Ksrtc Accident Wayanad: വിഷുദിനത്തിൽ നോവായി വാഹനാപകടം; മൂന്ന് മരണം

കല്‍പ്പറ്റ: വയനാട്ടിൽ കെഎസ്‌ആര്‍ടിസി ബസും കാറും കൂട്ടിയിടിച്ച് മൂന്ന് പേർ മരിച്ചു. കാർ യാത്രികരായ മലപ്പുറം കൊണ്ടോട്ടി കുഴിമണ്ണ സ്വദേശികളായ ആമിന, മക്കളായ ആദില്‍, അബ്ദുള്ള എന്നിവരാണ് മരിച്ചത്. വയനാട് വൈത്തിരിയിലാണ് സംഭവം. 

ഞായറാഴ്ച രാവിലെ ആറിനാണ് സംഭവം. ഒരു കുടുംബത്തിലെ ആറുപേരായിരുന്നു കാറിലുണ്ടായിരുന്നത്. കോഴിക്കോട്ടേക്ക് വരികയായിരുന്ന കാർ ബെംഗളൂരുവിലേക്ക് പോവുകയായിരുന്ന കെഎസ്‌ആര്‍ടിസി സ്കാനിയ ബസുമായി കൂട്ടിയിടിക്കികയായിരുന്നു. സ്ഥലത്ത് ആദ്യമെത്തിയ നാട്ടുകാരും രക്ഷാ പ്രവർത്തകരും ചേർന്ന് പരിക്കേറ്റവരെ ആശുപത്രിയിൽ എത്തിച്ചെങ്കിലും  മൂന്ന് പേരുടെയും  ജീവന്‍ രക്ഷിക്കാനായില്ല.  അപകടത്തിൽ പരിക്കേറ്റ മറ്റുള്ളവർ ചികിത്സയിലാണ്.