ഏറെ കാത്തിരുന്ന Ola Electric scooter വിപണിയിലേയ്ക്ക് എത്തുകയാണ്. കഴിഞ്ഞ ജൂണ്‍ 16 നാണ് Ola Electric scooter ബുക്കിംഗ് ആരംഭിച്ചതായി കമ്പനി അറിയിച്ചത്. വെറും 499 രൂപയ്ക്കാണ് ഒല ഇലക്ട്രിക് സ്കൂട്ടര്‍ ബുക്കിംഗ് ആരംഭിച്ചിരിയ്ക്കുന്നത്. Booking ആരംഭിച്ച് ദിവസങ്ങള്‍ക്കുള്ളില്‍ ഒരു ലക്ഷത്തിലധികം പേര്‍ Ola Electric scooter ബുക്ക് ചെയ്തു എന്നാണ് റിപ്പോര്‍ട്ട്.
Ola Electric Scooter വരുന്ന ആഗസ്റ്റ് 15 ന് ഇന്ത്യയിൽ അവതരിപ്പിക്കും. ഇന്ത്യയുടെ 74ാ മത്തെ സ്വാതന്ത്ര്യ ദിനത്തിലാണ് ഇത് ലോഞ്ച് ചെയ്യുന്നത്. Ola CEO ഭാവിഷ് അഗര്‍വാള്‍ (Bhavish Aggarwal) ആണ് ഈ വിവരം മാധ്യമങ്ങളെ അറിയിച്ചത്.
Electric Scooter വിപണിയിലെ എതിരാളികളെ ഞെട്ടിച്ചുകൊണ്ടാണ് ഒല ഇലക്ട്രിക് സ്കൂട്ടറിന്റെ ബുക്കിംഗ് കുതിക്കുന്നത്. ഇതിനോടകം സ്കൂട്ടറിന്റെ പ്രത്യേകതകള്‍ സംബന്ധിച്ച വിവരങ്ങളും കമ്പനി പുറത്തുവിട്ടു.
Ola lectric സ്കൂട്ടറിന് 80,000 മുതല്‍ 1,00,000 വരെയാകും വില എന്നാണ് പ്രാഥമിക റിപ്പോര്‍ട്ട്.
ഉപഭോക്താക്കളുടെ ആവശ്യം മുന്‍ നിര്‍ത്തി മൂന്ന് വേരിയന്റുകളിലാണ് ഓല ഇലക്ട്രിക് സ്കൂട്ടര്‍ പുറത്തിറങ്ങുന്നത്. മൂന്നു വേരിയന്റുകളുടേയും പ്രത്യേകത വ്യത്യസ്തമാണ്. അടിസ്ഥാന മോഡലില്‍ ഉപയോഗിച്ചി രിയ്ക്കുന്നത് 2kW മോട്ടോർ ആണ്. ഈ മോഡല്‍ 45kmph വേഗത നല്‍കും. എന്നാല്‍, മിഡ് വേരിയന്റില്‍ 4kW മോട്ടോർആണ് ഉള്ളത്. 70kmph വേഗത കൈവരിക്കാൻ ഈ സ്കൂട്ടറിന് കഴിയും. ഓല ഇലക്ട്രിക്കിന്‍റെ ഏറ്റവും മികച്ച മോഡലില്‍ 7kW മോട്ടോർ ആണ് ഉള്ളത്. ഇത് 95 കിലോമീറ്റർ വേഗതയില്‍ നല്‍കുമെന്നാണ് കമ്പനി അവകാശപ്പെടുന്നത്
ഓല ഇലക്ട്രിക് സ്കൂട്ടറിന്റെ range സംബന്ധിച്ച് ഇപ്പോഴും അഭ്യൂഹങ്ങള്‍ നിലനില്‍ക്കുകയാണ്. range സംബന്ധിച്ച കാര്യങ്ങള്‍ ഒല ഇതുവരെ വ്യക്തമാക്കിയിട്ടില്ല. എന്നാല്‍, ഒരു തവണ ഫുള്‍ ചാര്‍ജ് ചെയ്തു കഴിഞ്ഞാല്‍ 150 km സഞ്ചരിക്കാന്‍ സധിക്കുമെന്നാണ് റിപ്പോര്‍ട്ടുകള്‍ പറയുന്നത്.
Ola Electric സ്കൂട്ടര്‍ മികച്ച boot space നല്‍കുമെന്നാണ് റിപ്പോര്‍ട്ട്. രണ്ടു ഹെല്‍മറ്റ് സുരക്ഷിതമായി വയ്ക്കാനുള്ള ഇടം ലഭിക്കുമെന്നാണ് സൂചന.
ഒല ഇലക്ട്രിക് സ്കൂട്ടർ (Ola Electric scooter) 10 സവിശേഷ നിറങ്ങളില്‍ ലഭിക്കും. എന്നാല ഇത് സംബന്ധിച്ച വിവരങ്ങള്‍ കമ്പനി ആഗസ്റ്റ് 15 ന് നല്‍കും. നിറങ്ങളുടെ കൃത്യമായ പേരുകൾ കമ്പനി ലോഞ്ച് സമയത്ത് പ്രഖ്യാപിക്കും. "10 നിറങ്ങളിൽ ഒരു വിപ്ലവം" ആണ് ഒല ഇലക്ട്രിക് സ്കൂട്ടർ നടത്താന്‍ പോകുന്നത് എന്നാണ് കമ്പനി CEO അഭിപ്രായപ്പെട്ടത്.
ഒല ഇലക്ട്രിക് അതിന്‍റെ വരാനിരിക്കുന്ന സ്കൂട്ടറിനായി ഒല 'ഹൈപ്പർചാർജർ നെറ്റ്‌വർക്ക്' (Ola 'Hypercharger Network' ) ഇതിനോടകം അവതരിപ്പിച്ചു കഴിഞ്ഞു. സ്കൂട്ടര്‍ ഉടമകള്‍ക്ക് സൗകര്യ പ്രദമായി ചാര്‍ജ്ജ് ചെയ്യുന്നതിന് അവസരമൊരുക്കുക എന്നതും കമ്പനി ലക്ഷ്യമിടുന്നു.
