Accident In Kumali: കുമളിയിൽ ജീപ്പും ബൈക്കും കൂടിയിടിച്ച് 2 യുവാക്കൾക്ക് ദാരുണാന്ത്യം

ഇടുക്കി: കുമളിയിൽ ബൈക്കും ജീപ്പുും കൂട്ടിയിടിച്ചുണ്ടായ അപകടത്തിൽ രണ്ടു യുവാക്കൾക്ക് ദാരുണാന്ത്യം. വണ്ടിപ്പെരിയാർ കന്നിമാർചോല സ്വദേശികളായ അജയ് , സന്തോഷ്‌ എന്നിവരാണ് അപകടത്തിൽ മരിച്ചത്. 

ഇവരുടെ ഒപ്പമുണ്ടായിരുന്ന അരുണിനെ ഗുരുതര പരുക്കേറ്റതിനെ തുടർന്ന് കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചിട്ടുണ്ട്. കുമളി ഹോളിഡേ ഹോമിനു സമീപമായിരുന്നു അപകടം നടന്നത്. 

കുമളിയിൽ നിന്നും കന്നിമാചോലയിലേക്ക് പോയ ഇവരുടെ ബൈക്ക് കുമളിയിലേക്ക് വരികയായിരുന്ന ജീപ്പുമായി കൂട്ടിയിടിച്ചാണ് അപകടമുണ്ടായത്.  അപകടത്തിൽ രണ്ടു പേരുംർ സംഭവ സ്ഥലത്തുവെച്ചു തന്നെ മരിച്ചു.  അപകടത്തിൽ മരിച്ച സന്തോഷിന്‍റെ ഒരു കൈ അറ്റുപോയിരുന്നു.

രാജീവ് ചന്ദ്രശേഖറിൽ നിന്ന് വിഷുക്കൈനീട്ടം സ്വീകരിച്ച് നടി ശോഭന; റോഡ് ഷോയിലും സാന്നിധ്യം

തിരുവനന്തപുരം ലോക്‌സഭാ മണ്ഡലത്തിലെ എന്‍ഡിഎ സ്ഥാനാര്‍ത്ഥി രാജീവ് ചന്ദ്രശേഖറിന്റെ തെരഞ്ഞെടുപ്പ് പ്രചാരണത്തിനെത്തി നടിയും നര്‍ത്തകിയുമായ ശോഭന. രാജീവിനൊപ്പം റോഡ് ഷോയില്‍ പങ്കെടുത്ത ശോഭന ഹോട്ടല്‍ ഹൈസിന്തില്‍ നടന്ന വാര്‍ത്താ സമ്മേളനത്തില്‍ രാജീവില്‍ നിന്നും വിഷുക്കൈനീട്ടം സ്വീകരിച്ചു.

രാജീവ് ചന്ദ്രശേഖറിന് പിന്തുണയുമായാണ് തിരുവനന്തപുരത്തെത്തിയതെന്ന് ശോഭന പറഞ്ഞു. നാളെ പ്രധാനമന്ത്രി നരേന്ദ്ര മോദിയുടെ പരിപാടിയിലും പങ്കെടുക്കുമെന്ന് ശോഭന അറിയിച്ചു. ഉച്ചയ്ക്ക് ഒന്നിന് ആരംഭിച്ച വാഹന പ്രചരണ ജാഥ വൈകിട്ട് ഏഴ് മണിയോടെ നെയ്യാറ്റിന്‍കര ടിബി ജങ്ഷനിലെത്തിയപ്പോഴാണ് ശോഭന രാജീവിനൊപ്പം റോഡ് ഷോയില്‍ പങ്കെടുത്തത്. ബിജെപി ജില്ലാ അധ്യക്ഷന്‍ വിവി രാജേഷും റോഡ് ഷോയിൽ ഉണ്ടായിരുന്നു.