UAE News: 32 സ്വര്‍ണ ശുദ്ധീകരണശാലകളുടെ ലൈസന്‍സ് സസ്പെൻഡ് ചെയ്ത് യുഎഇ

Dubai News: ലൈസൻസ് യുഎഇ സാമ്പത്തിക മന്ത്രാലയമാണ് സസ്പെന്‍ഡ് ചെയ്തത്. ഈ വര്‍ഷം ജൂലൈ 24 മുതല്‍ ഒക്ടോബര്‍ 24 വരെയുള്ള മൂന്ന് മാസത്തേക്കാണ് ലൈസന്‍സ് പിന്‍വലിച്ചത്.

ദുബൈ: കള്ളപ്പണം വെളുപ്പിക്കല്‍ തടയുന്ന നിയമം പാലിക്കാത്ത 32 സ്വര്‍ണ ശുദ്ധീകരണശാലകളുടെ ലൈസന്‍സ് യുഎഇയില്‍ താല്‍ക്കാലികമായി തടഞ്ഞുവെച്ചതായി റിപ്പോർട്ട്. 

ലൈസൻസ് യുഎഇ സാമ്പത്തിക മന്ത്രാലയമാണ് സസ്പെന്‍ഡ് ചെയ്തത്.  ഈ വര്‍ഷം ജൂലൈ 24 മുതല്‍ ഒക്ടോബര്‍ 24 വരെയുള്ള മൂന്ന് മാസത്തേക്കാണ് ലൈസന്‍സ് പിന്‍വലിച്ചത്.  ഇത് നിലവില്‍ രാജ്യത്ത് പ്രവര്‍ത്തിക്കുന്ന ആകെ സ്വര്‍ണ ശുദ്ധീകരണ ശാലകളുടെ 5 ശതമാനം വരുമെന്നാണ് സാമ്പത്തിക മന്ത്രാലയം പ്രസ്താവനയില്‍ അറിയിച്ചത്‌.  

ഓരോ ശുദ്ധീകരണശാലയിലുമായി എട്ട് നിയമലംഘനങ്ങള്‍ വീതം ആകെ 256 നിയമലംഘനങ്ങളാണ് പരിശോധനയില്‍ കണ്ടെത്തിയത്. സ്വ​ർ​ണം, ര​ത്ന​ക്ക​ല്ലു​ക​ൾ എ​ന്നി​വ​യു​ടെ നി​ർ​മാ​ണം, വി​പ​ണ​നം എ​ന്നി​വ​യു​മാ​യി ബ​ന്ധ​പ്പെ​ട്ടു​ള്ള ശു​ദ്ധീ​ക​ര​ണ ശാ​ല​ക​ളി​ൽ സാ​മ്പ​ത്തി​ക മ​ന്ത്രാ​ല​യം ന​ട​ത്തു​ന്ന തു​ട​ർ​ച്ച​യാ​യ പ​രി​ശോ​ധ​ന​ക​ളി​ൽ​ നി​യ​മ​ലം​ഘ​നം ക​ണ്ട​തി​നെ തു​ട​ർ​ന്നാ​ണ്​ ഈ ന​ട​പ​ടി.