കൊച്ചി: അൽഫോൺസ് പുത്രനൊപ്പം താൻ സിനിമ ചെയ്യില്ലെന്ന് പറഞ്ഞ് പ്രചരിക്കുന്ന വിവാദങ്ങളെ പറ്റി അൽഫോൺസ് പുത്രൻ തന്നെ പ്രതികരിക്കുന്നു. കഴിഞ്ഞ ദിവസം പങ്കുവെച്ച ഫേസ്ബുക്ക് പോസ്റ്റിലാണ് സംഭവം സംഭവത്തിൻറെ നിജ സ്ഥിതി വ്യക്തമാക്കിയത്.
പോസ്റ്റിൻറെ യഥാർത്ഥ രൂപം
2015-ൽ പ്രേമം റിലീസിന് ശേഷം, എനിക്ക് രജനികാന്ത് സാറിനൊപ്പം ഒരു സിനിമ ചെയ്യാൻ ആഗ്രഹമുണ്ടായിരുന്നു. 99 ശതമാനം സംവിധായകരും അദ്ദേഹത്തോടൊപ്പം ഒരു സിനിമ ചെയ്യാൻ ആഗ്രഹിക്കുന്നു. ഒരു ദിവസം അൽഫോൺസ് പുത്രന് രജനികാന്ത് ചിത്രം ചെയ്യാൻ താൽപ്പര്യമില്ലെന്ന് ഒരു ഓൺലൈൻ പേജിൽ ഒരു ലേഖനം വന്നു.
ALSO READ: Pushpa2: ഇന്ത്യയിൽ മറ്റൊരു ചിത്രവും ഇറക്കാത്തത്ര ഭാഷകളിൽ പുഷ്പ2 എത്തും: അല്ലു അർജ്ജുൻ
ആ വാർത്ത എല്ലായിടത്തും പരന്നു. ഈ പോസ്റ്റിനെക്കുറിച്ച് ചോദിച്ച് സൗന്ദര്യ രജനികാന്ത് എനിക്ക് മെസേജ് അയച്ചിരുന്നു. പ്രേമം റിലീസിന് ശേഷം ഞാൻ ആർക്കും അഭിമുഖം നൽകിയിട്ടില്ലെന്ന് മറുപടി നൽകി. അവർ അത് മനസ്സിലാക്കി രജനി സാറിനോട് ഇക്കാര്യം സംസാരിച്ചു. അപ്പോഴാണ് ആ പ്രശ്നം പരിഹരിച്ചത്.
2021 ഓഗസ്റ്റിലെ ഗോൾഡിന്റെ കഥ ഒരു താരത്തിനോട് പറയുമ്പോൾ അദ്ദേഹം എന്നോട് പറയുകയാണ്.. താൻ രജനികാന്തിനൊപ്പം സിനിമ ചെയ്യുന്നില്ല എന്ന് പറഞ്ഞ ഒരു സംവിധായകനോട് സംസാരിക്കുകയാണ് എന്ന്. ഞാൻ ഞെട്ടിപ്പോയി, പക്ഷേ അത് കാണിച്ചില്ല.
2015 മുതൽ ഇന്നുവരെ ഈ വ്യാജ വാർത്ത എന്നെ അലട്ടുന്നുണ്ട്.
ALSO READ: 'അര്‍ച്ചന 31 നോട്ടൗട്ട്' ഫെബ്രുവരി 4ന്, റിലീസ് പ്രഖ്യാപിച്ച് അണിയറ പ്രവർത്തകർ
എനിക്ക് പറയാനുള്ളത് ഇത്രമാത്രം, രജനികാന്ത് സാറിനൊപ്പമുള്ള എന്റെ സിനിമ ഞാൻ ആഗ്രഹിച്ചതുപോലെ നടന്നിരുന്നെങ്കിൽ, പ്രേക്ഷകരെ രസിപ്പിച്ച് 1000 കോടിയിലധികം രൂപ നേടുമായിരുന്നു, സർക്കാരിനും ധാരാളം നികുതി ലഭിക്കുമായിരുന്നു. നഷ്ടം എനിക്കും സൂപ്പർ സ്റ്റാറിനും പ്രേക്ഷകർക്കും സർക്കാരിനുമാണ്.
ഈ ലേഖനം ഇട്ട ആളും ഈ വ്യാജ വാർത്തയ്ക്ക് പിന്നിൽ പ്രവർത്തിച്ച തലച്ചോറും ഒരു ദിവസം എന്റെ മുന്നിൽ പ്രത്യക്ഷപ്പെടും. നിങ്ങൾ ദിവസത്തിനായി കാത്തിരിക്കുക.
രജനികാന്ത് സാറിനൊപ്പമുള്ള എന്റെ സിനിമ കാണാൻ ആഗ്രഹിക്കുന്നവർ എപ്പോഴും ചെയ്യുന്നതുപോലെ എനിക്കു വേണ്ടി പ്രാർത്ഥിക്കണം. അദ്ദേഹത്തിൻറെ പോസ്റ്റിൽ പറയുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
