ഹാരി പോട്ടര്‍ താരം ഡാനിയേല്‍ റാഡ്ക്ലിഫിന് കൊറോണ ബാധിച്ചതായി വ്യാജ റിപ്പോര്‍ട്ട്. വ്യാജ ബിബിസി ട്വിറ്റർ അക്കൗണ്ടാണ് വാര്‍ത്ത റിപ്പോര്‍ട്ട് ചെയ്തിരിക്കുന്നത്.
താരം നടത്തിയ കൊറോണ വൈറസ് പരിശോധനയുടെ ഫലം പോസിറ്റീവാണ് എന്നാണ് റിപ്പോര്‍ട്ടുകള്‍ വന്നത്.
"BREAKING: ഡാനിയൽ റാഡ്ക്ലിഫിന് കൊറോണ വൈറസ് സ്ഥിരീകരിച്ചു.വൈറസ് പിടിപ്പെടുന്ന ആദ്യ പ്രമുഖനാണ് താരം.'' -ഇതായിരുന്നു റിപ്പോര്‍ട്ട്. @BBCNewsTonight എന്ന അക്കൗണ്ടിൽ നിന്നുമാണ് ട്വീറ്റ് പങ്കുവച്ചിരിക്കുന്നത്.
എന്നാല്‍, ഈ വാദത്തിന് മറുപടിയുമായി ഡാനിയേലിന്റെ മാനേജര്‍ രംഗത്തെത്തി.
'സത്യമല്ല' എന്നാണ് ഇത് സംബന്ധിച്ച ചോദ്യത്തിനു ഡാനിയേലിന്റെ മാനേജര്‍ മറുപടി നല്‍കിയത്. പബ്ലിഷ് ചെയ്ത് ഏകദേശം ഏഴ് മണിക്കൂറുകള്‍ക്ക് ശേഷമാണ് ഈ വ്യാജ പോസ്റ്റ്‌ ട്വിറ്റര്‍ പേജില്‍ നിന്നും മറഞ്ഞത്.
ഇതിനിടെ 764 പേര്‍ ഈ വാര്‍ത്ത റിട്വീറ്റ് ചെയ്യുകയും ആയിരത്തിലധികം പേര്‍ ഈ വാര്‍ത്ത ലൈക്ക് ചെയ്യുകയും ചെയ്തു.
