Wild Elephant Attack: പത്തനംതിട്ടയിൽ കാട്ടാന ആക്രമണം; ഗൃഹനാഥന് ദാരുണാന്ത്യം!

Wild Elephant Attack In Pathanamthitta: കാട്ടാന ആക്രമണത്തിൽ ഒരു ജീവൻ കൂടി പൊലിഞ്ഞു. പത്തനതിട്ട തുലാപ്പള്ളിയിൽ കാട്ടാന ആക്രമണത്തിൽ സ്വന്തം വീട്ടു മുറ്റത്ത് ഗൃഹനാഥന് ദാരുണാന്ത്യം. തുലാപ്പള്ളി പുളിയൻകുന്നുമല സ്വദേശി ബിജുവാണ് മരിച്ചത്.

പത്തനംതിട്ട: കാട്ടാന ആക്രമണത്തിൽ ഒരു ജീവൻ കൂടി പൊലിഞ്ഞു. പത്തനതിട്ട തുലാപ്പള്ളിയിൽ കാട്ടാന ആക്രമണത്തിൽ സ്വന്തം വീട്ടു മുറ്റത്ത് ഗൃഹനാഥന് ദാരുണാന്ത്യം. തുലാപ്പള്ളി പുളിയൻകുന്നുമല സ്വദേശി ബിജുവാണ് മരിച്ചത്. 

വീട്ടുമുറ്റത്തു നിന്ന് അനക്കം കേട്ട് പുറത്തിറങ്ങിയപ്പോൾ ആന ആക്രമിക്കുകയായിരുന്നു എന്നാണ് റിപ്പോർട്ട്.  വീടിന്റെ മുറ്റത്ത് ആന കൃഷികൾ നശിപ്പിക്കുന്ന ശബ്ദം കേട്ടപ്പോൾ ബിജു ആനയെ ഓടിക്കാൻ ഇറങ്ങിയതാണ് പിന്നീട് വീട്ടിൽ നിന്നും 50 മീറ്റർ അകലെയായി ബിജുവിനെ മരിച്ച നിലയിൽ കണ്ടെത്തുകയായിരുന്നു.  വിവരമറിഞ്ഞ പമ്പ പോലീസ് സ്ഥലത്തെത്തിയിരുന്നു.  

കടലാക്രമണം രൂക്ഷം; മുതലപ്പൊഴിയിൽ മത്സ്യബന്ധന വള്ളം മറിഞ്ഞു, മത്സ്യ തൊഴിലാളികളെ രക്ഷപ്പെടുത്തി

സംസ്ഥാനത്ത് കടലാക്രമണം രൂക്ഷം. മുതലപ്പൊഴിയിൽ മത്സ്യബന്ധന വള്ളം മറിഞ്ഞു. രണ്ട് മത്സ്യ തൊഴിലാളികളെ രക്ഷപ്പെടുത്തി. തിരുവനന്തപുരത്ത് പുല്ലുവിള മുതൽ പൊഴിയൂർ വരെ കടൽകയറി. കടൽകയറിയതിനെ തുടർന്ന് പൊഴിയൂരിൽ വീടുകളിൽ നിന്ന് ആളുകളെ ഒഴിപ്പിക്കുന്നു. പുല്ലുവിള, അടിമലത്തുറ, പുതിയതുറ, പൂന്തുറ, അഞ്ചുതെങ്ങ്, മാമ്പള്ളി മേഖലകളിൽ കടൽ കയറി.

തുമ്പ തീരത്ത് 100 മീറ്ററോളം തിരമാലയടിച്ച് കയറി. വർക്കലയിലും കടൽക്ഷോഭം രൂക്ഷമാണ്. വിനോദസഞ്ചാരികളെ സുരക്ഷിതസ്ഥാനത്തേക്ക് മാറ്റി. പൊഴിയൂർ സർക്കാർ യുപി സ്കൂളിൽ ക്യാമ്പ് ആരംഭിച്ചു. തൃശൂർ പെരിഞ്ഞനത്ത് വെള്ളവും മണ്ണും കയറി മത്സ്യബന്ധന വലകൾക്ക് കേടുപാടുകൾ സംഭവിച്ചു. പുറക്കാട് വളഞ്ഞവഴി ചേർത്തല പള്ളിത്തോട് എന്നിവിടങ്ങളിൽ കടൽ ഇപ്പോഴും പ്രക്ഷുബ്ധം. പള്ളിത്തോട് വീടുകളിൽ വെള്ളം കയറി.