Happy Birthday Salman Khan: പിറന്നാള്‍ നിറവിലാണ് ബോളിവുഡ്‌ താരം സല്‍മാന്‍ ഖാന്‍. ബോളിവുഡിന്‍റെ ഭായ് ജാന്‍ ഡിസംബര്‍ 27ന് 56ാം പിറന്നാള്‍ ആഘോഷിക്കുകയാണ്.
പന്‍വേലിലെ ഫാം ഹൗസില്‍ ഞായറാഴ്‌ച രാത്രിതന്നെ പിറന്നാള്‍ ആഘോഷങ്ങള്‍ നടന്നു. സോഷ്യല്‍ മീഡിയയില്‍ ഇപ്പോള്‍ ആരാധകരുടെ പിറന്നാള്‍ ആശംസാ പ്രവാഹമാണ്.
സല്‍മാന്‍ ഖാന്‍റെ പിറന്നാൾ ദിനത്തിൽ, സൂപ്പർസ്റ്റാറിനെ കുറിച്ച് അധികം ആരും അറിയപ്പെടാത്ത ചില വസ്തുതകൾ അറിയാം...
സല്‍മാന്‍ ഖാന്‍റെ യഥാര്‍ത്ഥ പേര് നിങ്ങള്‍ക്ക് അറിയാമോ? നിങ്ങളുടെ സൂപ്പർസ്റ്റാറിന്‍റെ യഥാര്‍ത്ഥ പേര് വെറും സല്‍മാന്‍ ഖാന്‍ എന്നല്ല. അബ്ദുൾ റഷീദ് സലിം സൽമാൻ ഖാൻ എന്നാണ് ഭായ് ജാന്‍റെ യഥാർത്ഥ പേര്.
മോഡലായി കരിയർ ആരംഭിച്ച സൽമാൻ അഭിനേതാവായി മാറി.
സൂരജ് ബർജാത്യയുടെ 'മൈനേ പ്യാർ കിയ' എന്ന ചിത്രമാണ് സല്‍മാന്‍ ഖാന്‍റെ ആദ്യ ചിത്രമെന്ന് കരുതുന്നുവെങ്കില്‍ തെറ്റി. 1988-ൽ ബിവി ഹോ തോ ഐസി എന്ന ചിത്രത്തിലെ സഹകഥാപാത്രത്തിലൂടെയാണ് അദ്ദേഹം സിനിമയില്‍ അരങ്ങേറ്റം കുറിച്ചത് എന്നതാണ് വസ്തുത.
പിതാവ് സലിം ഖാനെപ്പോലെ തിരക്കഥാകൃത്ത് ആകണമെന്നായിരുന്നു സല്‍മാന്‍ ഖാന്‍റെ ആഗ്രഹം. നടനാകാൻ സൽമാൻ ഒരിക്കലും ആഗ്രഹിച്ചിരുന്നില്ല. 'ബാഗി: എ റിബൽ ഫോർ ലവ്', 'വീർ', 'ചന്ദ്രമുഖി' എന്നീ മൂന്ന് ചിത്രങ്ങൾക്ക് അദ്ദേഹം തിരക്കഥയൊരുക്കിയിട്ടുണ്ട്, പക്ഷേ നിർഭാഗ്യവശാൽ ഒരു ചിത്രത്തിനും ബോക്‌സ് ഓഫീസിൽ ചലനം സൃഷ്ടിക്കാന്‍ സാധിച്ചില്ല.
ഇക്കാര്യം നിങ്ങളെ ശരിയ്ക്കും അത്ഭുതപ്പെടുത്തും...! 100 കോടി ക്ലബ്ബിൽ ആറ് ചിത്രങ്ങള്‍ സ്വന്തമായുള്ള ഒരേയൊരു നടനാണ് സൽമാൻ ഖാൻ...!!
സല്‍മാന്‍ ഖാന്‍റെ ബാത്ത് റൂമില്‍ സോപ്പുകളുടെ വന്‍ ശേഖരമാണ് ഉള്ളത്....!!
