Kerala Covid: സംസ്ഥാനത്ത് ആറിൽ ഒരു കേസ് വീതം കോവിഡ് റിപ്പോർട്ട് ചെയ്യുന്നു,കുട്ടികളെ ശ്രദ്ധിക്കണമെന്ന് ആരോഗ്യമന്ത്രി

 70.24 ശതമാനം പേർക്ക് ഇതുവരെ കോവിഡ് വാക്സിൻ നൽകി കഴിഞ്ഞു. 25.51 ശതമാനം പേർക്ക് രണ്ടാം ഡോസും നൽകി. 

Written by - Zee Malayalam News Desk | Last Updated : Aug 27, 2021, 05:54 PM IST
  • അതേസമയം ഞായറാഴ്ച സമ്പൂർണ ലോക്ക് ഡൌൺ ആണ് സർക്കാർ പ്രഖ്യാപിച്ചിരിക്കുന്നത്
  • ഒാണത്തിന് പിന്നാലെ സംസ്ഥാനം അതീവ ഗുരുതരാവസ്ഥയിലേക്ക് പോവും എന്ന് നേരത്തെ തന്നെ മുന്നറിയിപ്പുണ്ടായിരുന്നു
  • സംസ്ഥാനത്ത് നിലവിൽ ടെസ്റ്റ് പോസിറ്റിവിറ്റി നിരക്ക് തന്നെ 15 ശതമാനത്തിനും മുകളിലാണ്.
Kerala Covid: സംസ്ഥാനത്ത് ആറിൽ ഒരു കേസ് വീതം കോവിഡ് റിപ്പോർട്ട് ചെയ്യുന്നു,കുട്ടികളെ ശ്രദ്ധിക്കണമെന്ന് ആരോഗ്യമന്ത്രി

തിരുവനന്തപുരം: കേരളത്തിൽ ആറിൽ ഒരു കേസ് വീതം കോവിഡ് റിപ്പോർട്ട് ചെയ്യുന്നുണ്ടെന്ന് ആരോഗ്യമന്ത്രി വീണാ ജോർജ്ജ്. അതീവ ഗുരുതാവസ്ഥയിലൂടെയാണ് കേരളം കടന്നു പോവുന്നത്. എന്നാൽ ഇതിൽ ആശങ്ക വേണ്ട. ബന്ധു വീടുകൾ സന്ദർശിക്കുന്നതും പൊതുപരിപാടികൾക്ക് പോവുന്നതും ഒഴിവാക്കണം എന്നും മന്ത്രി ആവശ്യപ്പെട്ടു.

കുട്ടികളുടെ കാര്യത്തിലാണ് ഏറ്റവും അധികം ശ്രദ്ധ വേണ്ടത്. മൂന്നാം തരംഗം ഏറ്റവുമധികം ബാധിക്കുന്നത് കുട്ടികളെയാണെന്നിരിക്കെയാണ് നിർദ്ദേശം. കഴിഞ്ഞ ഒാണക്കാലത്തും രോഗികളുടെ എണ്ണത്തിൽ വർധനയുണ്ടായിരുന്നു. 70.24 ശതമാനം പേർക്ക് ഇതുവരെ കോവിഡ് വാക്സിൻ നൽകി കഴിഞ്ഞു. 25.51 ശതമാനം പേർക്ക് രണ്ടാം ഡോസും നൽകി. എന്നാൽ ഐസിയു,വെൻറിലേറ്റർ ആവശ്യം വരുന്നവരുടെ എണ്ണത്തിൽ വലിയ കുറവുണ്ടായിട്ടുണ്ട്.

ALSO READ: Covid പ്രതിരോധ പ്രവര്‍ത്തനങ്ങളില്‍ ആശയക്കുഴപ്പം സൃഷ്ടിക്കാന്‍ നീക്കമെന്ന് മുഖ്യമന്ത്രി പിണറായി വിജയൻ\

അതേസമയം ഞായറാഴ്ച സമ്പൂർണ ലോക്ക് ഡൌൺ ആണ് സർക്കാർ പ്രഖ്യാപിച്ചിരിക്കുന്നത്. ട്രിപ്പിൾ ലോക്ക് ഡൌണിന് സമാനമായിരിക്കും നിയന്ത്രണങ്ങൾ. ആവശ്യ വസ്തുക്കൾ വിൽക്കുന്ന കടകൾക്ക് മാത്രം ഇളവ് നൽകും. അടിയന്തിര ആവശ്യങ്ങൾക്കുള്ള യാത്രകൾക്ക് മാത്രമെ അനുമതിയും ഉണ്ടാവു.

ALSO READ: Plus One Exam : പ്ലസ് വൺ പരീക്ഷക്ക് മുന്നോടിയായി പൊതുജന പങ്കാളിത്തത്തോടെ ക്ലാസ് മുറികളും സ്കൂളുകളും ശുചീകരിക്കുമെന്ന് മന്ത്രി വി ശിവൻകുട്ടി

അതേസമയം ഒാണത്തിന് പിന്നാലെ സംസ്ഥാനം അതീവ ഗുരുതരാവസ്ഥയിലേക്ക് പോവും എന്ന് നേരത്തെ തന്നെ മുന്നറിയിപ്പുണ്ടായിരുന്നു. നൽകിയ ഇളവുകൾ കൂടിയായപ്പോൾ ജനം കൂട്ടത്തോടെയാണ് ഒാണക്കാലത്ത് പുറത്തേക്ക് ഇറങ്ങിയത്. സംസ്ഥാനത്ത് നിലവിൽ ടെസ്റ്റ് പോസിറ്റിവിറ്റി  നിരക്ക് തന്നെ 15 ശതമാനത്തിനും മുകളിലാണ്. ശരാശരി  ഒരു ലക്ഷത്തിനും മുകളിൽ നിവലവിൽ പ്രതിദിന പരിശോധന നടക്കുന്നുണ്ട്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ TwitterFacebook ലിങ്കുകളിൽ ക്ലിക്കുചെയ്യുക.

Trending News