മലയാളി പ്രേക്ഷകര്‍ ഇരുകയ്യും നീട്ടി സ്വീകരിച്ച കോമഡി സിനിമയായ കൊറോണ ധവാന്റെ പുതിയ സ്നീക്ക് പീക്ക് വീഡിയോ എത്തി. കയ്യിലുള്ള മദ്യം ആര്‍ക്കും കൊടുക്കാത്ത ധവാന് വിനുവും മദ്യം കിട്ടാതെ അലയുന്ന ആനത്തടം നിവാസികളും തമ്മിലുള്ള രസകരമായ വാക്കുതര്‍ക്കമാണ് സ്നീക്ക് പീക്കില്‍ കാണാനാവുക. സിനിമ കാണാനെത്തുന്നവർക്ക് മനസ്സ് തുറന്ന് ചിരിക്കാനുള്ള വകയുണ്ട് എന്നത് ഈ വീഡിയോയിൽ നിന്നും വ്യക്തമാണ്. വമ്പന്‍മാര്‍ പോലും അടിപതറിയ ഈ വര്‍ഷത്തെ സര്‍പ്രൈസ് ഹിറ്റുകളുടെ ലിസ്റ്റിലേക്ക് കൊറോണ ധവാനും കടന്നുകയറുമെന്നാണ് ചിത്രത്തിന്റെ പ്രേക്ഷകപ്രതികരണം സൂചിപ്പിക്കുന്നത്. കൊറോണ ധവാന് സംവിധാനം ചെയ്തിരിക്കുന്നത് സി.സി ആണ്.
ജെയിംസും ജെറോമും ചേർന്ന് ജെയിംസ് & ജെറോം പ്രൊഡക്ഷന്‍സിന്‍റെ ബാനറില്‍ ആണ് സിനിമ നിര്‍മ്മിച്ചിരിക്കുന്നത്. ചിത്രം മുഴുവനായി ഹാസ്യം ചാലിച്ചാണ് രചിച്ചിരിക്കുന്നത്. സുജയ് മോഹന്‍രാജ് ആണ് രചന. ചിത്രം തീയറ്ററുകളിലേക്ക് എത്തിച്ചിരിക്കുന്നത് ലിസ്റ്റിൻ സ്റ്റീഫന്റെ മാജിക് ഫ്രെയിംസാണ്. പോസ്റ്ററിലൂടേയും ട്രെയിലറിലൂടേയും പ്രേക്ഷകശ്രദ്ധ പിടിച്ചുപറ്റിയ ചിത്രമാണ് കൊറോണ ധവാന്. 'കൊറോണ ജവാന്‍' എന്ന് നേരത്തെ പേര് നൽകിയിരുന്ന ചിത്രം 'കൊറോണ ധവാന്' എന്നു മാറ്റേണ്ടിവന്നതിനെത്തുടര്‍ന്ന് ബോളിവുഡ് സൂപ്പര്‍ താരം ഷാരൂഖ് ഖാന് സംവിധായകന്‍ സി.സി. കത്തയച്ച വിവരം വൈറലായിരുന്നു. ലുക്മാന്‍, ശ്രീനാഥ് ഭാസി എന്നിവര്‍ പ്രധാന വേഷങ്ങൾ കൈകാര്യം ചെയ്ത സിനിമയിൽ ജോണി ആന്‍റണി, ശരത് സഭ, ഇര്‍ഷാദ് അലി, ബിറ്റോ, ശ്രുതി ജയന്‍, ഉണ്ണി നായര്‍, സിനോജ് അങ്കമാലി, ധര്‍മജന്‍ ബോള്‍ഗാട്ടി, വിജിലേഷ്, അനീഷ് ഗോപാല്‍, സുനില്‍ സുഗത, ശിവജി ഗുരുവായൂര്‍ തുടങ്ങി നിരവധി താരങ്ങള്‍ ചിത്രത്തില്‍ അണിനിരക്കുന്നുണ്ട്.
ഛായാഗ്രഹണം നിര്‍വഹിക്കുന്നത് ജെനീഷ് ജയാനന്ദനാണ്. കോ പ്രൊഡ്യൂസര്‍മാര്‍ വിനോദ് പ്രസന്നന്‍, അരുണ്‍ പുരയ്ക്കല്‍, റെജി മാത്യൂസ് എന്നിവരാണ്. കൊറോണ ധവാന് സംഗീതമൊരുക്കിയത് റിജോ ജോസഫും പശ്ചാത്തല സംഗീതം ബിബിന്‍ അശോകുമാണ്. പ്രൊഡക്ഷന്‍ കണ്‍ട്രോളര്‍ ജിനു പി. കെയാണ്. സിനിമയുടെ എഡിറ്റിംഗ് ചെയ്യുന്നത് അജീഷ് ആനന്ദാണ്.കോസ്റ്റ്യും - സുജിത് സി എസ് , ചമയം - പ്രദീപ് ഗോപാലകൃഷ്ണന്‍ ,കല - കണ്ണന്‍ അതിരപ്പിള്ളി , ചീഫ് അസ്സോസിയേറ്റ് ഡയറക്ടര്‍ -അഖില്‍ സി തിലകന്‍, ഹരിസുദന്‍ മേപ്പുറത്ത്, പ്രൊഡക്ഷന്‍ എക്‌സിക്യൂട്ടീവ് - ഷൈന്‍ ഉടുമ്പന്‍ചോല, ചീഫ് അസോസിയേറ്റ് ക്യാമറമാന്‍ സുജില്‍ സായി, അസിസ്റ്റന്‍റ് ഡയറക്ടര്‍ - ബേസില്‍ വര്‍ഗീസ് ജോസ്, അസ്സോസിയേറ്റ് ഡയറക്ടര്‍ - വാസുദേവന്‍ വി. യു, ലിതിന്‍ കെ. ടി, ഡിസൈന്‍സ് - മാമിജോ, പബ്ലിസിറ്റി - യെല്ലോ ടൂത്ത് ,പ്രൊഡക്ഷന്‍ മാനേജര്‍ - അനസ് ഫൈസാന്‍, ശരത് പത്മനാഭന്‍, പിആര്‍ഒ - ആതിര ദില്‍ജിത്ത്, സ്റ്റില്‍സ് - വിഷ്ണു എസ് രാജൻ
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
