിലും ഭാരത് അരിയുടെ വിതരണം നടത്തും.

തിരുവനന്തപുരം: 29 രൂപ വിലയുമായി ഭാരത് അരിയുടെ വിതരണം ആരംഭിച്ച് കേന്ദ്രം. ഒരു കിലോയ്ക്ക് 29 രൂപ നിരക്കിൽ 5 കിലോയുടെയും 10കിലോയുടെയും പാക്കറ്റുകൾ ആയിട്ടാണ് അരി ലഭ്യമാക്കുകയെന്ന് ഭക്ഷ്യ ഉപഭോക്തൃകാര്യ മന്ത്രി പിയൂഷ് ഗോയൽ വ്യക്തമാക്കി. നാഫെഡ്, നാഷണൽ കോ-ഓപ്പറേറ്റീവ് കൺസ്യൂമേഴ്സ് ഫെഡറേഷൻ, കേന്ദ്രീയ ഭണ്ഡാർ എന്നീ സംവിധാനങ്ങളിലൂടെയാകും അരി പൊതുവിപണിയിൽ എത്തിക്കുക. 

5  ലക്ഷം ടൺ അരിയാണ് ചില്ലറ വിപണി വില്പനയ്ക്കായി കേന്ദ്രം അനുവദിച്ചിരിക്കുന്നത്. തൃശ്ശൂരിൽ 29 രൂപ നിരക്കിൽ 150 പായ്ക്കറ്റ് പൊന്നി അരിയുടെ വിൽപ്പനയാണ് നടത്തിയത്. അതേസമയം വരും ദിവസങ്ങളിൽ മറ്റു ജില്ലകളിലും ഭാരത് അരിയുടെ വിതരണം നടത്തും.

ഉപഭോക്താക്കൾക്ക് നേരിട്ടും ഈ കൊമേഴ്സ് പ്ലാറ്റ്ഫോമുകളിലൂടെയും അരി വാങ്ങിക്കാം.  ഭാരത് അരി വിപണിയിലെത്തിക്കുന്നതിനു മുന്നോടിയായി നിലവിലുള്ള സ്റ്റോക്ക് കണക്കുകള്‍ അറിയിക്കാൻ സർക്കാർ വ്യാപാരികളോട് നിർദേശിച്ചിട്ടുണ്ട്.