Alappuzha Accident: ചേർത്തലയിൽ വാനും കാറും കൂട്ടിയിടിച്ച് ഒരു മരണം; 2 പേർ‌ക്ക് ഗുരുതര പരിക്ക്

Alappuzha Car Accident: ചേർത്തല റെയിൽവേ സ്റ്റേഷന് സമീപത്ത് വച്ചാണ് അപകടമുണ്ടായത്. കാറും മിനി ബസും കൂട്ടിയിടിച്ചാണ് അപകടമുണ്ടായത്.

ആലപ്പുഴ: ആലപ്പുഴ ദേശീയപാതയിൽ ചേർത്തലയിൽ കാറും മിനി ബസും കൂട്ടിയിടിച്ച് അപകടം. സംഭവത്തിൽ വീട്ടമ്മ മരിച്ചു. കോടംതുരുത്ത് സ്വദേശി അംബികയാണ് മരിച്ചത്. ചേർത്തല റെയിൽവേ സ്റ്റേഷന് സമീപത്ത് വച്ചാണ് അപകടമുണ്ടായത്. കാറും മിനി ബസും കൂട്ടിയിടിച്ചാണ് അപകടമുണ്ടായത്.

അപകടത്തിൽ കാർ പൂർണമായും തകർന്നു. അംബിക സംഭവസ്ഥലത്ത് വച്ചുതന്നെ മരിച്ചു. അപകടത്തിൽ പരിക്കേറ്റ രണ്ട് പേരെ വണ്ടാനം മെഡിക്കൽ കോളേജ് ആശുപത്രിയിൽ ചികിത്സയിൽ പ്രവേശിപ്പിച്ചു. മരിച്ച യുവതിയുടെ മൃതദേഹം ആശുപത്രിയിലേക്ക് മാറ്റി. ഇവരുടെ പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും.