അവനെ വെച്ചൊരു പടം എടുക്കാൻ ഒരിക്കലും മമ്മൂട്ടി പറഞ്ഞിട്ടില്ല; മണിയൻ പിള്ള രാജു പറഞ്ഞത്

പ്രേക്ഷകരുടെ പ്രിയ താരം എന്നതിലുപരി ഒരു വികാരം കൂടിയാണ് മമ്മൂട്ടി. അത് കൊണ്ട് തന്നെ താരത്തിൻറെ മാനറിസങ്ങൾ എല്ലാം തന്നെ പ്രേക്ഷകർക്കും ഇഷ്ടമാണ്. മകൻ ദുൽഖറും ഏതാണ്ട് ഇതേ സ്വഭാവക്കാരൻ തന്നെ. പിതാവ് സൂപ്പർ നടനായിട്ടും മമ്മൂട്ടിയുടെ ലേബലില്ലാതെയാണ് താരം മലയാള സിനിമയിൽ തൻറേതായ സ്പേസ് ഉണ്ടാക്കിയതെന്ന് എല്ലാവർക്കും അറിയുന്ന കാര്യവുമാണ്. അത്തരത്തിൽ ദുൽഖറിനെ പറ്റി മമ്മൂട്ടി പറഞ്ഞ കാര്യങ്ങളിലൊന്ന് പങ്ക് വെക്കുകയാണ് നടൻ മണിയൻ പിള്ള രാജു.

ഒരു യൂടൂബ് ചാനലിന് കൊടുത്ത അഭിമുഖത്തിലാണ് മണിയൻ പിള്ള രാജു ഇത് പറഞ്ഞത്. ഇത്രയും വലിയ നടനാണ് മമ്മൂട്ടി ഇത്ര കാലമായിട്ട് അവനെ വെച്ചൊരു പടം ചെയ്യാൻ ഒരിക്കലും പറഞ്ഞിട്ടില്ല. ഇരുവരും ഒന്നിച്ചൊരു വേഷം പോലും മമ്മൂട്ടി ചെയ്തിട്ടില്ല.

അടുത്തൊരു പടമുണ്ട് ഉഗ്രൻ സബ്ജക്റ്റാണ് എന്ന് പറഞ്ഞാൽ അപ്പോഴേ ഞാൻ തനിയെ അഭിനയിക്കും അവൻ തനിയെ അഭിനയിക്കട്ടെ എന്നാണ് പറയുക. അദ്ദേഹത്തിന് തന്നെ അത്ഭുതമാണ് ദുൽഖർ സിനിമയിലേക്ക് വന്നത് തന്നെ. കുട്ടിക്കാലത്ത് ഒന്നും അങ്ങനെ ഒരു താത്പര്യ ദുൽഖർ കാണിച്ചിട്ടേയില്ല. അദ്ദേഹം ഒരിക്കലും ദുൽഖറിനെ റെക്കമൻറ് ചെയ്യുകയേ ഇല്ല. അത് എത്ര നല്ല സബ്ജക്ട് ആയാലും ശരി മാറ്റമില്ല.

പക്ഷെ ദുൽഖർ തനിയെ സിനിമയിലെത്തി സക്സസ് ഫൾ ആക്ടറായി മലയാളത്തിലെ മോസ്റ്റ് വാൺടഡ് ആക്ടേഴ്സ് മൂന്ന് പേരെ എടുത്താൽ അതിലൊരാളാണ് ഇന്ന് ദുൽഖർ- മണിയൻ പിള്ള രാജു പറയുന്നു.

മൂന്നുമാസത്തെ അഭിനയ കോഴ്‌സിന് ശേഷം 2012-ൽ പ്രദർശനത്തിനെത്തിയ ആക്ഷൻ ചലച്ചിത്രമായ സെക്കന്റ് ഷോയിലൂടെയാണ് ദുൽഖർ സിനിമാ രംഗത്തേയ്ക്ക് എത്തുന്നത്. ഇതിലെ അഭിനയത്തിന് മികച്ച നവാഗത നടനുള്ള ഫിലിംഫെയർ അവാർഡും അദ്ദേഹത്തിന് ലഭിച്ചു.ഉസ്താദ് ഹോട്ടലിലെ (2012) അഭിനയത്തിന് മികച്ച നടനുള്ള ഫിലിംഫെയർ പുരസ്കാരത്തിനായി നാമനിർദ്ദേശം ചെയ്യപ്പെട്ടിരുന്നു.