KSRTC : കാക്കിയിലേക്ക് മടക്കം; കെഎസ്ആർടിസി ജീവനക്കാരുടെ യൂണിഫോം ഇനിമുതൽ കാക്കി നിറം

KSRTC Uniform : 2015ലാണ് കെഎസ്ആർടിസി ജീവനക്കാരുടെ യൂണിഫോം നിറം കാക്കിയിൽ നിന്നും വിവിധ നിറങ്ങിലേക്ക് മാറ്റിയത്.

തിരുവനന്തപുരം : കെഎസ്ആർടിസി ജീവനക്കാരുടെ യൂണിഫോം പഴയ കാക്കി നിറമാക്കുന്നു. കെഎസ്ആർടിസിയുടെ വിവിധ വിഭാഗത്തിലുള്ള ജീവനക്കാരുടെ പുതിയ യൂണിഫോമിനെ സംബന്ധിച്ച് ഉത്തരവിറങ്ങി. കെഎസ്ആർടിസിയുടെ വിവിധ തൊഴിലാളി യൂണിയനുകളുടെ ആവശ്യനുസരണമാണ് യൂണിഫോമിന്റെ നിറം മാറ്റം. നിലവിൽ ഒരോ വിഭാഗത്തിലുള്ള ജീവനക്കാർക്ക് വ്യത്യസ്തമായ നിറങ്ങിലാണ് യൂണിഫോമുകൾ ഉള്ളത്. എന്നാൽ മെക്കാനിക്കൽ ജീവനക്കാർക്ക് നിറം നേവി ബ്ലു ആകും.

2015ലാണ് കെഎസ്ആർടിസി ജീവനക്കാരുടെ യൂണിഫോമിൽ മാറ്റം മുണ്ടാകുന്നത്. എട്ട് വർഷങ്ങൾക്ക് മുമ്പ് ഉപയോഗിച്ച അതെ കാക്കി നിറമാണ് ഇനി മുതൽ കെഎസ്ആർടിസി ജീവനക്കാർ ഉപയോഗിക്കാൻ പോകുന്നത്. പുരുഷന്മാർക്ക് കാക്കി നിറത്തിലുള്ള പാൻസും ഒരു പോക്കറ്റുള്ള ഒരു പോക്കറ്റുളള ഹാഫ് സ്ലീവ് ഷർട്ടുമാണ് വേഷം. പോക്കറ്റിൽ കെഎസ്ആർടിസിയുടെ എംബ്ലവും ഉണ്ടാകും. വനിതാ ജീവനക്കാർക്ക് കാക്കി നിറത്തിലുള്ള ചുരിദാറും, സ്ലീവ്ലെസ്സ് ഓവർകോട്ടും ആയിരിക്കും വേഷം. എല്ലാവർക്കും നെയിം ബാഡ്ജ് ഉണ്ടാകുന്നതാണ്. ഡ്രൈവര്‍ക്കും കണ്ടക്ടര്‍ക്കും ഇന്‍സ്പെക്ടര്‍ക്കുമാണ് കാക്കി നിറമാണ്. മെക്കാനിക്കൽ ജീവനക്കാർക്ക് നേവി ബ്ലു നിറത്തിലാണ് യൂണിഫോം.

2015ലാണ് മൂന്ന് പതിറ്റാണ്ടായി ഉപയോഗിച്ചിരുന്ന കെഎസ്ആർടിസി ജീവനക്കാരുടെ കാക്കി യൂണിഫോമിയൽ മാറ്റം വരുത്തിയത്. നിലവില്‍ കണ്ടക്ടര്‍മാരുടെയും ഡ്രൈവര്‍മാരുടെയും യൂണിഫോം നീല ഷര്‍ട്ടും കടും നീല പാന്‍റുമാണ്. മെക്കാനിക്കല്‍ ജീവനക്കാര്‍ക്ക് ചാര നിറവും ഇന്‍സ്പെക്ടര്‍മാരുടേത് മങ്ങിയ വെള്ള ഷര്‍ട്ടും കറുത്ത പാന്‍റുമാണ് ഇപ്പോഴത്തെ യൂണിഫോം.