Mammootty: ഫിലിം ഫെയർ അവാർഡിൽ കിടിലൻ ലുക്കിൽ മമ്മൂക്ക; ഷര്‍ട്ടിന്റെ വില കേട്ടാൽ ഞെട്ടും!

Mammootty at Filmfare Awards: യുകെ ആസ്ഥാനമായ എൻഡ്ലെസ് ജോയ് എന്ന ബ്രാൻഡിന്റെ ഷർട്ടാണ് മമ്മൂട്ടി ധരിച്ചതെന്ന് സോഷ്യൽ മീഡിയ കണ്ടെത്തിക്കഴിഞ്ഞു.

ഫിലിം ഫെയർ അവാർഡ് ചടങ്ങിൽ മലയാളത്തിന്റെ മെഗാ സ്റ്റാർ മമ്മൂട്ടി ധരിച്ചിരുന്ന ഷർട്ടാണ് ഇപ്പോൾ സോഷ്യൽ മീഡിയയിലെ ചർച്ചാ വിഷയം. യുകെ ആസ്ഥാനമായ എൻഡ്ലെസ് ജോയ് എന്ന ബ്രാൻഡിന്റെ ഷർട്ടാണ് മമ്മൂട്ടി ധരിച്ചത്. സാധാരണ പ്രിൻ്റഡ് ഷർട്ടുകളിൽ നിന്നൊക്കെ വളരെ വ്യത്യസ്തവമായ ഈ ഷർട്ട് ട്രെൻ്റായി കഴിഞ്ഞു. 

സ്റ്റീവി, അലക്സാണ്ട്ര ആൻൻ്റേഴ്സൺ എന്നീ രണ്ട് പേർ ചേർന്ന് ആരംഭിച്ച ലേബലാണ് എൻഡ്ലെസ് ജോയ്. മിതോളജിയും ബാലി സംസ്കാരവുമാണ് ഈ ലേബലിൻ്റെ ഇൻസ്പിറേഷൻ. ഒറിജിനൽ ആർട്ട് വർക്കുകൾ എക്കോ ഫ്രണ്ട്ലി ഫാബ്രിക്കുകളിൽ പ്രിൻ്റ് ചെയ്യുക എന്നതാണ്  ഈ ബ്രാൻ്റിൻ്റെ ഡിസൈൻ കൺസെപ്റ്റ്. ബാലിയിലാണ് ഇതിൻ്റെ പ്രൊഡക്ഷൻ. ഒരു ഡിസൈനിൽ നൂറ് പീസിൽ കൂടുതൽ ഉണ്ടാകില്ല എന്നതാണ് ഇതിന്റെ പ്രത്യേകത. 

ക്രിയേറ്റ് ലെസ്, ലെസ് ഈസ് മോർ - ക്വാളിറ്റി ഓവർ ക്വാണ്ടിറ്റി എന്നതാണ് ഈ ബ്രാൻഡിൻ്റെ അടിസ്ഥാനം. മമ്മൂക്ക ഇട്ടിരിക്കുന്ന ഈ ഡിസൈൻ ഇപ്പോൾ ഔട്ട് ഓഫ് സ്റ്റോക്ക് എന്നാണ് കാണിക്കുന്നത്. വില 265 യൂറോ, അതായത് ഇന്ത്യയിൽ 24,350 രൂപ.

അതേസമയം, നിരവധി ആളുകളാണ് ചിത്രത്തിന് താഴെ കമന്റുകളുമായി എത്തിയിരിക്കുന്നത്. 'Endless joy' ഇതിലും അർത്ഥവത്തായ ഒരു ബ്രാൻഡ് നെയിം വേറെ ഏതുണ്ട്, മമ്മൂക്കയുടെ കാര്യത്തിൽ അങ്ങേര് തന്നെ ഒരു 'നിത്യാനന്ദം' ആണല്ലോ എന്നാണ് ചിലർ പറയുന്നത്. മമ്മൂക്ക് എന്ത് ഇട്ടാലും അതെല്ലാം പൊളിയാണെന്ന് അഭിപ്രായപ്പെടുന്നവരുമുണ്ട്. വിലയിൽ ഒന്നോ രണ്ടോ പൂജ്യം വെട്ടിയാൽ നോക്കാമെന്നായി മറ്റ് ചിലർ.