Kochi: ദൃശ്യം, ദൃശ്യം 2 നല്‍കിയ വമ്പന്‍ വിജയത്തിനുശേഷം ദൃശ്യം 3 യ്കായി കാത്തിരിക്കുന്ന ആരാധകര്‍ക്ക് സന്തോഷവാര്‍ത്ത...! ജീത്തു ജോസഫ് - മോഹന്‍ലാല്‍ കൂട്ടുകെട്ട് വീണ്ടും ത്രില്ലറുമായെത്തുന്നു...!!
മിസ്റ്ററി ത്രില്ലര്‍ കാറ്റഗറിയിലാണ് ജീത്തു ജോസഫ് (Mohanlal and Jeethu Joseph team) ഈ ചിത്രമൊരുക്കുന്നത്. ആന്‍റണി പെരുമ്പാവൂരാണ് നിര്‍മ്മാണം. സര്‍ക്കാര്‍ അനുമതി നല്‍കിയാല്‍ ഉടന്‍ സിനിമയുടെ ഷൂട്ടിംഗ് ആരംഭിക്കുമെന്നാണ് റിപ്പോര്‍ട്ട്.
കോവിഡ് നിയന്ത്രണങ്ങളിൽ അയവ്‌ വന്നാലുടൻ പൃഥ്വിരാജ് സംവിധാനം ചെയ്യുന്ന ബ്രോ ഡാഡിയുടെ ചിത്രീകരണം ആരംഭിക്കുമെന്നായിരുന്നു സൂചനകള്‍. എന്നാല്‍, പൃഥ്വിരാജിന്‍റെ ബ്രോ ഡാഡിയ്ക്ക് (Bro Daddy)മുന്‍പായി ഈ പുതിയ ചിത്രം പൂര്‍ത്തിയാകുമെന്നാണ് റിപ്പോര്‍ട്ട്.
കോവിഡ് പ്രോട്ടോക്കോൾ അനുസരിച്ചായിരിക്കും സിനിമയുടെ ചിത്രീകരണമെന്നും സിനിമ റിലീസ് സംബന്ധിച്ച കാര്യങ്ങളില്‍ തീരുമാനമായിട്ടില്ല എന്നും ജീത്തു ജോസഫ് പറഞ്ഞു.
അതേസമയം, ജീത്തു ജോസഫ് - മോഹൻലാൽ കൂട്ടുകെട്ടിൽ ഒരുങ്ങുന്ന ബിഗ്‌ ബജറ്റ് ചിത്രം റാമിന്‍റെ ചിത്രീകരണം കോവിഡ് വ്യാപനത്തെ തുടർന്ന് താത്കാലികമായി നിർത്തിവെച്ചിരിക്കുകയാണ്. സിനിമയുടെ ലണ്ടൻ ഷെഡ്യൂൾ ഇതുവരെ പൂർത്തിയായിട്ടില്ല. സാഹചര്യങ്ങൾ അനുകൂലമാകുമ്പോൾ സിനിമയുടെ ഷൂട്ടി൦ഗ് പുനരാരംഭിക്കുമെന്നും അദ്ദേഹം പറഞ്ഞു.
കോവിഡ് വ്യാപനത്തെ തുടർന്ന് മോഹൻലാലിന്‍റെ ആദ്യ സംവിധാന സംരംഭമായ ബറോസിന്‍റെ ഷൂട്ടി൦ഗ് താത്കാലികമായി നിർത്തിവെച്ചിരിക്കുകയാണ്.
Also Read: Hungama 2 Trailer: മിന്നാരത്തിന്റെ റീമേക്ക്; ഹംഗാമ 2 ട്രെയിലർ പുറത്തിറങ്ങി
മികച്ച വിജയം നേടിയ ചിത്രങ്ങളായിരുന്നു ജീത്തു ജോസഫ് - മോഹൻലാൽ കൂട്ടുകെട്ടിൽ പിറന്ന ദൃശ്യവും ദൃശ്യം 2വും. വന്‍ ഹിറ്റായ ദൃശ്യം തീയറ്ററിൽ റിലീസ് ചെയ്തപ്പോൾ ആമസോൺ പ്രൈമിലായിലായിരുന്നു ദൃശ്യം 2 റിലീസ് ചെയ്തത്.
പ്രമുഖ സിനിമ വെബ്സൈറ്റായ ഐഎംഡിബിയിൽ ലോകത്തിലെ തന്നെ ‘മോസ്റ്റ് പോപ്പുലർ’ സിനിമകളുടെ പട്ടികയിൽ ദൃശ്യം 2 ഇടം നേടിയിരുന്നു. ദൃശ്യം 2 ഹിന്ദി, തെലുങ്ക് ഭാഷകളില്‍ റീമേക്ക് ചെയ്യുന്നുണ്ട് .
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
android Link - https://bit.ly/3b0IeqA
