ഒരു മാസം കൊണ്ട് 10 ബില്യൺ ജിബി ഡാറ്റ ഉപയോഗിച്ച് ജിയോ ഉപഭോക്താക്കൾ റെക്കോർഡിട്ടു.2016ൽ റിലയൻസ് ജിയോ ടെലികോം മേഖലയിലേക്ക് പ്രവേശിക്കുമ്പോൾ രാജ്യത്തെ എല്ലാ നെറ്റ്‌വർക്കുകളിലും ഡാറ്റ ഉപഭോഗം 4.6 എക്‌സാബൈറ്റ് മാത്രമായിരുന്നു. ഇതിനെ മറികടന്നാണ് ജിയോയുടെ ഉപഭോഗം 10 എക്സാബൈറ്റുകൾ ആയത്.മാർച്ച് പാദത്തിൽ ജിയോ നെറ്റ്‌വർക്കിലെ ഡാറ്റ ഉപഭോഗം 30.3 എക്‌സാബൈറ്റാണ്.
ഡാറ്റ ഉപഭോഗം വർധിപ്പിക്കുന്നതിൽ 5G റോൾഔട്ട് ഒരു പ്രധാന പങ്ക് വഹിച്ചു. ജിയോ ഉപയോക്താക്കൾ ഇപ്പോൾ ഓരോ മാസവും ശരാശരി 23.1 ജിബി ഡാറ്റ ചെലവഴിക്കുന്നു. രണ്ട് വർഷം മുമ്പ് വരെ ഇത് പ്രതിമാസം 13.3 ജിബി മാത്രമായിരുന്നു. അതായത്, ഓരോ ജിയോ ഉപയോക്താവും 2 വർഷം മുമ്പുള്ളതിനേക്കാൾ 10 ജിബി കൂടുതൽ ഡാറ്റ പ്രതിമാസം ഉപയോഗിക്കുന്നു. ജിയോ നെറ്റ്‌വർക്കിലെ ഡാറ്റ ഉപഭോഗത്തിന്റെ ഈ ശരാശരി ടെലികോം വ്യവസായ ശരാശരിയേക്കാൾ വളരെ കൂടുതലാണ്.
ALSO READ: 22,999 രൂപയുടെ ഫോൺ 19,999 രൂപയ്ക്ക്, കിടിലൻ ഓഫര്‍ ഇതാ
ത്രൈമാസ ഫലങ്ങൾ അനുസരിച്ച്, 2023 മാർച്ചോടെ ജിയോ 60,000 സൈറ്റുകളിൽ 3.5 ലക്ഷത്തിലധികം 5G സെല്ലുകൾ ഇൻസ്റ്റാൾ ചെയ്തിട്ടുണ്ട്. രാജ്യത്തുടനീളമുള്ള 2,300-ലധികം നഗരങ്ങളും പട്ടണങ്ങളും 5G കവറേജിന് കീഴിൽ വന്നിട്ടുണ്ട്, കൂടാതെ ധാരാളം ജിയോ ഉപയോക്താക്കൾ 5G സേവനങ്ങൾ ഉപയോഗിക്കുന്നു. 2023 അവസാനത്തോടെ രാജ്യത്തുടനീളം 5G കവറേജ് നൽകാൻ കമ്പനി ആഗ്രഹിക്കുന്നതായി റിപ്പോർട്ടുണ്ട്.
5G റോളൗട്ടിനൊപ്പം എയർ ഫൈബറും പുറത്തിറക്കാനുള്ള ഒരുക്കത്തിലാണ് കമ്പനി. അടുത്ത ഏതാനും മാസങ്ങൾക്കുള്ളിൽ ലോഞ്ച് സാധ്യമാകുമെന്ന് ജിയോ അറിയിച്ചു. 10 കോടി വീടുകളെ ഫൈബറും എയർ ഫൈബറും ഉപയോഗിച്ച് ബന്ധിപ്പിക്കാനാണ് റിലയൻസ് ജിയോ ലക്ഷ്യമിടുന്നത്.
ജിയോയുടെ പ്രതിമാസ ശരാശരി വരുമാനം (എആർപിയു) 178.8 രൂപയായി വർധിച്ചതുപോലുള്ള ചില സുപ്രധാന കാര്യങ്ങളും ഫലങ്ങളിൽ പുറത്തുവന്നു. ഓരോ ദിവസവും ഉപയോക്താക്കൾ കമ്പനിയുടെ നെറ്റ്‌വർക്കിൽ 1,459 കോടി മിനിറ്റ് സംഭാഷണം (വോയ്‌സ് കോളിംഗ്) ചെയ്യുന്നു. ജിയോ നെറ്റ്‌വർക്കിലേക്ക് കണക്‌റ്റ് ചെയ്‌തിരിക്കുന്ന എല്ലാ ഫോണുകളിലും ഓരോ മാസവും ഏകദേശം 1,003 മിനിറ്റ് കോളിംഗ് നടക്കുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
