മെൽബൺ : കിങ് കോലിയുടെ പോരാട്ട വീര്യത്തിൽ ലോകകപ്പിൽ പാകിസ്ഥാനെതിരെയ ഇന്ത്യക്ക് ജയം. 31ന് നാല് എന്ന നിലയിൽ തകർന്നടിഞ്ഞ് ഇന്ത്യയെയാണ് വിരാട് കോലി 82 റൺസിന്റെ ഇന്നിങ്സിലൂടെ ബദ്ധ വൈരികളായ പാകിസ്ഥാനെതിരെ ത്രസിപ്പിക്കന്ന ജയിപ്പിച്ചത്. ഇന്ത്യയുടെ ജയത്തോടെ സോഷ്യൽ മീഡിയാകെ കോലി തരംഗമാണിപ്പോൾ. അതിനിടെയാണ് മത്സരത്തിന് ശേഷം നടന്ന മറ്റൊരു സംഭവം സോഷ്യൽ മീഡിയയിൽ ഇടം പിടിക്കുന്നത്.
ജയത്തിന് ശേഷം കാണികളെ അഭിവാദ്യം ചെയ്യുന്ന കോലിയെ ഇന്ത്യൻ ക്രിക്കറ്റ് ടീം നായകൻ രോഹിത് ശർമ ഡഗ്ഗൌട്ടിൽ നിന്നും ഓടിയെത്തി തോളിലേറ്റുന്ന വീഡിയോയാണ് ഇപ്പോൾ തരംഗം സൃഷ്ടിക്കുന്നത്. കോലിയെ തോളിലേറ്റിയ രോഹിത് സന്തോഷം കൊണ്ട് ചുറ്റുകയും ചെയ്തു. ഇരുവർക്കും സമീപത്തായി ഹാർദിക് പാണ്ഡ്യയും കെ.എൽ രാഹുലും സൂര്യകുമാർ യാഗദവും നിൽപ്പുണ്ട്. ഇരുവരുടെയും ഈ നിമിഷത്തിന്റെ ചിത്രം ബിസിസിഐ തങ്ങളുടെ ട്വിറ്റർ പേജിൽ പങ്കുവെച്ചിട്ടുണ്ട്. വീഡിയോ കാണാം:
ALSO READ : T20 World Cup 2022 : മെൽബണിൽ കോലിയുടെ ദീപാവലി വെടിക്കെട്ട്; ദുബായിലെ കടം മെൽബണിൽ തീർപ്പാക്കി ഇന്ത്യ
This team. These two. This moment. #ViratKohli | #INDvPAK | #T20WorldCup pic.twitter.com/IiHf2WW4jK
— Lucknow Super Giants (@LucknowIPL) October 23, 2022
ആറ് വിക്കറ്റിനാണ് ഇന്ത്യ കോലിയുടെ പ്രകടന മികവിൽ പാകിസ്ഥാനെ തകർക്കുന്നത്. കോലിക്കൊപ്പം ഹാർദിക് പാണ്ഡ്യയും ഇന്ത്യയുടെ വിജയത്തിന് നിർണായക പങ്ക് വഹിക്കുകയും ചെയ്തു. അവസാന ബോൾ നീണ്ട നിന്ന പോരാട്ടത്തിലാണ് ഇന്ത്യയുടെ ജയം.
ടോസ് നേടിയ രോഹിത് ആദ്യ പാകിസ്ഥാനെ ബാറ്റിങ്ങിനയിക്കുകയായിരുന്നു. നിശ്ചിത ഓവറിൽ പാകിസ്ഥാൻ എട്ട് വിക്കറ്റ് നഷ്ടത്തിൽ 159 റൺസെടുക്കുകയായിരുന്നു. തകർന്നടിഞ്ഞ പാകിസ്ഥൻ ബാറ്റിങ് നിരയെ പിടിച്ച് നിർത്തിയത് ഷാൻ മസൂദിന്റെയും ഇഫ്തിഖർ അഹമ്മദിന്റെയും അർധ സെഞ്ചുറി നേട്ടമായിരുന്നു. ഒരു ഘട്ട് പാക് സ്കോർ 150 പോലും കടക്കില്ലയെന്ന കരുത നേരത്ത് വാലറ്റക്കാരോട് ചേർന്ന് മസൂദ് നടത്തിയ ഇന്നിങ്സാണ് ഇന്ത്യയുടെ വിജയലക്ഷ്യം 160ലേക്കെത്തിച്ചത്.
