ഒരു സ്ത്രീയുടെ ജീവിതത്തിലെ പ്രധാനമായ സമയമാണ് ഗർഭകാലം. അവർക്ക് കൂടുതൽ ശ്രദ്ധയും പരിചരണവും ആവശ്യമായ സമയം കൂടിയാണിത്. ഈ സമയത്ത് കഴിക്കുന്ന ഭക്ഷണങ്ങൾ അമ്മമാരുടെയും കുഞ്ഞിൻ്റെയും ആരോഗ്യത്തിന് ഒരുപോലെ ആവശ്യമാണ്.
ഗർഭകാലത്ത് കഴിക്കുന്ന ചില ഭക്ഷ്യവസ്തുക്കൾ അമ്മയ്ക്കും ഗർഭസ്ഥ ശിശുവിനും അപകടസാധ്യതകൾ ഉണ്ടാക്കും. ഗർഭകാലത്ത് ഒഴിവാക്കേണ്ട ചില ഭക്ഷണങ്ങളെ കുറിച്ച് ചർച്ച ചെയ്യാം.
ഗർഭകാലത്ത് സ്ത്രീകൾ മദ്യപ്പിക്കുന്നത് ഗർഭസ്ഥ ശിശുവിനെ ദോഷകരമായി ബാധിക്കും. ഗർഭസ്ഥ ശിശുവിൻ്റെ മസ്തിഷ്ക വളർച്ചയെ ബാധിക്കുകയും വൈകല്യങ്ങൾ ഉണ്ടാകുകയും ചെയ്യാം.
വൃത്തിയായി കഴുകാത്ത പച്ചക്കറികളിലും പഴങ്ങളിലും ടോക്സോപ്ലാസ, ഇ.കോളി എന്നീ അപകടകരമായ ബാക്ടീരിയകളുണ്ടാകും. ഗർഭകാലത്ത് ഇവ കഴിക്കുന്നത് ദോഷകരമാണ്.
പാസ്ചറൈസ് ചെയ്യാത്ത പാൽ, ചീസ്, മറ്റ് പാലുൽപ്പന്നങ്ങളിൽ ലിസ്റ്റീരിയ പോലത്തെ ദോഷകരമായ ബാക്ടീരിയകളുണ്ടാകും. ഗർഭകാലത്ത് ഈ ഭക്ഷണങ്ങൾ കഴിക്കുന്നത് അപകടകരമാണ്.
വേവിക്കാത്ത മാംസം കഴിക്കുന്നത് ബാക്ടീരിയ അണുബാധയ്ക്കുള്ള സാധ്യത വർധിപ്പിക്കും. സാൽമൊണെല്ല അല്ലെങ്കിൽ ടോക്സോപ്ലാസ്മ പോലെയുള്ള ബാക്ടീരിയകൾ ഇതിലുണ്ടാകും. ഇത് ഗർഭസ്ഥ ശിശുവിനെയും അമ്മമാരെയും ദോഷകരമായി ബാധിക്കും.
അയല, ശ്രാവ് തുടങ്ങിയ ചില മത്സ്യങ്ങളിൽ ഉയർന്ന മെർക്കുറി അംശം അടങ്ങിയിട്ടുണ്ട്. ഗർഭകാലത്ത് ഉയർന്ന മെർക്കുറി അടങ്ങിയ മത്സ്യം കഴിക്കുന്നത് കുഞ്ഞിന്റെ വളരുന്ന നാഡീവ്യവസ്ഥയെ ബാധിക്കും.
(Disclaimer: ഇവിടെ നൽകിയിരിക്കുന്ന വിവരങ്ങൾ വീട്ടുവൈദ്യങ്ങളും പൊതുവായ വിവരങ്ങളും അടിസ്ഥാനമാക്കിയുള്ളതാണ്. അത് സ്വീകരിക്കുന്നതിന് മുമ്പ് വൈദ്യോപദേശം തേടുക)
