ഫിറ്റ്നസിന്റെ കാര്യത്തിൽ ഒരുതരത്തിലും ഒരു വിട്ടുവീഴ്ചയ്ക്കും തയ്യാറാകാത്ത ആളാണ് മലയാളികളുടെ പ്രിയപ്പെട്ട മോഹൻലാൽ. എവിടെയാണെങ്കിലും വർക്ക്ഔട്ട് കഴിഞ്ഞിട്ടുള്ള കാര്യമേയുള്ളു. ഇക്കാര്യത്തിലും താരം മാസാണ്. പലപ്പോഴും അദ്ദേഹം അതിന്റെ വീഡിയോ പങ്കുവെയ്ക്കാറുമുണ്ട്.
ഇപ്പോഴിതാ ചെന്നൈയിലെ തന്റെ വീട്ടിൽ നിന്നും ലാലേട്ടൻ (Mohanlal) വ്യായാമം ചെയ്യുന്ന വീഡിയോ വൈറലാകുകയാണ്. ഈ വീഡിയോ അദ്ദേഹത്തിന്റെ സുഹൃത്തായ സമീർ ഹംസയാണ് പങ്കുവെച്ചത്. വീഡിയോയിൽ ബീച്ചിനരികിൽ നിന്നും സകിപ്പിങ് ചെയ്യുകയാണ് മോഹൻലാൽ ഒപ്പം താരത്തിന്റെ വീടിന്റെ മനോഹാരിതയും വ്യക്തമാണ്.
Also Read: viral video: ലോക്ക്ഡൗൺ കൃഷി വിശേഷവുമായി നടി സുഹാസിനി
വീഡിയോയിലെ മോഹൻലാലിന്റെ ലുക്ക് ഏറെ ശ്രദ്ധയാകുന്നുണ്ട്. താടി നീട്ടിയ ലുക്കിലാണ് താരം വീഡിയോയിൽ കാണുന്നത്. അത് മോഹൻലാലിന്റെ (Mohanlal) പുതിയ ചിത്രമായ ബോറോസിന്റെ ലുക്ക് ആണെന്നാണ് സൂചന. മോഹൻലാൽ ആദ്യമായി സംവിധാന കുപ്പായം അണിയുന്ന ചിത്രമാണ് ബോറോസ്. സന്തോഷ് ശിവനാണ് ചിത്രത്തിന്റെ ഛായാഗ്രാഹകൻ. ചിത്രത്തിന്റെ തിരക്കിലാണ് ഇപ്പോൾ മോഹൻലാൽ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
