സന്നിധാനം: ചിത്തിര ആട്ടവിശേഷത്തിനായി ശബരിമല നട തുറന്നു. ചൊവ്വാഴ്ചയാണ് ചിത്തിര ആട്ടത്തിരുന്നാള് പൂജകള്. നിരോധനാജ്ഞക്കിടെയാണ് നട തുറന്നത്.
ഒരു ദിവസത്തെ പൂജയ്ക്കായി തുറക്കുന്ന ക്ഷേത്രത്തില് ദര്ശനത്തിനായി വന് തിരക്കാണ് അനുഭവപ്പെടുന്നത്. വൈകിട്ട് അഞ്ചിനു തുറന്ന ക്ഷേത്ര നട രാത്രി പത്തരയ്ക്ക് അടയ്ക്കും. രാവിലെ അഞ്ചിന് വീണ്ടും നട തുറക്കും. 29 മണിക്കൂര് മാത്രമാണ് നട തുറക്കുക. രാത്രി പത്തു വരെയാണ് ഭക്തര്ക്കു ദര്ശനത്തിനു സൗകര്യമുള്ളത്. ഇതിനായി ആയിരക്കണക്കിനു ഭക്തര് സന്നിധാനത്ത് എത്തിയിട്ടുണ്ട്.
കെ സുരേന്ദ്രന്, എം ടി രമേശും ഉള്പ്പെടെയുള്ള ബിജെപി നേതാക്കളും നട തുറന്നപ്പോള് സന്നിധാനത്തുണ്ടായിരുന്നു. തന്ത്രി കണ്ഠരര് രാജീവര് മേല്ശാന്തി ഉണ്ണികൃഷ്ണന് നമ്പൂതിരി എന്നിവരാണ് നട തുറന്നത്.
എന്നാല് ദര്ശനത്തിനു ശേഷം ഭക്തര്ക്ക് സന്നിധാനത്ത് തുടരനാകില്ല. സാധാരണയായി ഭക്തര് സന്നിധാനത്ത് വിരിവയ്ക്കുന്ന സ്ഥലങ്ങളൊക്കെ പോലീസ് കയര്കെട്ടി തിരിച്ചിരിക്കുകയാണ്. സുരക്ഷയുടെ ഭാഗമായാണ് സന്നിധാനത്ത് വിരിവയ്ക്കാന് അനുവദിക്കാതിരിക്കുന്നത്. ദേവസ്വം ബോര്ഡിന്റെ ഗസ്റ്റ്ഹൗസുകളിലെ മുറികളും പോലീസിന്റെ അനുമതിയോടെ മാത്രമാണ് അനുവദിക്കുന്നത്. ഇലവുങ്കല് മുതല് സന്നിധാനം വരെ പോലീസിന്റെ കര്ശന സുരക്ഷയിലാണ്.