തുടക്കം മുതൽ തന്നെ ഇന്ത്യയുടെ ബോളിങ് ആക്രമണത്തിൽ പതറുകയായിരുന്നു പാകിസ്ഥാൻ. പാക് നായകൻ ബാബർ അസം നേരിട്ട ആദ്യ പന്തിൽ തന്നെ അർഷ്ദീപ് സിങ് പുറത്താക്കുകയായിരുന്നു. പിന്നാലെ അർഷ്ദീപ് തന്റെ രണ്ടാം ഓവറിൽ ഓപ്പണറായ മുഹമ്മദ് റിസ്വാനെയും പാക് ഡ്രെസ്സിങ് റൂമിലേക്കയച്ചു. മൂന്നാം വിക്കറ്റ് കൂട്ടുകെട്ടിലാണ് മസൂദും ഇഫ്തിഖറും ചേർന്ന് പാകിസ്ഥാന് ഒരു തിരിച്ച് വരവ് സമ്മാനിച്ചത്. എന്നാൽ ടീം സ്കോർ 100 എത്തുന്നതിന് മുമ്പ് മുഹമ്മദ് ഷമി ഇഫ്തിഖറിനെ പുറത്താക്കി.
ALSO READ : T20 World Cup 2022 : 19-ാം ഓവർ...! എന്ത് ചെയ്യണമെന്നറിയാതെ രോഹിത്; അടി വാങ്ങി കൂട്ടുന്ന ഇന്ത്യൻ ബോളർമാർ
പിന്നാലെ ഓരോ ഇടവേളകളിൽ ഹാർദിക് പാണ്ഡ്യ മൂന്ന് ബാറ്ററെമാരെയാണ് പുറത്താക്കിയത്. തുടർന്ന് പാക് സ്കോർ ബോർഡ് 140 പോലും കടക്കില്ലയെന്ന് കരുതിയപ്പോൾ മസൂദ് വാലറ്റക്കാരോടൊപ്പം ചേർന്ന് പാകിസ്ഥാനെ പ്രതിരോധിക്കാവുന്ന സ്കോറിലേക്ക് നയിക്കുകയായിരുന്നു. ഡെത്ത് ഓവറുകളിൽ ഇന്ത്യ വിട്ട് നൽകുന്ന റൺസും കൂടി ചേർത്തപ്പോൾ പാകിസ്ഥാന് അനയാസം തങ്ങളുടെ സ്കോർ 160ലേക്കെത്തിച്ചു. ഇന്ത്യക്കായി അർഷ്ദീപും ഹാർദിക്കും മൂന്ന് വിക്കറ്റുകൾ വീതം നേടി. ഭുവനേശ്വർ കുമറും മുഹമ്മദ് ഷമിയുമാണ് ബാക്കി രണ്ട് വിക്കറ്റുകൾ സ്വന്തമാക്കിയത്. പാകിസ്ഥാനായി ഹാരിസ് റൌഫ് മൂന്നും മുഹമ്മദ് നവാസ് രണ്ടും വിക്കറ്റുകൾ വീതം നേടി. ഷഹീൻ അഫ്രീദിയാണ് മറ്റൊരു വിക്കറ്റ് സ്വന്തമാക്കിയത്.
ഒക്ടോബർ 27ന് നെതർലാൻഡ്സിനെതിരെ സിഡ്നിയിൽ വെച്ചാണ് ഇന്ത്യയുടെ അടുത്ത മത്സരം. ലോകകപ്പിൽ ഇന്ന് നടന്ന മറ്റൊരു മത്സരത്തിൽ ശ്രീലങ്ക ഐർലാൻഡിനെ ഒമ്പത് വിക്കറ്റിന് തോൽപ്പിച്ചു. പുറത്താകാതെ 68 റൺസെടുത്ത ഓപ്പണർ കുശാൻ മെൻഡിസിന്റെ ഇന്നിങ്സാണ് ലങ്കയ്ക്ക് സൂപ്പർ 12ലെ ആദ്യ ജയം സ്വന്തമാക്കാൻ സാധിച്ചത്. അഞ്ച് ഓവറുകൾ ബാക്കി നിർത്തവെയാണ് ലങ്കൻ ടീമിന്റെ ജയം.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
