Viral Video: പ്രേമം ഫുട്ബോളിനോട്, ഇതാണ് പാഷൻ! പ്രായം തളർത്താത്ത ആവേശവുമായി ഈ 64കാരൻ

ഒരാളുടെ പ്രായം കൊണ്ട് അയാൾക്ക് എന്തൊക്കെ ചെയ്യാൻ കഴിയും കഴിയില്ല എന്ന് നമ്മൾ ഓരോരുത്തരും വിലയിരുത്താറുണ്ട്. എന്നാൽ പലപ്പോഴും എല്ലാവരുടെയും ഈ വിലയിരുത്തലുകളെ തകർത്ത് കൊണ്ട് പ്രായമായവർ അവരുടെ പല കഴിവുകളും പുറത്തെടുക്കാറുണ്ട്. ഇത് നമ്മളെ അത്ഭുതപ്പെടുത്താറുമുണ്ട്. ഒരു വ്യക്തിയുടെ പ്രായം പറഞ്ഞ് അവർ ഇഷ്ടപ്പെടുന്ന കാര്യങ്ങൾ ചെയ്യുന്നതിൽ നിന്ന് അവരെ തടയാൻ പാടില്ല. പ്രായമായി എന്ന് പറഞ്ഞ് അവർ തളർന്ന് ഇരിക്കാനും പാടില്ല. അത്തരത്തിലുള്ളവർക്ക് പ്രചോദനമാകുകയാണ് ഈ 64കാരൻ.

View this post on Instagram

A post shared by Pradeep | Football Freestyler (@prsoccerart)

അത്ഭുതകരമായ ഫുട്ബോൾ‌ കഴിവുകൾ കൊണ്ട് സോഷ്യൽ മീഡിയയെ അമ്പരപ്പിക്കുകയാണ് വയനാട് സ്വദേശിയായ ജെയിംസ് എന്ന 64കാരൻ. ജെയിംസിന്റെ ഫുട്ബോൾ പ്രേമം നേരത്തെ വാർത്തകളിൽ നിറഞ്ഞിരുന്നു. ഇപ്പോൾ 64ാം വയസിൽ അദ്ദേഹം ഫുട്ബോൾ കളിക്കുന്നതിന്റെ വീഡിയോ വീണ്ടും വൈറലാകുകയാണ്. ട്രക്ക് ഡ്രൈവറാണ് ജെയിംസ്. ഒരു മികച്ച ഫുട്ബോൾ കളിക്കാരൻ കളിക്കുന്നത് പോലെ തന്നെയാണ അദ്ദേഹവും കളിക്കുന്നത്. 

തമിഴ് യൂട്യൂബറും ഫുട്ബോള്‍ കളിക്കാരനുമായ പ്രദീപ് രമേഷ് ആണ് ജെയിംസ് ഫുട്ബോൾ കളിക്കുന്ന വീഡിയോ പങ്കുവച്ചത്. ആദ്യം പ്രദീപ് ഫുട്ബോൾ കളിക്കുന്നതിൽ നിന്നാണ് വീഡിയോ ആരംഭിക്കുന്നത്. തുടർന്ന് ജെയിംസിന് ബോൾ പാസ് ചെയ്യുന്നു. ജെയിംസ് ഫുട്ബോള്‍ കാലിലും തോളിലുമൊക്കെ ബാലന്‍സ് ചെയ്യുന്നത് കാഴ്ചക്കാരെ ശരിക്കും അതിശയിപ്പിക്കുന്നതാണ്. ശേഷം കാലുകള്‍ കൊണ്ട് തട്ടി പ്രദീപിന് പാസ് ചെയ്യുന്നതും വീഡിയോയില്‍ കാണാം.

പ്രദീപ് രമേഷ് തന്റെ ഇൻസ്റ്റാഗ്രാം അക്കൗണ്ടായ @prsoccerart-ൽ ആണ് വീഡിയോ പങ്കുവെച്ചത്. 'ഇപ്പോഴും ഫുട്ബോൾ കളിക്കുന്ന ഈ 64കാരനെ കണ്ടുമുട്ടാനുള്ള അനു​ഗ്രഹം എനിക്കുണ്ടായി' എന്ന അടിക്കുറിപ്പോടെയാണ് വീഡിയോ പങ്കുവെച്ചത്. എട്ട് ലക്ഷത്തിന് അടുത്ത് ആളുകൾ ഈ വീഡിയോയ്ക്ക് ലൈക്ക് ചെയ്തിട്ടുണ്ട്. നിരവധി പേർ ജെയിംസിനെ അഭിനന്ദിച്ച് കൊണ്ട് കമന്റും ചെയ്തിട്ടുണ്ട്. 

Viral Video: എആർ റഹ്മാൻ ഗാനത്തിന് നൃത്തം ചെയ്ത് ശ്രീലങ്കൻ പൗരൻ - വൈറൽ വീഡിയോ

ശ്രീലങ്കയിൽ നിന്നുള്ള ഒരു രസകരമായ വീഡിയോ ഇപ്പോൾ വൈറലാകുകയാണ്. പെട്രോൾ നിറയ്ക്കാൻ നീണ്ട ക്യൂവിൽ നിൽക്കുന്ന ഒരു ഓട്ടോ ഡ്രൈവർ എആർ റഹ്മാന്റെ പാട്ടിന് നൃത്തം ചെയ്യുന്നത് വീഡിയോയിൽ കാണുന്നത്. വളരെ സന്തോഷത്തോടെ ഇയാൾ നൃത്തം ചെയ്യുന്നത് ഇന്റർനെറ്റിൽ ശ്രദ്ധ നേടിയിട്ടുണ്ട്. കാതലൻ എന്ന ചിത്രത്തിലെ മുക്കാല മുക്കാബല എന്ന ഗാനത്തിനാണ് ഇയാൾ നൃത്തം ചെയ്യുന്നത്. 

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

ios Link - https://apple.co/3hEw2hy